അതൃപ്തി വ്യക്തമാക്കി ലീഗ്; രാഹുലിൻെറ തീരുമാനം നാളെ

മലപ്പുറം: വ​യ​നാ​ട്ടി​ലെ​ സ്​​ഥാ​നാ​ർ​ഥി നി​ർ​ണ​യം അ​നി​ശ്ചി​ത​മാ​യി നീ​ളു​ന്ന​തി​ൽ ക​ടു​ത്ത ആ​ശ​ങ്ക രേ​​ ഖ​പ്പെ​ടു​ത്തി ലീ​ഗ്​ സംസ്ഥാന നേ​തൃ​ത്വം. പാണക്കാട് ഹൈദരലി തങ്ങളുടെ വസതിയിൽ ചേർന്ന യോഗത്തിനു ശേഷം പി.കെ കുഞ്ഞ ാലിക്കുട്ടിയാണ് നിലപാട് വ്യക്തമാക്കിയത്.

എന്ത് തീരുമാനം ആയാലും വേഗം പ്രഖ്യാപിക്കണമെന്നും തീരുമാനം വൈക രുതെന്നും കോൺഗ്രസ് നേതാക്കളെ തങ്ങൾ അറിയിച്ചതായും കുഞ്ഞാലിക്കുട്ടി പറഞ്ഞു. പെട്ടെന്ന് തീരുമാനം ഉണ്ടാകണമെന്ന് ഹൈകമാൻഡിനെ അറിയിച്ചു. രാഹുലിനെ സ്വാഗതം ചെയ്യുന്ന നിലപാടാണ് ഞങ്ങൾക്കുള്ളത്- കുഞ്ഞാലിക്കുട്ടി വ്യക്തമാക്കി. ഇത് വയനാട്ടിലെ മാത്രം പ്രശ്നമല്ലെന്നും സംസ്ഥാനത്തെ മൊത്തം യു.ഡി.എഫ് സാധ്യതകളെയും ബാധിക്കുമെന്നും യോഗം വിലയിരുത്തി.

കേരളാ നേതാക്കൾ ബന്ധപ്പെടുന്നുണ്ടെങ്കിലും രാഹുൽ ഗാന്ധി തീരുമാനം ഇതുവരെ അറിയിച്ചിട്ടില്ല. അതേസമയം നാളെ തീരുമാനം ഉണ്ടാകുമെന്നാണ് ഡൽഹിയിൽ നിന്നുള്ള റിപ്പോർട്ടുകൾ. പ്രചാരണ തിരക്കുകൾക്കിടെ രാഹുൽ ഇന്ന് ഡൽഹിയിൽ ഉണ്ട്. കർണാടകയിൽ നാളെ നടക്കുന്ന റാലിക്ക് മുമ്പായി തീരുമാനം ഉണ്ടാകും. പ്രിയങ്ക മത്സരിക്കുന്ന കാര്യത്തിലും നാളെ തന്നെ തീരുമാനം ഉണ്ടാകും.

ഒ​രാ​ഴ്​​ച​യാ​യി​ട്ടും സ്​​ഥാ​നാ​ർ​ഥി​യി​ല്ലാ​തെ ​പ്ര​ചാ​ര​ണം ന​ട​ത്തേ​ണ്ടി​വ​രു​ന്ന​തി​ൽ പ്ര​വ​ർ​ത്ത​ക​ർ എ​തി​ർ​പ്പും നി​രാ​ശ​യും​ പ്ര​ക​ടി​പ്പി​ച്ചു​തു​ട​ങ്ങി​യ​തോ​ടെ​ വയനാട്​ ജി​ല്ല നേ​തൃ​ത്വവും തുറന്നടിച്ചിരുന്നു. 25 ദി​വ​സം മാ​ത്രം ശേ​ഷി​ക്കെ സ്ഥാ​നാ​ർ​ഥി​യെ പ്ര​ഖ്യാ​പി​ക്കാ​ത്ത​ത് യു.​ഡി.​എ​ഫ്-​മു​സ്‌​ലിം​ലീ​ഗ് പ്ര​വ​ര്‍ത്ത​ക​രി​ലും അ​ണി​ക​ളി​ലും അ​സ്വ​സ്ഥ​ത​യും നി​രാ​ശ​യു​മു​ണ്ടാ​ക്കാ​ന്‍ കാ​ര​ണ​മാ​വു​മെ​ന്ന്​ നേ​തൃ​ത്വം തു​റ​ന്ന​ടി​ച്ചിരുന്നു. സ്​​ഥാ​നാ​ർ​ഥി കാ​ര്യ​ത്തി​ൽ അ​ന്തി​മ തീ​രു​മാ​ന​ത്തി​ലെ​ത്താ​തെ ​തെ​ര​ഞ്ഞെ​ടു​പ്പ്​ പ്ര​വ​ർ​ത്ത​ന​ത്തി​നി​റ​ങ്ങി​ല്ലെ​ന്ന്​ പ​ല ശാ​ഖ ക​മ്മി​റ്റി​ക​ളും നി​ല​പാ​ടെ​ടു​ത്ത​തോ​ടെ​യാ​ണ്​ ലീ​ഗ്​ നേ​തൃ​ത്വം പ്ര​ശ്​​ന​ത്തി​ൽ ഇ​ട​പെ​ട്ട​ത്. സ്​​ഥാ​നാ​ർ​ഥി നി​ർ​ണ​യം അ​നി​ശ്ചി​ത​മാ​യി നീ​ളു​ന്ന​തി​ലെ രോ​ഷം യൂ​ത്ത്​ ലീ​ഗ്​ പ്ര​വ​ർ​ത്ത​ക​ർ സാ​മൂ​ഹി​ക മാ​ധ്യ​മ​ങ്ങ​ളി​ലും പ്ര​ക​ടി​പ്പി​ക്കു​ന്നു.