പിണറായിയെ ട്രംപിനോട്​ ഉപമിച്ച്​ രാഹുൽ മാങ്കൂട്ടത്തിൽ; 'പെർഫെക്​ട്​ ഓകെ'

തിരുവനന്തപുരം: എൽ.ഡി.എഫിന്​ തുടർഭരണം ലഭിക്കു​െമന്ന മുഖ്യമന്ത്രിയുടെ ആത്മവിശ്വാസത്തെ യു.എസ്​ മുൻ പ്രസിഡന്‍റ്​ ട്രംപിന്‍റെ അവകാശവാദത്തോടുപമിച്ച്​ യൂത്ത്​ കോൺഗ്രസ്​ നേതാവ്​ രാഹുൽ മാങ്കൂട്ടത്തിൽ. ട്രംപിന്‍റെ ട്വീറ്റും മുഖ്യമന്ത്രിയുടെ സത്യപ്രതിജ്​ഞ സംബന്ധിച്ച വാർത്തയുടെ സ്​ക്രീൻ ഷോട്ടും പങ്കുവെച്ചായിരുന്നു രാഹുലിന്‍റെ പരിഹാസം. സോഷ്യൽ മീഡിയയിൽ ഏറെ വൈറലായ 'പെർഫെക്​ട്​ ഓകെ' എന്ന വാചകം അടിക്കുറിപ്പായി നൽകിയാണ്​ ചിത്രങ്ങൾ പോസ്റ്റ്​ ചെയ്​തത്​.

അമേരിക്കയിൽ തുടർഭരണം പ്രതീക്ഷിച്ച മുൻ പ്രസിഡന്‍റ്​ ഡോണൾഡ്​ ട്രംപ്, തെരഞ്ഞെടുപ്പിൽ​ ബൈഡൻ വിജയിച്ചുവെന്ന ഫലം പുറത്തുവന്നിട്ടും അംഗീകരിച്ചിരുന്നില്ല. ഇത്​ ഏറെ വിവാദത്തിനും കാപ്പിറ്റലിൽ കലാപത്തിനും വഴിവെച്ചിരുന്നു. ഫലം വന്നശേഷം 'തെരഞ്ഞെടുപ്പിൽ ഞാൻ വിജയിച്ചു' എന്ന്​ 2020 നവംബർ 16ന്​ ട്വീറ്റ്​ ചെയ്​തിരുന്നു. ഈട്വീറ്റാണ്​ പിണറായിയുടെ വാർത്തയോ​െടാപ്പം രാഹുൽ ഷെയർ ചെയ്​തത്​.

കേരളത്തിൽ തെരഞ്ഞെടുപ്പ്​ ഫലം നാളെ വരാനിരിക്കെ, എൽ.ഡി.എഫിന്​​ തുടർഭരണം ലഭിക്കുമെന്ന ആത്മവിശ്വാസത്തിൽ തിങ്കളാഴ്ച തന്നെ സത്യപ്രതിജ്ഞ ചടങ്ങ്​ ഒരുക്കാൻ മുഖ്യമന്ത്രി പിണറായി വിജയൻ നിർദേശം നൽകിയെന്ന വിവരം മാധ്യമങ്ങൾ പുറത്തുവിട്ടിരുന്നു. കോവിഡ്​ ബാധ രൂക്ഷമായ സാഹചര്യത്തിലാണ്​ ഫലപ്രഖ്യാപനത്തിന്‍റെ പിറ്റേ ദിവസം തന്നെ അധികാരത്തിലേറാൻ തയാറെടുക്കുന്നതെന്നാണ്​​ റിപ്പോർട്ട്. രാജ്​ഭവനിൽ വളരെ ചെറിയ രീതിയിൽ​ ചടങ്ങുകൾ നടത്താനാണ്​ ഉദ്ദേശിക്കുന്നത്​.