ഷഹല ഷെറി​െൻറ കുടുംബത്തെ ആശ്വസിപ്പിച്ച്​ രാഹുൽ ഗാന്ധി

പുത്തൻകുന്ന്​ (വയനാട്): ‘‘നിങ്ങളുടെ ദുഃഖം എ​​േൻതു കൂടിയാണ്​, ക്ഷമിക്കുക’’ -സുൽത്താൻ ബത്തേരി സർവജന സ്​കൂൾ ക്ലാസ്​ മുറിയിൽനിന്ന്​ പാമ്പുകടിയേറ്റ്​ മരിച്ച അഞ്ചാം ക്ലാസുകാരി ഷഹല ഷെറി​​​​െൻറ പുത്തൻകുന്നിലെ വീട്ടിലെത്തിയ രാഹുൽ ഗാന്ധിയുടെ പതിഞ്ഞ വാക്കുകൾക്കു മുന്നിൽ, ഉപ്പ അബ്​ദുൽ അസീസും ഉമ്മ സജ്​ന ആയിഷയും ദുഃഖം കടിച്ചമർത്തി ഇരുന്നു.

16 ദിവസം മുമ്പായിരുന്നു മരണം. അന്നത്തെ സംഭവങ്ങൾ അവർ പറഞ്ഞു. മികച്ച ചികിത്സ സൗകര്യം അടുത്തുണ്ടായിരുന്നുവെങ്കിൽ ഇങ്ങനെയൊരു ദുഃഖം ഉണ്ടാക​ുമായിരുന്നില്ല. ആ വിഷമം തീരുന്നില്ല. സർക്കാർ മെഡിക്കൽ കോളജിനുള്ള ചർച്ചയും ശ്രമങ്ങളും നടന്നുവരുകയാണെന്നും താൻ ഇടപെടുമെന്നും രാഹുൽ ഉറപ്പുനൽകി. വയനാട്ടിൽ മത്സരിക്കാൻ വന്നപ്പോൾ ഷഹല മോൾ വളരെ സ​ന്തോഷം പ്രകടിപ്പിച്ച കാര്യവും മാതാപിതാക്കൾ പങ്കുവെച്ചു. ഷഹലയുടെ ഫോ​ട്ടോ കണ്ട രാഹുൽ അവളുടെ പുഞ്ചിരിക്കുന്ന മുഖം മറക്കാനാവാത്ത ഓർമയാണെന്ന്​ പറഞ്ഞു. ഷഹലയുടെ അനുജത്തി അമീഗ ജെബീനെ അടുത്തേക്ക്​ വിളിച്ച്​ സമാധാനിപ്പിച്ചു. സജ്​നയുടെ ഉപ്പ മാമുക്കോയയും സഹോദരി ഫസ്​ന ഫാത്തിമയും മറ്റു​ ബന്ധുക്കളും വീട്ടിലുണ്ടായിരുന്നു.

കനത്ത സുരക്ഷയിൽ പകൽ 12 മണിയോ​െടയാണ്​ രാഹുൽ പുത്തൻകുന്നിലെ വീട്ടിലെത്തിയത്​. നാട്ടുകാർ അവിടെ കാത്തുനിന്നു. എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ, ഡി.സി.സി പ്രസിഡൻറ്​ ഐ.സി. ബാലകൃഷ്​ണൻ എം.എൽ.എ, എ.പി. അനിൽകുമാർ എം.എൽ.എ തുടങ്ങിയവർ ഒപ്പമുണ്ടായിരുന്നു. ഡി.സി.സി ജനറൽ സെ​ക്രട്ടറി ആർ.പി. ശിവദാസ്​, ​​ബ്ലോക്ക്​​ സെക്രട്ടറി വി.ജെ. തോമസ്​ അടക്കം ഏതാനും കോ​ൺഗ്രസ്​ പ്രവർത്തകർ ഷഹ​ലയുടെ വീട്ടിൽ ഉണ്ടായിരുന്നു.

വീട്ടിൽനിന്ന്​ ചായ കുടിച്ച്​ യാത്രപറഞ്ഞിറങ്ങിയ അദ്ദേഹം അസീസി​​​​െൻറ കൈ പിടിച്ചാണ്​ പു​റത്തേക്ക്​ വന്നത്​. തുടർന്ന്​ സർവജന സ്​കൂളിലെത്തി പ്രിൻസിപ്പൽ, ഹെഡ്​മാസ്​റ്റർ, അധ്യാപകർ, പി.ടി.എ ഭാരവാഹികൾ, ജനപ്രതിനിധികൾ എന്നിവരു​മായി സ്​ഥിതിഗതികൾ സംസാരിച്ചു. ഷഹ​ലക്ക്​ പാമ്പുകടിയേറ്റ ക്ലാസ്​ മുറിയും മാളവും അദ്ദേഹം കണ്ടു. സ്‌കൂള്‍ കവാടത്തിനടുത്ത് എത്തിയപ്പോൾ വിദ്യാർഥികള്‍ ‘രാഹുല്‍ജി’ എന്ന് ഉച്ചത്തില്‍ വിളിച്ചു. രാഹുല്‍ വാഹനം നിര്‍ത്തി അരികിലേക്ക് വരാന്‍ പറഞ്ഞു. അവർ നിവേദനം നല്‍കി. ഒന്നു മുതല്‍ ഏഴാം ക്ലാസ്​ വരെയുള്ള 25 വിദ്യാർഥികളാണ് നിവേദനവുമായി കാത്തുനിന്നത്.

