മടവൂർ രാജേഷ് വധം: എൻജിനീയറിങ് വിദ്യാർഥി അറസ്​റ്റിൽ

കിളിമാനൂർ: മുൻ റേഡിയോ ജോക്കിയും മിമിക്രി താരവുമായ മടവൂർ രാജേഷിനെ വെട്ടിക്കൊലപ്പെടുത്തിയ സംഭവത്തിൽ എൻജിനീയറിങ് വിദ്യാർഥി അറസ്​റ്റിൽ.  ഓച്ചിറ മേമന വലിയകുളങ്ങര എം.എ കോർട്ടിൽ യാസീൻ ആണ് (23)  അറസ്​റ്റിലായത്. ഇതോടെ കേസിൽ അറസ്​റ്റിലായവരുടെ എണ്ണം രണ്ടായി. 

കേസിലെ മുഖ്യപ്രതികളായ അലിഭായി എന്ന മുഹമ്മദ് താലിഫ്, അപ്പുണ്ണി എന്നിവർ ഉപയോഗിച്ചിരുന്ന കാർ ബംഗളൂരുവിൽനിന്ന്​ അടൂരിലെത്തിച്ചത് യാസീനായിരുന്നു. കൊലക്കു ശേഷം മടവൂരിൽ പ്രതികൾ രക്ഷപ്പെട്ട കാറായിരുന്നു ഇത്. മടവൂരിലെ സി.സി ടി.വിയിൽനിന്ന്​ കാറി​​െൻറ ദൃശ്യങ്ങൾ പൊലീസിന് ലഭിച്ചതോടെയാണ് കാർ ഉപേക്ഷിച്ച് യാസീൻ ചെന്നൈയിലേക്ക് കടന്നത്. 

സുഹൃത്തി​​െൻറ എ.ടി.എം കാർഡ് തരപ്പെടുത്തി പ്രതികൾക്ക് പണമിടപാട് നടത്താൻ സഹായിച്ചതും മറ്റൊരു പ്രതിയെ ചെന്നൈയിൽ കൊണ്ടുപോയി താമസിപ്പിച്ചതും യാസീനായിരുന്നു. തുടർന്ന് ബംഗളൂരുവിലും ചെന്നൈയിലുമായി ഒളിവിൽ കഴിഞ്ഞിരുന്ന യാസീനെ സൈബർ സെല്ലി​​െൻറ സഹായത്തോടെയാണ് ശനിയാഴ്ച പൊലീസ് സാഹസികമായി ചെന്നൈയിൽനിന്ന്​ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. 

എന്നാൽ, യാസീനൊപ്പം പിടികൂടിയ മറ്റൊരു എൻജിനീയറിങ്​ വിദ്യാർഥിക്ക് കേസുമായി ബന്ധമില്ലെന്ന നിഗമനത്തിലാണ് പൊലീസ്​. കൊലപാതകം ആസൂത്രണം ചെയ്​​െതന്ന് സംശയിക്കുന്ന അലിഭായി കൊല്ലത്തു വരുന്നതിനു മുമ്പ് ബംഗളൂരുവിൽ എൻജിനീയറിങ്​ കോളജിലെത്തി യാസീനെ കണ്ടിരുന്നു. കൊലപാതകത്തിൽ യാസീൻ നേരിട്ട് പങ്കെടുത്തിട്ടില്ലെങ്കിലും ഗൂഢാലോചനയിലും കൊലയാളികളെ സഹായിക്കുന്നതിലും യാസീന് പങ്കുള്ളതായാണ് പൊലീസി‍​​െൻറ കണ്ടെത്തൽ. 

കൊലയാളികൾക്ക് താമസവും ആയുധങ്ങളും തരപ്പെടുത്തി നൽകിയെന്ന കുറ്റത്തിന് നേരത്തേ കൊല്ലം സ്വദേശി സനുവിനെ (33) അന്വേഷണ സംഘം അറസ്​റ്റ്​ ചെയ്തിരുന്നു. അതേസമയം, കേസിൽ മുഖ്യപ്രതികളിലൊരാളായ ‘സ്ഫടികം’ എന്ന  സ്വാതിയെ പൊലീസ് കസ്​റ്റഡിയിലെടുത്തതായി സൂചനയുണ്ട്. രഹസ്യകേന്ദ്രത്തിൽ എത്തിച്ച് ചോദ്യം ചെയ്തുവരുന്ന ഇയാളെക്കുറിച്ച് കൂടുതൽ വിവരങ്ങൾ പൊലീസ് പുറത്തുവിട്ടിട്ടില്ല. സ്ഫടികത്തെ കൂടാതെ പത്തോളം പേർ ഇപ്പോഴും പൊലീസ് കസ്​റ്റഡിയിലുണ്ട്.

ഖത്തറിലെ ബിസിനസുകാരനായ ഓച്ചിറ സ്വദേശിയുടെ ക്വട്ടേഷനാണ് കൊലപാതകത്തിന് പിന്നിലെന്ന ഉറച്ച വിശ്വാസത്തിൽതന്നെയാണ് ഇപ്പോഴും പൊലീസ്. രാജേഷ് വധത്തിൽ തനിക്ക് ബന്ധമില്ലെന്ന ഖത്തർ വ്യവസായി സത്താറി​​െൻറ വെളിപ്പെടുത്തൽ അന്വേഷണസംഘം മുഖവിലയ്​ക്കെടുത്തിട്ടില്ല. സത്താറിനോ പൊലീസ് സംശയിക്കുന്ന അലിഭായിക്കോ സംഭവത്തിൽ പങ്കുണ്ടെന്ന് വിശ്വസിക്കുന്നില്ലെന്ന സത്താറി​​െൻറ മുൻ ഭാര്യയുടെ വെളിപ്പെടുത്തലും പൊലീസ് തള്ളിക്കളഞ്ഞിട്ടുണ്ട്. തിരുവനന്തപുരം റൂറൽ എസ്.പി യുടെ നേതൃത്വത്തിൽ അഞ്ച് പ്രത്യേക സംഘങ്ങളായി തിരിഞ്ഞാണ് അന്വേഷണം നടക്കുന്നത്.