രാഹുല്‍ ഗാന്ധി നയിക്കുന്ന ഭരണഘടന സംരക്ഷണ യാത്ര ഇന്ന്

കല്‍പറ്റ: രാഹുല്‍ ഗാന്ധി എം.പി നയിക്കുന്ന ഭരണഘടന സംരക്ഷണ റാലിക്കുള്ള ഒരുക്കങ്ങള്‍ പൂര്‍ത്തിയായി. വ്യാഴാഴ്​ച രാവിലെ 10ന്​ കല്‍പറ്റ എസ്.കെ.എം.ജെ ഹൈസ്‌കൂളിന് സമീപത്തുനിന്ന്​ യാത്ര ആരംഭിക്കും. രാഹുല്‍ ഗാന്ധി എം.പി ദേശീയ പതാക യുമായി ജാഥ നയിക്കും. മഹാത്മാ ഗാന്ധിയുടെ ഛായാചിത്രവും ഭരണഘടന ആമുഖവും ദേശീയ പതാകയുമായി വളൻറിയര്‍മാരും സംസ്ഥാന നേതാക്കളും സാംസ്‌കാരിക നേതാക്കളും അണിനിരക്കും. വിദ്യാർഥികൾ, വനിതകൾ, സേവാദള്‍-വൈറ്റ് ഗാര്‍ഡ് വാളൻറിയര്‍മാർ, പൊ തുജനങ്ങൾ എന്നിവരും അണിചേരും.

കല്‍പറ്റ പുതിയ ബസ്​സ്​റ്റാൻഡ്​ പരിസരത്ത് പ്രത്യേകം സജ്ജമാക്കിയ നഗരിയില്‍ പ ൊതുസമ്മേളനം രാഹുല്‍ ഗാന്ധി എം.പി ഉദ്ഘാടനം ചെയ്യും. കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രന്‍, പ്രതിപക്ഷ നേതാവ് രമേശ് ചെന്നിത്തല, എ.ഐ.സി.സി ജനറല്‍ സെക്രട്ടറിമാരായ ഉമ്മന്‍ ചാണ്ടി, കെ.സി. വേണുഗോപാല്‍, മുസ്​ലിം ലീഗ് ദേശീയ ജനറല്‍ സെക്രട്ടറി പി.കെ. കുഞ്ഞാലിക്കുട്ടി എം.പി, സാദിഖലി ശിഹാബ് തങ്ങള്‍ തുടങ്ങിയവർ പങ്കെടുക്കും.

കക്ഷി രാഷ്​ട്രീയത്തിനും, ജാതി-മതചിന്തകള്‍ക്കും അതീതമായി ജനങ്ങള്‍ രാജ്യവ്യാപകമായി നടത്തുന്ന പ്രക്ഷോഭ പരിപാടികള്‍ക്ക് ഐക്യദാര്‍ഢ്യം പ്രകടിപ്പിച്ചാണ് യു.ഡി.എഫി​​െൻറ നേതൃത്വത്തില്‍ രാഹുല്‍ഗാന്ധി നയിക്കുന്ന ഭരണഘടന സംരക്ഷണയാത്ര.
ജില്ല കോണ്‍ഗ്രസ് കമ്മിറ്റി ഓഫിസില്‍ ചേര്‍ന്ന യോഗം ഒരുക്കങ്ങള്‍ വിലയിരുത്തി. പി.സി. വിഷ്ണുനാഥ്, കെ.സി. റോസക്കുട്ടി ടീച്ചര്‍, ഐ.സി. ബാലകൃഷ്ണന്‍ എം.എല്‍.എ, എ.പി. അനില്‍കുമാര്‍ എം.എല്‍.എ, എന്‍. സുബ്രഹ്​മണ്യന്‍, എന്‍.ഡി. അപ്പച്ചന്‍, കെ.കെ. അഹമ്മദ്ഹാജി എന്നിവര്‍ സംസാരിച്ചു.

കൽപറ്റയിൽ ഉച്ചവരെ ഗതാഗത നിയന്ത്രണം
കൽപറ്റ: യു.ഡി.എഫി​​െൻറ ഭരണഘടന സംരക്ഷണയാത്രയുടെ ഭാഗമായി വ്യാഴാഴ്​ച കൽപറ്റയിൽ ഗതാഗത നിയന്ത്രണമുണ്ടാകുമെന്ന് ജില്ല പൊലീസ്​ മേധാവി അറിയിച്ചു. രാവിലെ 9.30 മുതൽ ഉച്ചക്ക് ഒരു മണി വരെയാണ് നിയന്ത്രണം. ഈസമയം ജനമൈത്രി ജങ്ഷൻ മുതൽ കൈനാട്ടി ബൈപാസ്​ ജങ്ഷൻ വരെ കൽപറ്റ ടൗണിലൂടെ വാഹനങ്ങൾക്ക് പ്രവേശനമില്ല. കോഴിക്കോട് ഭാഗത്തു നിന്നും സുൽത്താൻ ബത്തേരി, മാനന്തവാടി ഭാഗത്തേക്ക് വരുന്ന വാഹനങ്ങൾ ജനമൈത്രി ജങ്ഷനിൽ നിന്നും, സുൽത്താൻ ബത്തേരി, മാനന്തവാടി ഭാഗത്തു നിന്നും കോഴിക്കോട് ഭാഗത്തേക്ക് പോകുന്ന വാഹനങ്ങൾ കൈനാട്ടിയിൽ നിന്നും ബൈപാസ്​ വഴി കടന്നു പോകണം.

കോഴിക്കോട് ഭാഗത്തു നിന്നും കൽപറ്റ വരെ വന്നു മടങ്ങി പോകേണ്ട ബസുകൾ പുതിയ ബസ്​ സ്​റ്റാൻഡിൽ പ്രവേശിക്കാതെ ജനമൈത്രി ജങ്ഷനിൽ നിന്നും യാത്രക്കാരെ കയറ്റി മടങ്ങണം.സുൽത്താൻ ബത്തേരി, മാനന്തവാടി ഭാഗത്തു നിന്നും കൽപറ്റ വന്നു മടങ്ങി പോകേണ്ട ബസുകൾ കൈനാട്ടിയിൽ നിന്നും ബൈപാസ്​ വഴി ജനമൈത്രി ജങ്ഷനിൽ വന്നു യാത്രക്കാരെ കയറ്റി ബൈപാസ്​ വഴി മടങ്ങി പോകണം.

കൽപ്റ്റ ടൗണിലുള്ള ഇടറോഡിൽ നിന്നും വാഹനങ്ങൾക്ക്​ മെയിൻ റോഡിലേക്ക് പ്രവേശനമില്ല. 9.30മുതൽ പടിഞ്ഞാറത്തറ ഭാഗത്തു നിന്നും പിണങ്ങോട് ജങ്ഷൻ വഴി കൽപറ്റയിലേക്ക് വരുന്ന വാഹനങ്ങൾ കൽപറ്റ ടൗണിലേക്ക് വരാതെ ജനമൈത്രീ ജങ്ഷനിലേക്ക് പോകണം.രാവിലെ ആറുമണി മുതൽ ഉച്ചക്ക് ഒരു മണിവരെ കൈനാട്ടി ബൈപാസ്​ ജങ്ഷൻ മുതൽ കൽപറ്റ പുതിയ സ്​റ്റാൻഡ് വരെ റോഡി​െൻറ ഇരുവശവും ഒരുവിധ പാർക്കിങ്ങും അനുവദിക്കുന്നതല്ല.