‘‘ഞാൻ ആ​രെയും കുറ്റ​െപ്പടുത്താനല്ല വന്നത്​. ദൗർഭാഗ്യകരമായ ഇത്തരം സംഭവങ്ങൾ ആവർത്തിക്കാതിരിക്കാൻ, ഭാവിയിലേക്കുള്ള കാര്യങ്ങൾ നോക്കാം. നമ്മുടെ കുട്ടികൾ വരാന്തകളിൽ മരിക്കുന്ന സംഭവങ്ങൾ ഉണ്ടാകാൻ പാടില്ല. ആധുനിക ചികിത്സസൗകര്യങ്ങളുള്ള സ്​ഥാപനങ്ങൾ വേണം. ഗവ. മെഡിക്കൽ കോളജിന്​ സ്​ഥലം ക​െണ്ടത്തുന്ന കാര്യത്തിലടക്കം ഇടപെടൽ ഉണ്ടാകും’’ -ഒാഡിറ്റോറിയത്തിൽ തിങ്ങിനിറഞ്ഞ വിദ്യാർഥികളോടും അധ്യാപകരോടും രാഹുൽ പറഞ്ഞു. ഷഹലയുടെ മരണം രാഷ്​ട്രീയവത്കരിക്കാന്‍ താൽപര്യമില്ല. നിറഞ്ഞ കൈയടികളോടെയാണ് വിദ്യാർഥികള്‍ രാഹുലി​​​​െൻറ വാക്കുകളെ എതിരേറ്റത്. 40 മിനിറ്റോളം സ്‌കൂളില്‍ ചെലവഴിച്ച ശേഷമാണ് മടങ്ങിയത്.


‘വയനാട് മെഡിക്കല്‍ കോളജ്; ബീനാച്ചി എസ്‌റ്റേറ്റ് ഭൂമിക്ക്​ മധ്യപ്രദേശ്​ സർക്കാറിൽ സമ്മർദം ചെലുത്തും’

സു​ല്‍ത്താ​ന്‍ ബ​ത്തേ​രി: വ​യ​നാ​ട് ഗ​വ. മെ​ഡി​ക്ക​ല്‍ കോ​ള​ജ്​ സ്​​ഥാ​പി​ക്കാ​ൻ ആ​വ​ശ്യ​മാ​യ സ്​​ഥ​ലം ബ​ത്തേ​രി​ക്ക​ടു​ത്ത്​ മ​ധ്യ​പ്ര​ദേ​ശ് സ​ര്‍ക്കാ​റി​​െൻറ ഉ​ട​മ​സ്​​ഥ​ത​യി​ലു​ള്ള ബീ​നാ​ച്ചി എ​സ്​​റ്റേ​റി​ൽ​നി​ന്ന്​ ല​ഭ്യ​മാ​ക്കാ​ൻ സ​മ്മ​ർ​ദം ചെ​ലു​ത്തു​മെ​ന്ന്​ രാ​ഹു​ൽ ഗാ​ന്ധി എം.​പി. അ​ഞ്ചാം ക്ലാ​സ്​ വി​ദ്യാ​ർ​ഥി​നി ഷ​ഹ​ല ഷെ​റി​ൻ പാ​മ്പു ക​ടി​യേ​റ്റു മ​രി​ച്ച സു​ൽ​ത്താ​ൻ ബ​ത്തേ​രി സ​ർ​വ​ജ​ന സ്‌​കൂ​ള്‍ സ​ന്ദ​ര്‍ശി​ച്ച​ശേ​ഷം സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ഇ​തി​നാ​യി മു​ൻ​കൈ​യെ​ടു​ക്കു​മെ​ന്ന്​ കേ​ര​ള മു​ഖ്യ​മ​ന്ത്രി​യെ അ​റി​യി​ച്ചി​ട്ടു​ണ്ട്. മെ​ഡി​ക്ക​ൽ കോ​ള​ജി​ന്​ ഭൂ​മി വി​ട്ടു​ന​ൽ​കാ​ൻ മ​ധ്യ​പ്ര​ദേ​ശ്​ സ​ർ​ക്കാ​റി​നോ​ടും ആ​വ​ശ്യ​പ്പെ​ടും --രാ​ഹു​ൽ വ്യ​ക്ത​മാ​ക്കി. അ​ര നൂ​റ്റാ​ണ്ടി​ലേ​റെ​യാ​യി ബീ​നാ​ച്ചി​യി​ൽ 400ഓ​ളം ഏ​ക്ക​ർ കാ​പ്പി​ത്തോ​ട്ടം മ​ധ്യ​പ്ര​ദേ​ശ് സ​ര്‍ക്കാ​റി​​െൻറ ഉ​ട​മ​സ്ഥ​ത​യി​ലു​ണ്ട്.