ചോദ്യപേപ്പർ ചോർച്ച: സ്കൂൾ ജീവനക്കാരനെതിരെ വകുപ്പുതല നടപടികൾക്ക് തുടക്കം

തിരുവനന്തപുരം: എ​സ്.​എ​സ്.​എ​ൽ.​സി, പ്ല​സ് വ​ൺ അ​ർ​ധവാ​ർ​ഷി​ക പ​രീ​ക്ഷാ ചോ​ദ്യ​പേ​പ്പ​റു​ക​ൾ ചോ​ർ​ത്തി​യ കേ​സി​ൽ അറസ്റ്റിലായ സ്‌​കൂ​ൾ ജീ​വ​ന​ക്കാ​ര​നെതിരെ വകുപ്പുതല നടപടികൾക്ക് വിദ്യാഭ്യാസ മന്ത്രി വി. ശിവൻകുട്ടി പൊതുവിദ്യാഭ്യാസ ഡയറക്ടർ എസ്. ഷാനവാസിന് നിർദേശം നൽകി. മ​ല​പ്പു​റം മേ​ൽ​മു​റി​യി​ലെ അ​ൺ എ​യ്ഡ​ഡ് സ്‌​കൂ​ളാ​യ മ​അ്ദി​ൻ എ​ച്ച്.​എ​സ്.​എ​സി​ലെ പ്യൂ​ൺ, പ​ന​ങ്ങാ​ങ്ങ​ര രാ​മ​പു​രം എ​ല​ത്തോ​ൽ അ​ബ്ദു​ൽ നാ​സ​ർ (36) ആ​ണ് കേസിൽ അ​റ​സ്റ്റി​ലാ​യ​ത്. മലപ്പുറം ഉപവിദ്യാഭ്യാസ ഡയറക്ടറുടെ ചുമതലയുള്ള ഡി.ഇ.ഒ ഗീതാകുമാരി സ്കൂൾ സന്ദർശിച്ച് റിപ്പോർട്ട് സമർപ്പിച്ചു. കേ​സി​ലു​ൾ​പ്പെ​ട്ട പ്യൂ​ൺ അ​ബ്ദു​ൽ നാ​സ​റി​നെ ക്രൈം​ബ്രാ​ഞ്ച് അ​റ​സ്റ്റ് ചെ​യ്ത​തോ​ടെ സ്കൂ​ളി​ൽ​നി​ന്ന് പു​റ​ത്താ​ക്കി​യ​താ​യി മാ​നേ​ജ്മെ​ന്റ് അ​റി​യി​ച്ചു.

ചൊ​വ്വാ​ഴ്ച വൈ​കീ​ട്ട് വീ​ട്ടി​ൽ നി​ന്നാണ് അ​ബ്ദു​ൽ നാ​സ​റിനെ ക്രൈം​ബ്രാ​ഞ്ച് എ​സ്.​പി. കെ.​ മൊ​യ്തീ​ൻ​കു​ട്ടി​യു​ടെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​സം​ഘ​ം അ​റ​സ്റ്റ് ചെ​യ്ത​ത്. ഈ ​സ്‌​കൂ​ളി​ൽ എ​ത്തി​യ അ​ർ​ധ വാ​ർ​ഷി​ക പ​രീ​ക്ഷാ ചോ​ദ്യ​പേ​പ്പ​റു​ക​ൾ എം.​എ​സ് സൊ​ല്യൂ​ഷ​ൻ​സി​ലെ അ​ധ്യാ​പ​ക​നും കേ​സി​ലെ ര​ണ്ടാം പ്ര​തി​യു​മാ​യ മ​ല​പ്പു​റം കോ​ൽ​മ​ണ്ണ തു​മ്പ​ത്ത് ടി.​ ഫ​ഹ​ദി​ന് അ​ബ്ദു​ൽ നാ​സ​ർ ചോ​ർ​ത്തി ന​ൽ​കി​യെ​ന്നാ​ണ് ക​ണ്ടെ​ത്ത​ൽ.

