'ബഹുമാനപ്പെട്ട ഗവർണറേ.., അത് നമ്മുടെ ഭാരത് മാതാവല്ല, കാവിയല്ല, ത്രിവർണ പതാകയാണ് ഭാരതാമ്മയുടെ കൈകളിൽ വേണ്ടത്'; രാഹുൽ ഈശ്വർ

തിരുവനന്തപുരം: രാജ്ഭവൻ സെൻട്രൽ ഹാളിൽ സ്ഥാപിച്ച കാവിക്കൊടിയേന്തിയ ഭാരതമാതാവിന്റെ ചിത്രത്തെ ചൊല്ലിയുള്ള വിവാദത്തിൽ പ്രതികരണവുമായി ശബരിമല തന്ത്രി കുടുംബാംഗം രാഹുൽ ഈശ്വർ.

ബഹുമാനപ്പെട്ട ഗവർണറെ നമ്മുടെ ഭാരതമാതാവ് കാവിക്കൊടി കൈയിലേന്തിയതല്ല, ത്രിവർണ പതാക കൈയിലേന്തിയതാണെന്ന് മനസിലാക്കൂവെന്നായിരുന്നു രാഹുൽ ഈശ്വർ ഫേസ്ബുക്കിൽ പോസ്റ്റ് ചെയ്ത വിഡിയോയിൽ പറഞ്ഞത്. കാവികൊടിയേന്തിയ ഭാരതമാതാവ് ആർ.എസ്.എസുകാർ കൊണ്ടു നടക്കുന്നതാണെന്നും ത്രിവർണപതാകയേന്തിയ ഭാരതമാതാവിനെയാണ് നമ്മൾ ഉയർത്തിപ്പിടിക്കേണ്ടതെന്നും അദ്ദേഹം പറഞ്ഞു.

ഒരു കാലത്ത് കാവിയായിരുന്ന ദേശീയ പതാക ത്രിവർണ പതാകയിലേക്ക് മാറാനുണ്ടായ സാഹചര്യവും ചരിത്രവും വിശദീകരിച്ചാണ് രാഹുലിന്റെ വിഡിയോ.

കൃ​ഷി​വ​കു​പ്പി​ന്‍റെ ആ​ഭി​മു​ഖ്യ​ത്തി​ൽ രാ​ജ്​​ഭ​വ​നി​ൽ ന​ട​ത്താ​ൻ നി​ശ്ച​യി​ച്ച ലോ​ക​പ​രി​സ്ഥി​തി ദി​ന​ത്തി​ന്‍റെ സം​സ്ഥാ​ന​ത​ല ഉ​ദ്​​ഘാ​ട​നം കാ​വി​ക്കൊ​ടി​യേ​ന്തി​യ ഭാ​ര​ത​മാ​താ​വി​ന്‍റെ ചി​ത്ര​ത്തെ​ച്ചൊ​ല്ലി സ​ർ​ക്കാ​ർ ബ​ഹി​ഷ്ക​രി​ച്ച​താ​ണ്​ വി​ഷ​യം വി​വാ​ദ​മാ​യ​ത്. സംഘപരിവാര്‍ അജണ്ടയാണ് ഗവര്‍ണര്‍ നടപ്പാക്കാന്‍ ശ്രമിച്ചതെന്ന് പറഞ്ഞാണ് മന്ത്രി പി.പ്രസാദ് ചടങ്ങിൽ നിന്ന് വിട്ടുനിന്നത്.

തു​ട​ർ​ന്ന്,​ സ്വ​ന്തം​നി​ല​ക്ക്​ രാ​ജ്​​ഭ​വ​ൻ പ​രി​പാ​ടി സം​ഘ​ടി​പ്പി​ച്ചു. ആ​ർ.​എ​സ്.​എ​സ്​ ഉ​പ​യോ​ഗി​ക്കു​ന്ന കാ​വി​ക്കൊ​ടി മാ​റ്റി ത്രി​വ​ർ​ണ​പ​താ​ക​യേ​ന്തി​യ ഭാ​ര​താം​ബ​യു​ടെ ചി​ത്രം വെ​ക്ക​ണ​മെ​ന്നാ​യി​രു​ന്നു സ​ർ​ക്കാ​ർ നി​ല​പാ​ട്.

