ഓണ്‍ലൈന്‍ പഠനം :രാഹുൽ ഗാന്ധി 75  ടി.വികൾ കൈമാറും

കല്‍പറ്റ: ആദിവാസി വിദ്യാര്‍ഥികളുടെ ഓണ്‍ലൈന്‍ പഠനത്തിനായി രാഹുൽ ഗാന്ധി എം.പി അനുവദിക്കുന്ന 75 ടി.വികൾ വെള്ളിയാഴ്ച ജില്ല ഭരണകൂടത്തിന് കൈമാറും. രാഹുലി​​െൻറ ജന്മദിനത്തി​​െൻറ ഭാഗമായാണ്​ ടി.വികൾ നൽകുന്നത്.

കോളനികളിലെ കമ്യൂണിറ്റി ഹാള്‍, പഠനമുറി, അംഗൻവാടി എന്നിവിടങ്ങളില്‍ പഠനസൗകര്യമൊരുക്കുന്നതിനാണ് ടി.വികൾ നൽകുന്നത്. ജില്ല ഭരണകൂടം നല്‍കിയ ലിസ്​റ്റുകള്‍പ്രകാരമാണ് എത്തിക്കുന്നത്. പഠനം മുടങ്ങിയ വിദ്യാര്‍ഥികളുടെ വിവരങ്ങള്‍ രാഹുൽ ഗാന്ധി ജില്ല കലക്ടറോട് ആവശ്യപ്പെട്ടിരുന്നു. ഇതുപ്രകാരം ലഭ്യമായ കണക്കുകളുടെ അടിസ്ഥാനത്തിലാണ് ടി.വികൾ നൽകുന്നത്.