'ഏത് ലീഗ് നേതാവിനെകുറിച്ച് പറഞ്ഞാലും എതിർക്കും'; അസഭ്യം പറഞ്ഞതിൽ വിശദീകരണവുമായി റാഫി പുതിയകടവ്

കോഴിക്കോട്: മു​ഈ​ന​ലി ത​ങ്ങ​ളെ അസഭ്യം പറഞ്ഞ സംഭവത്തിൽ കൂടുതൽ വിശദീകരണവുമായി മുസ് ലിം ലീ​ഗി​ലെ സ​ജീ​വ പ്ര​വ​ർ​ത്ത​ക​നും സം​സ്​​ഥാ​ന ക​മ്മി​റ്റി ഓ​ഫി​സി​ലെ സ്​​ഥി​രം സാ​ന്നി​ധ്യ​വു​മാ​യ റാ​ഫി പു​തി​യ​ക​ട​വ്​. ഏത് ലീഗ് നേതാവിനെ കുറിച്ച് പറഞ്ഞാലും എതിർക്കുമെന്ന് റാ​ഫി പു​തി​യ​ക​ട​വ് വ്യക്തമാക്കി.

ലീഗ് നേതാക്കളെ അനാവശ്യമായി വിമർശിച്ചതിനാണ് ഇടപ്പെട്ടത്. പാർട്ടി ഉണ്ടായിട്ടാണ് ഇവരെല്ലാം ഉണ്ടായത്. ഹൈദരലി തങ്ങൾക്കാണ് ഇതിന്‍റെ ക്ഷീണമുണ്ടാകുന്നത്. പാണക്കാട് കുടുംബത്തിൽ നിന്ന് ഒരാൾ വന്ന് പാർട്ടിയെയും നേതാക്കളെയും തേജോവധം ചെയ്യാൻ ശ്രമിച്ചാൽ അനുവദിക്കില്ലെന്നും റാഫി ചൂണ്ടിക്കാട്ടി.

ഞാൻ സാധാരണ ലീഗ് പ്രവർത്തകനാണ്. തനിക്ക് ഏറ്റവും ഇഷ്ടമുള്ള വ്യക്തിയാണ് ഹൈദരലി തങ്ങൾ. വ്യാഴാഴ്ച നടന്ന പത്രസമ്മേളനത്തിലേക്ക് മു​ഈ​ന​ലി വിളിക്കാതെ വന്നതാണ്. നേതാക്കളെ തേജോവധം ചെയ്ത മു​ഈ​ന​ലിക്കെതിരെ പ്രതികരിച്ചതിന് ഗൾഫ് രാജ്യങ്ങളിൽ നിന്ന് നിരവധി തന്നെ വിളിച്ചു പിന്തുണച്ചിരുന്നു. ഹൈദരലി തങ്ങളുടെ എല്ലാ വിഷമങ്ങൾക്ക് പിന്നിൽ മു​ഈ​ന​ലിയാണെന്നും അസഭ്യം പറഞ്ഞ സംഭവത്തിൽ ഖേദമുണ്ടെന്നും റാഫി മാധ്യമങ്ങളോട് പറഞ്ഞു.

പാ​ർ​ട്ടി പ​ത്ര​മാ​യ ച​ന്ദ്രി​ക​ക്കെ​തി​​രാ​യ ആ​രോ​പ​ണ​ങ്ങ​ൾ ഖ​ണ്ഡി​ക്കാ​ൻ മു​സ്​​ലിം ലീ​ഗ്​ ആ​സ്​​ഥാ​ന​ത്ത് വ്യാഴാഴ്ച​ വി​ളി​ച്ച വാ​ർ​ത്ത​സ​മ്മേ​ള​ന​ത്തി​ലാണ് നാ​ട​കീ​യ​രം​ഗ​ങ്ങ​ൾ ഉണ്ടായത്. പാ​ർ​ട്ടി​യു​ടെ നി​യ​മ​പ​ര​മാ​യ കാ​ര്യ​ങ്ങ​ളു​ടെ ചു​മ​ത​ല​യു​ള്ള അ​ഡ്വ. മു​ഹ​മ്മ​ദ്​ ഷാ​​യോ​ടൊ​പ്പ​മാ​ണ്​ ഹൈ​ദ​ര​ലി ത​ങ്ങ​ളു​ടെ മ​ക​ൻ കൂ​ടി​യാ​യ മു​ഈ​ന​ലി ത​ങ്ങ​ൾ വാ​ർ​ത്ത​സ​മ്മേ​ള​ന​ത്തി​നെ​ത്തി​യ​ത്. ക​ണ​ക്കു​ക​ൾ നി​ര​ത്തി മു​ഹ​മ്മ​ദ്​ ഷാ ​പ​റ​ഞ്ഞ​വ​സാ​നി​പ്പി​ച്ച​പ്പോ​ഴാ​ണ്​ മു​ഈ​ന​ലി ത​ങ്ങ​ൾ ഇ​ട​പെ​ട്ട​ത്.

