രാഹുൽ ഗാന്ധി ഏപ്രിൽ മൂന്നിന് നാമനിർദേശ പത്രിക സമർപ്പിക്കും

കൽപറ്റ: രാഹുൽ ഗാന്ധി ഏപ്രിൽ മൂന്നിന് നാമനിർദേശപത്രിക സമർപ്പിക്കും. മൂന്നിന് രാവിലെ വയനാട്ടിലെത്തുന്ന രാഹുൽ അന്നു റോഡ് ഷോയും സംഘടിപ്പിക്കും. വൈകുന്നേരം മടങ്ങിപ്പോകും. രാ​ഹു​ൽ​ഗാ​ന്ധി വീ​ണ്ടും മ​ത്സ​രി​ക്കു​ന്ന​തോ​ടെ ദേ​ശീ​യ ശ്ര​ദ്ധനേ​ടി​യ വ​യ​നാ​ട് മ​ണ്ഡ​ല​ത്തി​ൽ എ​ൻ.​ഡി.​എ സ്ഥാ​നാ​ർ​ഥി​യാ​യി ബി.​ജെ.​പി സം​സ്ഥാ​ന അ​ധ്യ​ക്ഷ​ൻ കെ.​സു​രേ​ന്ദ്ര​നെ കഴിഞ്ഞ ദിവസം പ്ര​ഖ്യാ​പി​ച്ച​തോ​ടെ മ​ണ്ഡ​ല ചി​ത്രം തെ​ളി​ഞ്ഞു.

ബി.​ജെ.​പിക്കെ​തി​രെ മ​ത്സ​രി​ക്കേ​ണ്ട​തി​ന് പ​ക​രം ഇ​ൻ​ഡ്യ മു​ന്ന​ണി​യു​ടെ ഏ​റ്റ​വും വ​ലി​യ നേ​താ​വ് വ​യ​നാ​ട്ടി​ൽ മ​ത്സ​രി​ക്കു​ന്ന​തി​നെ ചോ​ദ്യം ചെ​യ്യു​ന്ന​വ​രെ പ്ര​തി​രോ​ധി​ക്കാ​ൻ കെ. ​സു​രേ​ന്ദ്ര​ന്‍റെ സ്ഥാ​നാ​ർ​ഥി​ത്വം പ​രി​ധി​വ​രെ കോ​ൺ​ഗ്ര​സി​ന് സ​ഹാ​യ​ക​ര​മാ​കു​ം.

രാ​ഹു​ലി​നെ നേ​രി​ടാ​ൻ പ്ര​മു​ഖ നേ​താ​വ് ത​ന്നെ വേ​ണ​മെ​ന്ന ബി.​ജെ.​പിയു​ടെ കേ​ന്ദ്ര നേ​തൃ​ത്വ​ത്തി​ന്‍റെ നി​ല​പാ​ടാ​ണ് ഇ​ത്ത​വ​ണ മ​ത്സ​രി​ക്കാ​നി​ല്ലെ​ന്ന് അ​റി​യി​ച്ച സു​രേ​ന്ദ്ര​നെത​ന്നെ ക​ള​ത്തി​ലി​റ​ക്കി​യ​തി​ന് പി​ന്നി​ലെ​ന്ന് പ​റ​യ​പ്പെ​ടു​ന്നു. ദേ​ശീ​യ രാ​ഷ്ട്രീ​യ​ത്തി​ലെ​യും പ്ര​തി​പ​ക്ഷ നി​ര​യി​ലെ​യും പ്ര​ധാ​ന നേ​താ​ക്ക​ളാ​യ രാ​ഹു​ൽ ഗാ​ന്ധി​യും എ​ൽ.​ഡി.​എ​ഫ് സ്ഥാ​നാ​ർ​ഥി സി.​പി.​ഐ ദേ​ശീ​യ സെ​ക്ര​ട്ട​റി​യറ്റ് അം​ഗം ആ​നി രാ​ജ​യും മാ​റ്റു​ര​ക്കു​ന്ന വ​യ​നാ​ട് മ​ണ്ഡ​ല​ത്തി​ലേ​ക്കാ​ണ് ബി.​ഡി.​ജെ.​എ​സി​ൽ​നി​ന്ന് സീ​റ്റ് ഏ​റ്റെ​ടു​ത്ത് ബി.​ജെ.​പി സ്ഥാ​നാ​ർ​ഥി​യാ​യി സു​രേ​ന്ദ്ര​ൻ എ​ത്തു​ന്ന​ത്.

അ​തേസ​മ​യം, ബി.​ജെ.​പി​ക്ക് കാ​ര്യ​മാ​യ സ്വാ​ധീ​ന​മി​ല്ലാ​ത്ത വ​യ​നാ​ട്ടി​ൽ സു​രേ​ന്ദ്ര​നെ ക​ള​ത്തി​ലി​റ​ക്കി​യ​ത് എ​ന്തി​നാ​ണെ​ന്ന ചോ​ദ്യം പ്ര​വ​ർ​ത്ത​ക​ർത​ന്നെ ഉ​ന്ന​യി​ക്കു​ന്നു​ണ്ട്. രാ​ഹു​ൽ ഗാ​ന്ധി അ​ടു​ത്തയാഴ്ച മ​ണ്ഡ​ല​ത്തി​ൽ എ​ത്തു​ന്ന​തോ​ടെ തെ​ര​ഞ്ഞെ​ടു​പ്പ് പ്ര​ചാ​ര​ണം കൂ​ടു​ത​ൽ സ​ജീ​വ​മാ​കും. ആ​നി രാ​ജ​യാ​ക​ട്ടെ നേ​ര​ത്തേ ത​ന്നെ പ്ര​ചാ​ര​ണം തു​ട​ങ്ങി​യി​രു​ന്നു. രാ​ഹു​ൽ​ ഗാ​ന്ധി കു​റ​ഞ്ഞ ദി​വ​സം മാ​ത്ര​മേ മ​ണ്ഡ​ല​ത്തി​ൽ പ്ര​ചാ​ര​ണ​ത്തി​ന് ഉ​ണ്ടാ​വു​ക​യു​ള്ളൂ​വെ​ങ്കി​ലും കോ​ൺ​ഗ്ര​സി​ന്റെ പ്ര​മു​ഖ ദേ​ശീ​യ നേ​താ​ക്ക​ളെ​ല്ലാം മ​ണ്ഡ​ല​ത്തി​ലെ​ത്തു​ം.