റെയ്ഡ്: ജനശ്രദ്ധ തിരിച്ചു വിടാനുള്ള ഹീന തന്ത്രം -പോപ്പുലർ ഫ്രണ്ട്​ നേതാക്കൾ

മലപ്പുറം: ഭരണകൂടം പ്രതിസന്ധിയിലാകു​േമ്പാൾ ജനശ്രദ്ധ തിരിച്ചു വിടാൻ സ്വീകരിക്കുന്ന ഹീനമായ തന്ത്രത്തി​െൻറ ഭാഗം മാത്രമാണ്​ വീടുകളിൽ നടന്ന പരിശോധനയെന്ന്​ പോപ്പുലർ ഫ്രണ്ട്​ നേതാക്കളായ ഒ.എം.എ സലാമും നാസറുദ്ദീൻ എളമരവും അറിയിച്ചു. ബംഗളൂരിൽ പാർട്ടി യോഗത്തിൽ സംബന്ധിക്കുന്ന ഇരുവരും രാവിലെയാണ്​ റെയ്​ഡ്​ വിവരം അറിഞ്ഞത്​. ബുധനാഴ്​ച രാവിലെ എട്ടിനാണ് പോപ്പുലർ ഫ്രണ്ട്​ ദേശീയ ചെയർമാൻ ഒ.എം.എ സലാമി​െൻറ മഞ്ചേരി കിഴക്കേത്തലയിലെ വീട്ടിലും​ നാസറുദ്ദീ​െൻറ എളമരത്തുള്ള വീട്ടിലും ഇ.ഡി ഉ​േദ്യാഗസ്​ഥർ പരിശോധനക്കെത്തിയത്​.

പൗരത്വ പ്രക്ഷോഭത്തിന്​ ശേഷം രാജ്യം കണ്ട ഏറ്റവും വലിയ പ്രതിഷേധമാണ്​ ഡൽഹിയിൽ നടക്കുന്ന കർഷക സമരമെന്നും അതിൽ നിന്ന് മാധ്യമ ശ്രദ്ധി തിരിക്കാനുള്ള ശ്രമങ്ങളാണിതെന്നും ​നേതാക്കൾ പറഞ്ഞു. ജനപിന്തുണയുള്ള പ്രക്ഷോഭമായി കർഷക സമരം​ മാറിയതോടെ മുഖം വികൃതമായി നിൽക്കുകയാണ്​ മോദി സർക്കാർ. ഒരു​ തരത്തിലുള്ള സാമ്പത്തിക കുറ്റ കൃത്യത്തിലും പോപ്പുലർ ഫ്രണ്ട്​ പങ്കാളികളല്ല. വിദേശ ഫണ്ട്​ സ്വീകരിച്ചിട്ടില്ല. സുതാര്യമായ സംഘടന പ്രവർത്തിക്കുന്നത്​. സംശുദ്ധമായ പൊതുപ്രവർത്തനമാണ്​ നടത്തുന്നത്​. അനധികൃതമായി ഒന്നും സമ്പാദിച്ചിട്ടില്ല. അതുകൊണ്ട്​ തന്നെ ഏ​തന്വേഷണത്തെയും ഭയമില്ല.

കഴിഞ്ഞ ജനുവരിയിൽ തന്നെ ഇ.ഡി നോട്ടീസ്​ നൽകി തങ്ങളെ വിളിപ്പിച്ചിരുന്നു. പറയാനുള്ളത്​ അന്നേ പറഞ്ഞു കഴിഞ്ഞതാണ്​. ഏതന്വേഷണവുമായും സഹകരിക്കും. പുകമറ സൃഷ്​ടിക്കരുത്​. രാഷ്​ട്രീയ വിരോധത്തിനുള്ള ചട്ടുകമായി അന്വേഷണ ഏജൻസികളെ മാറ്റരുത്​. വീടുകളിൽ ഇപ്പോൾ നടക്കുന്ന പരിശോധന ഫാഷിസ്​റ്റ്​ വിരുദ്ധ ചേരിയിൽ സംഘടന നടത്തുന്ന പോരാട്ടങ്ങളുടെ പ്രതിഷേധം കൂടിയാണെന്ന്​ ഇരുവരും പറഞ്ഞു.