പാ​ണ​ക്കാ​ട്​ കു​ടും​ബം ശി​ഹാ​ബ്​ ത​ങ്ങ​ളു​ടെ കാ​ലം മു​ത​ൽ​ത​ന്നെ പാ​ർ​ട്ടി സാ​മ്പ​ത്തി​ക​കാ​ര്യ​ങ്ങ​ളി​ൽ ഇ​ട​പെ​ടാ​റി​ല്ലെ​ന്ന്​ മു​ഈ​ന​ലി വ്യ​ക്​​ത​മാ​ക്കി. ച​ന്ദ്രി​ക​യു​ടെ പ​ണ​മി​ട​പാ​ട്​ ന​ട​ത്തി​യ​ത്​ ഫി​നാ​ൻ​സ്​ ഡ​യ​റ​ക്​​ട​റാ​യ മു​ഹ​മ്മ​ദ്​ ഷ​മീ​റാ​ണ്. കു​ഞ്ഞാ​ലി​ക്കു​ട്ടി കൈ​കാ​ര്യം ചെ​യ്യേ​ണ്ട ഫ​ണ്ട്​ വി​ശ്വ​സ്​​ത​നാ​യ ഷ​മീ​റി​നെ ഏ​ൽ​പി​ച്ച കു​ഞ്ഞാ​ലി​ക്കു​ട്ടി ത​ന്നെ​യാ​ണ്​​ ഇ​തി​‍െൻറ ഉ​ത്ത​ര​വാ​ദി​ത്തം ഏ​റ്റെ​ടു​ക്കേ​ണ്ട​തെ​ന്നും മു​ഈ​ന​ലി തു​റ​ന്ന​ടി​ച്ചു.

വാ​ർ​ത്ത​സ​മ്മേ​ള​നം തു​ട​രു​ന്ന​തി​നി​ടെ​ സം​സ്​​ഥാ​ന ക​മ്മി​റ്റി ഓ​ഫി​സി​ലെ സ്​​ഥി​രം സാ​ന്നി​ധ്യ​മാ​യ റാ​ഫി പു​തി​യ​ക​ട​വ്​ മു​ഈ​ന​ലി ത​ങ്ങ​ൾ​ക്കെ​തി​രെ ഭീ​ഷ​ണി മു​ഴ​ക്കി പാ​ഞ്ഞ​ടു​ത്തത്. 'കു​ഞ്ഞാ​ലി​ക്കു​ട്ടി​ക്കെ​തി​രെ പ​റ​യാ​ൻ നീ ​ആ​രാ​ണെ​ടോ' എ​ന്ന്​ ചോ​ദി​ച്ച റാ​ഫി 'പു​റ​ത്തി​റ​ങ്ങി​യാ​ൽ കാ​ണി​ച്ചു​ ത​രാ​മെ​ന്നും' ഭീ​ഷ​ണി​മു​ഴ​ക്കി. പി​ന്നീ​ട്​ തെ​റി​യ​ഭി​ഷേ​കം ന​ട​ത്തി​യ ഇ​യാ​ളെ ലീ​ഗ്​ ഓ​ഫി​സി​ലു​ണ്ടാ​യി​രു​ന്ന മ​റ്റു പ്ര​വ​ർ​ത്ത​ക​ർ പി​ടി​ച്ചു​ മാ​റ്റു​ക​യാ​യി​രു​ന്നു.

മു​മ്പ്​ ഐ​സ്​​ക്രീം കേ​സി​ൽ ഇ​ര​ക​ളു​ടെ മൊ​ഴി​മാ​റ്റി​യ സം​ഭ​വ​ത്തി​ലും ഇ​ന്ത്യ​ാവി​ഷ​ൻ ആ​ക്ര​മ​ണ​ക്കേ​സി​ലും ഉ​ൾ​പ്പെ​ട്ട​യാ​ളാ​ണ്​ റാ​ഫി​യെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ടു​ന്നു.