കൈയടി നേടി രാഹുലിൻെറ പത്തനാപുരം പ്രസംഗവും പരിഭാഷകയും

കോഴിക്കോട്​: ദേശീയ രാഷ്​ട്രീയ നേതാക്കളുടെ പ്രസംഗത്തിൻെറ പരിഭാഷ പലപ്പോഴും ജനശ്രദ്ധ നേടാറുണ്ട്​. പ്രാസംഗി കൻ പറയുന്ന കാര്യങ്ങൾ അതിൻെറ വൈകാരികാംശം ഒട്ടും ചോർന്നു പോകാതെ ജനങ്ങളിലേക്കെത്തിക്കുന്നതിൽ പലരും വിജയിക്ക ാറില്ല. ബ​ൃന്ദ കാരാട്ട്​ കേരളത്തിൽ വന്നപ്പോൾ നടത്തിയ പ്രസംഗത്തിൻെറ പരിഭാഷ അല​ങ്കോലമായതും നരേന്ദ്ര മോദിയു ടെ ഹിന്ദി പ്രസംഗം കെ. സുരേന്ദ്രൻ പരിഭാഷപ്പെടുത്തിയപ്പോൾ പാളിപ്പോയതും വാർത്തയായിരുന്നു​.

പ്രസംഗ പരിഭാഷ യുടെ ശക്തിയും സൗന്ദര്യവും വ്യക്തമാക്കുന്നതായിരുന്നു ചൊവ്വാഴ്​ച പത്തനാപുരത്ത്​ രാഹുൽഗാന്ധിയുടെ തീപ്പൊരി പ്രസംഗത്തിൻെറ പരിഭാഷ. രാഹുലിൻെറ ഓരോ വാക്കുകളും ശ്രദ്ധയോടെ കേട്ട്​, പ്രധാന ഭാഗങ്ങൾ എഴുതിയെടുത്ത്​ രണ്ടാമതൊന്ന്​ ആവർത്തിക്കാൻ ഇട നൽകാതെ ഒഴുക്കോടെയുള്ള പരിഭാഷ ഏവരു​െടയും ശ്രദ്ധ പിടിച്ചു പറ്റിയിരുന്നു. ഈ വനിതാ പരിഭാഷക ആരാണെന്നാണ്​ പലരും അന്വേഷിച്ചത്​.

ചെങ്ങന്നൂരില്‍ യു.ഡി.എഫ് സ്ഥാനാര്‍ത്ഥിയായി മത്സരിച്ച വിജയകുമാറിന്‍റെ മകള്‍ ജ്യോതി വിജയകുമാറാണ് രാഹുല്‍ ഗാന്ധിയുടെ ഇംഗ്ലീഷ് പ്രസംഗത്തിന്​ ശക്തവും സുന്ദരവുമായ മലയാള പരിഭാഷയൊരുക്കിയത്​. തിരുവനന്തപുരം സിവില്‍ സര്‍വീസ് അക്കാദമിയിലെ സോഷ്യോളജി അധ്യാപികയാണ്​ ജ്യോതി​. ആദ്യമായല്ല ജ്യോതി പരിഭാഷകയാകുന്നത്​. കോണ്‍ഗ്രസിൻെറ അനേകം വേദികളിൽ ജ്യോതി വിജയകുമാർ പരിഭാഷകയായിട്ടുണ്ട്​.

2016ല്‍ സോണിയാ ഗാന്ധി കേരളത്തിലെത്തിയപ്പോൾ അവർക്കു വേണ്ടി പ്രസംഗം പരിഭാഷപ്പെടുത്തിയത്​ ജ്യോതിയായിരുന്നു. അന്നത്തെ പരിഭാഷയും ഏറെ പ്രശംസ പിടിച്ചു പറ്റിയിരുന്നു.

തിരുവനന്തപുരം പ്രസ് ക്ലബില്‍ നിന്ന്​ പത്ര പ്രവര്‍ത്തനത്തില്‍ ബിരുദാനന്തര ബിരുദം നേടിയ ജ്യോതി വിജയകുമാർ തിരുവനന്തപുരം മാര്‍ ഇവാനിയോസ് കോളേജിലെ ആദ്യ വനിതാ ചെയര്‍ പേഴ്സണ്‍ കൂടിയായിരുന്നു. നിലവിൽ അധ്യാപന ജോലിക്കൊപ്പം മലയാളത്തിലെ ഒരു സ്വകാര്യ ചാനലിലും ജോലി ചെയ്യുന്നുണ്ട്​.