ഈ ​നി​ർ​ദേ​ശം ഗ​വ​ർ​ണ​ർ അം​ഗീ​ക​രി​ച്ചി​ല്ല. മാ​ത്ര​മ​ല്ല, രാ​ജ്​​ഭ​വ​നി​ൽ സം​ഘ​ടി​പ്പി​ച്ച പ​രി​സ്ഥി​തി ദി​നാ​ഘോ​ഷ​ത്തി​ന്റെ ചി​ത്ര​ങ്ങ​ളും പു​റ​ത്തു​വി​ട്ട്​ ഗ​വ​ർ​ണ​ർ നി​ല​പാ​ട്​ വ്യ​ക്ത​മാ​ക്കു​ക​യും ചെ​യ്തു.

ഭാ​ര​താം​ബ​യു​ടെ ചി​ത്രം രാ​ജ്ഭ​വ​നി​ൽ​നി​ന്ന് മാ​റ്റി​ല്ലെ​ന്നും ഭാ​ര​താം​ബ രാ​ജ്യ​ത്തി​ന്‍റെ അ​ട​യാ​ള​മെ​ന്നു​മാ​ണ്​ ഗ​വ​ര്‍ണ​ർ അ​ടി​വ​ര​യി​ടു​ന്ന​ത്. മ​ന്ത്രി​മാ​ര്‍ക്ക് വ​രാ​ന്‍ ക​ഴി​യാ​ത്ത എ​ന്താ​ണു​ള്ള​തെ​ന്ന​ ചോ​ദ്യ​വും ഗ​വ​ര്‍ണ​ർ ഉ​ന്ന​യി​ക്കു​ന്നു. സ​ർ​ക്കാ​ർ നി​ല​പാ​ടി​നെ ഗ​വ​ർ​ണ​ർ പ​ര​സ്യ​മാ​യി ത​ള്ളി.

എന്നാൽ, ഗവര്‍ണറല്ല ആരു പറഞ്ഞാലും ആർ.എസ്.എസിനെ ആരാധിക്കാന്‍ സര്‍ക്കാരിനെ കിട്ടില്ലെന്ന് കൃഷി മന്ത്രി പി. പ്രസാദ് വ്യക്തമാക്കി. രാജ്ഭവന്‍ ബഹിഷ്‌കരിക്കാന്‍ നിലവില്‍ തീരുമാനിച്ചിട്ടില്ല. പക്ഷേ, കൃത്യമായ നിലപാടുകള്‍ സ്വീകരിക്കുമെന്നും പ്രസാദ് വ്യക്തമാക്കി.

ചിത്രം എടുത്ത് മാറ്റില്ല എന്ന് ഗവര്‍ണര്‍ വ്യക്തമാക്കി കഴിഞ്ഞു. രാജേന്ദ്ര വിശ്വനാഥ് അര്‍ലേക്കര്‍ ഗവര്‍ണറായി ചുമതല ഏറ്റെടുത്ത ശേഷം കഴിഞ്ഞ ദിവസം വരെ രമ്യതയിലായിരുന്നു സര്‍ക്കാരും രാജ്ഭവനും മുന്നോട്ടു പോയിരുന്നത്. എന്നാല്‍ വ്യാഴാഴ്ച പരിസ്ഥിതി ദിനാഘോഷത്തില്‍ ഭാരതാംബയുടെ ചിത്രത്തിന് മുന്നില്‍ വിളക്ക് തെളിയിക്കണമെന്ന് രാജ്ഭവന്‍ ആവശ്യപ്പെടുകയും, കൃഷിമന്ത്രി പരിപാടി ബഹിഷ്‌കരിക്കുകയും ചെയ്തതോടെയാണ് വീണ്ടും ഭിന്നതയിലേക്ക് സർക്കാറും ഗവർണറും എത്തിയത്.