'അന്വേഷണം ഇ.പിയിൽ നിന്ന് ക്രൈംബ്രാഞ്ച് ഏറ്റെടുത്തു'; പരിഹാസവുമായി രാഹുൽ മാങ്കൂട്ടത്തിൽ

കോഴിക്കോട്: എ.​കെ.​ജി സെ​ന്‍റ​ർ ആ​ക്ര​മ​ണ​ക്കേ​സി​ൽ അ​ന്വേ​ഷ​ണം ക്രൈം​ബ്രാ​ഞ്ചി​ന്​ കൈ​മാ​റി സർക്കാർ നടപടിയെ പരിഹസിച്ച് യൂത്ത് കോൺഗ്രസ് നേതാവ് രാഹുൽ മാങ്കൂട്ടത്തിൽ. കസേരയിലിരുന്ന് വായിക്കുമ്പോൾ ഞെട്ടിയ കേസ് അന്വേഷണം ഇ.പിയിൽ നിന്ന് ക്രൈംബ്രാഞ്ച് ഏറ്റെടുത്തുവെന്ന് രാഹുൽ ഫേസ്ബുക്കിൽ കുറിച്ചു.

ശനിയാഴ്ചയാണ് എ.​കെ.​ജി സെ​ന്‍റ​ർ ആ​ക്ര​മ​ണ​ക്കേ​സിന്‍റെ അ​ന്വേ​ഷ​ണം ക്രൈം​ബ്രാ​ഞ്ചി​ന്​ കൈ​മാ​റി ഡി.​ജി.​പി അ​നി​ൽ​കാ​ന്ത് ഉ​ത്ത​ര​വി​ട്ടത്. സം​ഭ​വം ന​ട​ന്ന് 23 ദി​വ​സ​മാ​യി​ട്ടും പ്ര​തി​യെ ക​ണ്ടെ​ത്താ​ൻ സി​റ്റി പൊ​ലീ​സ് ക​മീ​ഷ​ണ​റു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക​ സം​ഘ​ത്തി​ന് ക​ഴി​യാ​ത്ത സാ​ഹ​ച​ര്യ​ത്തി​ലാ​ണ് അ​ന്വേ​ഷ​ണം ക്രൈം​ബ്രാ​ഞ്ചി​ന്​ കൈ​മാ​റാ​ൻ തീ​രു​മാ​നി​ച്ച​ത്.

ക്രൈം​ബ്രാ​ഞ്ച് മേ​ധാ​വി ​ഷെ​യ്​​ഖ്​ ദ​ർ​വേ​ശ്​ സാ​ഹി​ബി​ന്‍റെ മേ​ൽ​നോ​ട്ട​ത്തി​ൽ പ്ര​ത്യേ​ക അ​ന്വേ​ഷ​ണ​സം​ഘം രൂ​പ​വ​ത്​​ക​രി​ച്ചാ​യി​രി​ക്കും തു​ട​ർ​ന്നു​ള്ള അ​ന്വേ​ഷ​ണം. തി​ങ്ക​ളാ​ഴ്ച സി​റ്റി പൊ​ലീ​സ് ക​മീ​ഷ​ണ​ർ സ്പ​ർ​ജ​ൻ​കു​മാ​ർ കേ​സ് ഫ​യ​ലു​ക​ൾ ക്രൈം​ബ്രാ​ഞ്ചി​ന് ന​ൽ​കും.

ജൂ​ണ്‍ 30ന് ​രാ​ത്രിയാണ് സംഭവമുണ്ടായത്. ഇ​തു​വ​രെ 1300 ഓ​ളം ഇ​രു​ച​ക്ര​വാ​ഹ​ന​ങ്ങ​ളും നാ​നൂ​റോ​ളം ഫോ​ൺ​കാ​ൾ വി​വ​ര​ങ്ങ​ളു​മാ​ണ്​ പ​രി​ശോ​ധി​ച്ച​ത്. എന്നാൽ, സ്ഫോ​ട​കവ​സ്തു എ​റി​ഞ്ഞ​യാ​ളെ​ക്കു​റി​ച്ച്​ വി​വ​ര​​മൊ​ന്നും ല​ഭി​ച്ചി​ല്ല.