രണ്ടായിരത്തോളം ആശാവർക്കർമാർക്ക് ഓണപ്പുടവ; കരുതലുമായി രാഹുൽഗാന്ധി

വണ്ടൂർ : വയനാട് പാർലമെന്റ് മണ്ഡലത്തിലെ ആശാവർക്കർമാർക്ക് രാഹുൽ ഗാന്ധി എം.പിയുടെ സ്നേഹോപഹാരം. രണ്ടായിരത്തോളം ആശാവർക്കർമാർക്കും പെയിൻ ആൻഡ് പാലിയേറ്റിവ് വനിത നഴ്സ്മാർക്കും ഓണസമ്മാനമായി സാരികളാണ് രാഹുൽ ഗാന്ധി വിതരണം ചെയ്യുന്നത്.

റവന്യു, പൊലീസ്, ആരോഗ്യ വകുപ്പ് ഉദ്യോഗസ്ഥർക്ക് ഓണാശംസകൾ നേർന്ന്​ എം.പിയുടെ പ്രത്യേക കാർഡുകളും എത്തി. വണ്ടൂരിൽ നടന്ന ചടങ്ങ്​ എ.പി. അനിൽകുമാർ എം.എൽ.എ ഉദ്​ഘാടനം ചെയ്​തു. പഞ്ചായത്ത് പ്രസിഡൻറ്​‌ കെ.കെ.സാജിത, മുൻ ഡി.സി.സി പ്രസിഡൻറ്​‌ ഇ.മുഹമ്മദ്‌ കുഞ്ഞി, മുസ്​ലിം ലീഗ് മണ്ഡലം ട്രഷറർ വി.എ.കെ. തങ്ങൾ, ഡി.സി.സി വൈസ് പ്രസിഡൻറ്​‌ കെ.സി.കുഞ്ഞി മുഹമ്മദ്‌, ഡി.സി.സി ജനറൽ സെക്രട്ടറി അസീസ് ചീരൻതൊടി, അജീഷ് എടാരത്ത്, പഞ്ചായത്ത്‌ വൈസ് പ്രസിഡന്റ്‌ മാളിയേക്കൽ രാമചന്ദ്രൻ എന്നിവർ സംബന്ധിച്ചു.