Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമേലുദ്യോഗസ്ഥനോടുള്ള...

മേലുദ്യോഗസ്ഥനോടുള്ള വൈരാഗ്യം തീർക്കാൻ സിഗ്നൽ കേബിൾ മുറിച്ച റെയിൽവേ ജീവനക്കാരെ പിരിച്ചുവിട്ടു

text_fields
bookmark_border
feroke railway station
cancel

കോഴിക്കോട്: മദ്യപിച്ചതിന് നടപടിയെടുത്ത മേലുദ്യോഗസ്ഥനോടുള്ള വൈരാഗ്യം തീർക്കാൻ സി​ഗ്​​ന​ല്‍ കേ​ബി​ള്‍ മു​റി​ച്ച രണ്ട് റെയിൽവേ ജീവനക്കാരെ പിരിച്ചുവിട്ടു. ഫറോക്ക് സ്റ്റേഷനിലെ സി​ഗ്​​ന​ൽ ആ​ന്‍ഡ് ടെ​ലി ക​മ്യൂ​ണി​ക്കേ​ഷ​ന്‍ വി​ഭാ​ഗം ടെ​ക്‌​നീ​ഷ്യ​ന്‍മാ​രാ​യ കക്കോടി സ്വദേശി പ്രവീൺരാജ് (34), സുൽത്താൻബത്തേരി സ്വദേശി കോട്ടൂർ ജിനേഷ് (33) എന്നിവരെയാണ് പിരിച്ചുവിട്ടത്. ഇരുവരെയും നേരത്തെ സസ്പെൻഡ് ചെയ്തിരുന്നു.

കഴിഞ്ഞ മാർച്ച് 24ന് ​രാ​വി​ലെയായിരുന്നു സിഗ്നൽ കേബിളുകൾ മുറിച്ച നിലയിൽ കണ്ടെത്തിയത്. സി​ഗ്​​ന​ൽ പ്ര​വ​ര്‍ത്തി​ക്കാ​ത്ത​തി​നെ തു​ട​ര്‍ന്ന് ട്ര​യി​നു​ക​ള്‍ മ​ണി​ക്കൂ​റു​ക​ളോ​ളം പി​ടി​ച്ചി​ടേ​ണ്ടി വ​ന്നു. അ​ന്വേ​ഷ​ണ​ത്തി​ലാ​ണ് ജീ​വ​ന​ക്കാ​ര്‍ത​ന്നെ​യാ​ണ്​ മു​റി​ച്ച​തെ​ന്ന്​ ആ​ർ.​പി.​എ​ഫ് ക​ണ്ടെ​ത്തി​യ​ത്.

24ന് ​രാ​വി​ലെ ക​ല്ലാ​യി റെ​യി​ല്‍വേ സ്‌​റ്റേ​ഷ​നു സ​മീ​പം അ​ഞ്ചു കി​ലോ​മീ​റ്റ​ര്‍ ദൂ​ര​ത്തി​ല്‍ അ​ഞ്ചു സ്ഥ​ല​ങ്ങ​ളി​ലാ​ണ് കേ​ബി​​ള്‍ മു​റി​ച്ച​താ​യി ക​ണ്ടെ​ത്തി​യ​ത്. പച്ച സിഗ്‌നലിന് പകരം മഞ്ഞ സിഗ്‌നലാക്കിെവച്ചു. സിഗ്നൽ തകരാറിലായതോടെ കോഴിക്കോട്, ഫറോക്ക്, വെള്ളയിൽ പരിധിയിൽ ചരക്കുവണ്ടികൾ ഉൾപ്പെടെ 13 വണ്ടികൾ വൈകി. രണ്ടുമണിക്കൂർ അറ്റകുറ്റപ്പണി നടത്തിയാണ് സിഗ്നൽ സംവിധാനം പൂർവസ്ഥിതിയിലാക്കിയത്.

തുടർന്ന് ആർ.പി.എഫ് അന്വേഷണം നടത്തിയാണ് പ്രതികളെ കണ്ടെത്തിയത്. വിദഗ്ധ പരിശീലനവും ഇക്കാര്യത്തിൽ അറിവും ഉള്ളവർക്ക് മാത്രമേ സിഗ്നൽ കേബിളുകൾ ഇത്തരത്തിൽ മാറ്റാൻ പറ്റൂവെന്ന് ആർ.പി.എഫ് കണ്ടെത്തിയിരുന്നു. തുടർന്നാണ് അന്വേഷണം ജീവനക്കാരിലെത്തിയത്. സാക്ഷിമൊഴിയും സി.സി.ടി.വി ദൃശ്യങ്ങളും പ്രതികളെ കണ്ടെത്താൻ സഹായകമായി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Railway employeesRailway signal cable
News Summary - Railway employees fired for cutting signal cable
Next Story