പ്രതിപക്ഷത്തിന് തിരിച്ചടി: ലോക കേരളസഭക്ക് രാഹുലിെൻറ അഭിനന്ദനം
text_fieldsതിരുവനന്തപുരം: പ്രതിപക്ഷം ബഹിഷ്കരിച്ച രണ്ടാമത് ലോക കേരളസഭക്ക് ആശംസകളറിയിച്ച് കോൺഗ്രസ് എം.പി രാഹുൽ ഗാന്ധി. പ്രവാസികളുടെ ഏറ്റവും വലിയ വേദിയാണ് ലോക കേരളസഭയെന്ന് മുഖ്യമന്ത്രി പിണറായി വിജയന് അയച്ച അഭിനന്ദന കത്തിൽ രാഹുൽ വ്യക്തമാക്കി. മുഖ്യമന്ത്രി രാഹുലിന് നന്ദി അറിയിക്കുകയും കത്ത് ട്വിറ്ററിൽ പങ്കുവെക്കുകയും ചെയ്തു.
പ്രവാസികളുടെ രാജ്യത്തിനുള്ള സംഭാവനകൾക്ക് നൽകുന്ന അംഗീകാരമാണ് കേരള ലോകസഭ എന്ന വേദിയെന്ന് രാഹുൽ കത്തിൽ കുറിച്ചു. വിവിധ രാജ്യങ്ങളിൽ പ്രധാന മേഖലകളിലെല്ലാം മലയാളികളുടെ കയ്യൊപ്പുണ്ട്. രാജ്യത്തിെൻറ വികസന പ്രവർത്തനങ്ങളിൽ പ്രവാസികൾക്ക് വലിയ പങ്കുണ്ടെന്നും രാഹുൽ ചൂണ്ടിക്കാട്ടി.
Thank you Shri. Rahul Gandhi for your warm greetings to the Loka Kerala Sabha (@LokaKeralaSabha).
— CMO Kerala (@CMOKerala) January 2, 2020
In his message, @RahulGandhi opined that "the Loka Kerala Sabha is a great platform to connect with the diaspora, and recognize their contribution." pic.twitter.com/3G4KYMSllc
ഇന്ത്യയടക്കം 47 രാജ്യങ്ങളിൽ നിന്നുളള പ്രതിനിധികളാണ് സമ്മേളനത്തിൽ പങ്കെടുക്കുന്നത്. പ്രവാസികളുടെ പ്രശ്നങ്ങൾ പരിഹരിക്കുന്നതിൽ ലോക കേരള സഭ പരാജയമാണെന്നാരോപിച്ചാണ് യു.ഡി.എഫ് പരിപാടി ബഹിഷ്കരിച്ചിരിക്കുന്നത്. ജനുവരി ഒന്നിന് തുടങ്ങിയ പരിപാടി നാളെ സമാപിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.