ആകാശ്​ തില്ലങ്കരിയേയും അർജുൻ ആയങ്കിയെയും അറിയില്ല; ക്വ​േട്ടഷൻ സംഘങ്ങൾ പാർട്ടി സൈബർ പോരാളികളെ പോലെ പെരുമാറുന്നു -എം.വി ജയരാജൻ

കണ്ണൂർ: ചില ക്വ​േട്ടഷൻ സംഘങ്ങൾ പാർട്ടിയുടെ സൈബർ പോരാളികളെ ​േപാലെ പെരുമാറുന്നുവെന്ന്​ സി.പി.എം കണ്ണൂർ ജില്ലാ സെക്രട്ടറി എം.വി ജയരാജൻ. ഷുഹൈബ്​ വധക്കേസ്​ പ്രതി ആകാശ്​ തില്ല​​ങ്കേരിയേയും സ്വർണക്കടത്തുകേസിൽ പൊലീസ്​ അന്വേഷിക്കുന്ന അർജുൻ ആയങ്കിയേയും അറിയില്ല. കണ്ണൂരുമായി ബന്ധപ്പെട്ട്​ വളർന്നു വരുന്ന മാഫിയ സംഘങ്ങളെ ഒറ്റപ്പെടുത്തണം. ക്വ​േട്ടഷൻ സംഘങ്ങൾക്ക്​ സി.പി.എം എതിരാണെന്നും എം.വി ജയരാജൻ പറഞ്ഞു.

സി.പി.എമ്മിന്‍റെ രാഷ്​ട്രീയ പ്രചരണം നടത്താൻ ഒരു ക്വ​േട്ടഷൻ സംഘത്തേയും ഏൽപ്പിച്ചിട്ടില്ല. പാർട്ടിയെ ആർക്കും ദുരുപയോഗം ചെയ്യാൻ കഴിയില്ല. ക്വ​​േട്ടഷൻ സംഘങ്ങൾക്കെതിരെ ജൂലൈ അഞ്ചിന്​ പ്രചാരണം നടത്തുമെന്നും എം.വി ജയരാജൻ വ്യക്​തമാക്കി.

രാമനാട്ടുകര അപകടവുമായി ബന്ധപ്പെട്ട കേസിൽ കസ്റ്റംസ്​ തിരയുന്ന അർജുൻ ആയങ്കിക്ക്​ സി.പി.എമ്മുമായി ബന്ധമുണ്ടെന്ന റിപ്പോർട്ടുകൾ പുറത്ത്​ വന്നിരുന്നു. ഇതിന്​ പിന്നാലെയാണ്​ വിശദീകരണവുമായി സി.പി.എം കണ്ണൂർ ജില്ലാ നേതൃത്വം രംഗത്തെത്തുന്നത്​.