ടി. ഫ​ഹ​ദ് നേ​ര​ത്തെ മേ​ൽ​മു​റി സ്‌​കൂ​ളി​ലെ പ്ര​ധാ​നാ​ധ്യാ​പ​ക​നാ​യി​രു​ന്നു. അ​വി​ടെ നി​ന്ന് രാ​ജി​വെ​ച്ചാ​ണ് എം.​എ​സ് സൊ​ല്യൂ​ഷ​ൻ​സി​ൽ അ​ധ്യാ​പ​ക​നാ​യ​ത്. ഫ​ഹ​ദി​നൊ​പ്പം ഒ​രേ സ്കൂ​ളി​ൽ ജോ​ലി ചെ​യ്ത ബ​ന്ധ​ത്തി​ന്റെ അ​ടി​സ്ഥാ​ന​ത്തി​ൽ നാ​സ​ർ ചോ​ദ്യ​പേ​പ്പ​റു​ക​ൾ ചോ​ർ​ത്തി ന​ൽ​കി​യെ​ന്നാ​ണ് ക​ണ്ടെ​ത്ത​ൽ. പാ​ക്ക​റ്റ് പൊ​ട്ടി​ച്ച് ഫോ​ട്ടോ​യെ​ടു​ത്ത് വാ​ട്‌​സ്ആ​പ്പി​ൽ അ​യ​ച്ചു​കൊ​ടു​ക്കു​ക​യാ​യി​രു​ന്നു. തു​ട​ർ​ന്ന് പാ​ക്ക​റ്റ് ഒ​ട്ടി​ച്ചു​വെ​ച്ചു.

എം.​എ​സ് സൊ​ല്യൂ​ഷ​ൻ​സ് യൂ​ട്യൂ​ബ് ചാ​ന​ൽ വ​ഴി പ​ത്താം​ക്ലാ​സ് ഇം​ഗ്ലീ​ഷ് ചോ​ദ്യ​പേ​പ്പ​റും പ്ല​സ് വ​ൺ ക​ണ​ക്കി​ന്റെ ചോ​ദ്യ​പേ​പ്പ​റു​മാ​ണ് പു​റ​ത്തു​വി​ട്ട​ത്. ബ​യോ​ള​ജി, കെ​മി​സ്ട്രി, ഫി​സി​ക്‌​സ് പേ​പ്പ​റു​ക​ളും പ്ര​തി വാ​ട്സ്ആ​പ്പി​ൽ അ​യ​ച്ചു​കൊ​ടു​ത്തെ​ന്ന് സ​മ്മ​തി​ച്ച​താ​യി ക്രൈം​ബ്രാ​ഞ്ച് പ​റ​ഞ്ഞു. ഇം​ഗ്ലീ​ഷ്, ക​ണ​ക്ക് ചോ​ദ്യ​പേ​പ്പ​ർ ചോ​ർ​ന്ന് വ​ലി​യ വാ​ർ​ത്ത​യാ​യ​തോ​ടെ മ​റ്റു​ള്ള​വ എം.​എ​സ് സൊ​ല്യൂ​ഷ​ൻ​സി​ന് പു​റ​ത്തു​വി​ടാ​നാ​വാ​തെ വ​രു​ക​യാ​യി​രു​ന്നു. പ​ണ​മൊ​ന്നും കി​ട്ടി​യി​ല്ലെ​ന്നാ​ണ് അ​ബ്ദു​ൽ​നാ​സ​റി​ന്റെ മൊ​ഴി.

നേ​ര​ത്തെ അ​റ​സ്റ്റു​ചെ​യ്ത ഫ​ഹ​ദ്, കോ​ഴി​ക്കോ​ട് പാ​വ​ങ്ങാ​ട് ചാ​പ്പം​ക​ണ്ടി ജി​ഷ്ണു എ​ന്നി​വ​ർ ജു​ഡീ​ഷ്യ​ൽ ക​സ്റ്റ​ഡി​യി​ലാ​ണ്. ഒ​ന്നാം​പ്ര​തി​യാ​യ എം.​എ​സ് സൊ​ല്യൂ​ഷ​ൻ​സ് ഉ​ട​മ ഷു​ഹൈ​ബി​നെ അ​റ​സ്റ്റ് ചെ​യ്യു​ന്ന​ത് ഹൈ​കോ​ട​തി ത​ട​ഞ്ഞി​ട്ടു​ണ്ട്.