സുധേഷ്​ കുമാറിനെ മാറ്റി; ആർ. ശ്രീലേഖ പുതിയ ഗതാഗത കമീഷണർ

തിരുവനന്തപുരം: ഗതാഗത കമീഷണർ സ്​ഥാനത്തുനിന്ന്​ എ.ഡി.ജി.പി സുധേഷ് കുമാറിനെ മാറ്റി. പൊലീസിൽ ട്രാഫിക്കി‍​െൻറ ചുമ തലയുള്ള ആർ. ശ്രീലേഖയാണ് പുതിയ ഗതാഗത കമീഷണർ. ഇത് രണ്ടാമത്തെ പ്രാവശ്യമാണ് ശ്രീലേഖ ഗതാഗത കമീഷണറാകുന്നത്. ഗതാഗതമന് ത്രിയുമായുള്ള അഭിപ്രായ വ്യത്യാസമാണ് സുധേഷ് കുമാറി‍​െൻറ സ്ഥലംമാറ്റത്തിന് വഴിയൊരുക്കിയതെന്ന്​ ആക്ഷേപമുണ്ട ്​. ഗതാഗത വകുപ്പിലെ സ്​ഥലം മാറ്റത്തിന്​ സർക്കാർ മാർഗനിർദേശം കൊണ്ടുവന്നിരുന്നു.

എന്നാൽ, ഗതാഗത കമീഷണർ ഇറക ്കിയ കരട്​ സ്​ഥലം മാറ്റ പട്ടികയിലും അന്തിമ പട്ടികയിലും ഇത്​ പാലിച്ചി​െല്ലന്ന്​ ആക്ഷേപം വന്നു. പരാതികളെ തുടർന്ന്​ സർക്കാർ ഇത്​ റദ്ദാക്കിയിരുന്നു. ആക്ഷേപങ്ങൾ പരിഹരിച്ച്​ ഗതാഗത സെക്രട്ടറിയാണ്​ പിന്നീട്​ ഉത്തരവിറക്കിയത്​. കമീഷണർ അവധിയിൽ പോകുകയും ചെയ്​തു. ഇക്കാര്യം ഗതാഗതമന്ത്രി മുഖ്യമന്ത്രിയെയും അറിയിച്ചിരുന്നു. ​മോ​േട്ടാർ വാഹന നിയമത്തിൽ പുതിയ മാറ്റങ്ങളും പിഴയിലെ വർധനയും നടപ്പാകുന്ന ഘട്ടത്തിലും ഗതാഗത വകുപ്പിന്​ വേണ്ടത്ര സഹായം കമീഷണറേറ്റിൽനിന്ന്​ ലഭിച്ചില്ലെന്ന ആക്ഷേപവും ഉയർന്നിരുന്നു.

​കേശവൻ വെളുത്താട്ട്​ ഡയറക്​ടർ

തിരുവനന്തപുരം: മുസിരിസ് പ്രോജക്ട്സ് ലിമിറ്റഡി‍​െൻറ കണ്‍സള്‍ട്ടൻറായി സേവനമനുഷ്ഠിച്ചുവരുന്ന പ്രഫ. കേശവന്‍ വെളുത്താട്ടിനെ ഇൻസ്​റ്റിറ്റ്യൂട്ട് ഫോര്‍ സ്​റ്റഡീസ് ഇന്‍ ദി ഹെറിറ്റേജ് ഓഫ് കോസ്​റ്റല്‍ കേരളയുടെ ഡയറക്ടറായി നിയമിക്കും.

വിജിലൻസിൽ ഒാരോ റേഞ്ചിലും ലീഗൽ അഡ്വൈസർ തസ്​തിക

തിരുവനന്തപുരം: വിജിലന്‍സ് ആൻഡ്​​ ആൻറി കറപ്ഷന്‍ ബ്യൂറോയിലെ ഓരോ റേഞ്ചിലും ഒന്നു വീതം നാല്​ ലീഗല്‍ അഡ്വൈസര്‍ തസ്തികകള്‍ സൃഷ്​ടിക്കാൻ മന്ത്രിസഭ യോഗം തീരുമാനിച്ചു. നിലവിലെ എട്ട്​ അഡീഷനല്‍ ലീഗല്‍ അഡ്വൈസര്‍ തസ്തികകള്‍ പബ്ലിക് പ്രോസിക്യൂട്ടര്‍ തസ്തികയാക്കി പുനര്‍നാമകരണം ചെയ്യും.

* ഹൈകോടതിയിൽ അഡീഷനല്‍ സ്​റ്റേറ്റ് പബ്ലിക് പ്രോസിക്യൂട്ടര്‍ സുരേഷ്ബാബു തോമസി‍​െൻറ നിയമന കാലാവധി 09-09-2019 മുതല്‍ മൂന്നുവര്‍ഷത്തേക്കു കൂടി ദീര്‍ഘിപ്പിച്ചു.
* ഹൈകോടതി സീനിയര്‍ ഗവ. പ്ലീഡറായി എന്‍. ദീപയെ നിയമിച്ചു.
* താമരശ്ശേരി ജുഡീഷ്യല്‍ ഫസ്​റ്റ്​ ക്ലാസ് മജിസ്ട്രേറ്റ് കോടതി രണ്ടിനെ മുന്‍സിഫ് മജിസ്ട്രേറ്റ് കോടതിയായി പരിവര്‍ത്തനം ചെയ്യും. ഇതി‍​െൻറ ഭാഗമായി 11 തസ്തികകള്‍ ക്രമീകരിക്കും.
* കണ്ണൂര്‍ ജില്ലയില്‍ കിന്‍ഫ്രയുടെ സ്ഥലമെടുപ്പ് ജോലികള്‍ നടത്താന്‍ സ്പെഷല്‍ തഹസില്‍ദാര്‍ ലാൻഡ്​​ അക്വിസിഷ​​െൻറ യൂനിറ്റ് തുടങ്ങും. ഇതിന് 11 തസ്തികകള്‍ സൃഷ്​ടിക്കും. സ്പെഷല്‍ തഹസില്‍ദാര്‍ -1, ജൂനിയര്‍ സൂപ്രണ്ട് / വാല്വേഷന്‍ അസിസ്​റ്റൻറ് -2, റവന്യൂ ഇന്‍സ്പെക്ടര്‍- 2, സീനിയര്‍ ക്ലാര്‍ക്ക് / എസ്.വി.ഒ - 2, ക്ലര്‍ക്ക് / വില്ലേജ് അസിസ്​റ്റൻറ് - 2, സര്‍വേയര്‍ - 2 എന്നിങ്ങനെയാണ് 11 തസ്തികകള്‍.
* അടിമാലി ജുഡീഷ്യല്‍ ഫസ്​റ്റ്​ ക്ലാസ് മജിസ്ട്രേറ്റ് കോടതി രണ്ടിനെ മുന്‍സിഫ് മജിസ്ട്രേറ്റ് കോടതിയായി പരിവര്‍ത്തനം ചെയ്യാനും തീരുമാനിച്ചു.