Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഎനിക്കും ഒരു നടനാകണം;...

എനിക്കും ഒരു നടനാകണം; ഗിന്നസ്​ പക്രുവിന്​ നന്ദി പറഞ്ഞ്​ ക്വാഡൻ

text_fields
bookmark_border
എനിക്കും ഒരു നടനാകണം; ഗിന്നസ്​ പക്രുവിന്​ നന്ദി പറഞ്ഞ്​ ക്വാഡൻ
cancel

സിഡ്​നി: ഉയരക്കുറവിൻെറ പേരിൽ പരിഹാസമേറ്റ്​ ജീവൻ വെടിയുമെന്ന്​ കരഞ്ഞുകൊണ്ട്​ പറഞ്ഞ ഒമ്പത്​ വയസ്സുകാരൻ ക്വാഡൻ ബെയ്​ൽസിനെ ആർക്കും പെ​ട്ടെന്ന്​ മറക്കാനാവില്ല. ഹൃദയം വിങ്ങിപ്പൊട്ടിയുള്ള ക്വാഡൻെറ കരച്ചിൽ അമ്മ യരാക ബെയ്​ൽസാണ്​ ഫേസ്​ബുക്കിലൂടെ പോസ്റ്റ്​ ചെയ്​തത്​. ഇതോടെ ക്വാഡനെ പിന്തുണച്ച്​ ഹോളിവുഡ്​ താരങ്ങളും സ്​പോർട്​സ്​ ഇതിഹാസങ്ങളു​മൊക്കെ സമൂഹ മാധ്യമങ്ങളിൽ എത്തി​. ആസ്​ട്രേലിയയിലെ പ്രമുഖ റഗ്​ബി ടീമായ ഇൻറിജനസ്​ ആൾ സ്റ്റാർസ്​ ടീമാണ്​ ക്വാഡന്​ ആദ്യം തന്നെ സ്​നേഹമറിയിച്ചവർ. അവരുടെ പ്രധാന മാച്ചിൻെറ തുടക്കത്തിൽ ടീമിനൊപ്പം മൈതാനത്തേക്ക്​ നടക്കാൻ ക്വാഡനെയും കൂട്ടി. ടീമിൻെറ നായകൻ ജോയൽ തോംസൻെറ കൈ പിടിച്ചുകൊണ്ട്​ ക്വാഡൻ നടന്നുവരു​േമ്പാൾ ഗാലറിയിൽ പതിനായിരങ്ങളുടെ ആർപ്പുവിളിയായിരുന്നു.

ക്വാഡന്​ വേണ്ടി മലയാളക്കരയിലും ഒരുപേട്​ പേർ പിന്തുണയുമായി വന്നിരിന്നു. നടൻ ഗിന്നസ്​ പക്രു വളരെ വികാരനിർഭരമായ പോസ്​റ്റാണ്​ അന്ന്​ ഫേസ്​ബുക്കിലിട്ടത്​. ‘‘മോനേ നിന്നെപ്പോലെ ഈ ഏട്ടനും ഒരിക്കൽ കരഞ്ഞിട്ടുണ്ട് .....ആ കണ്ണീരാണ് പിന്നീടുള്ള യാത്രയ്ക്ക് ഇന്ധനമായത് ...നീ കരയുമ്പോൾ ...നിൻെറ അമ്മ തോൽക്കും .........

ഈ വരികൾ ഓർമ്മ വച്ചോളു. "ഊതിയാൽ അണയില്ല, ഉലയിലെ തീ, ഉള്ളാകെ ആളുന്നു ഉയിരിലെ തീ "- (ഇളയ രാജ). എന്നതായിരുന്നു ഗിന്നസ്​ പക്രുവിൻെറ പോസ്​റ്റ്​.

തന്നെ പിന്തുണച്ചതിന്​ നന്ദിയറിയിച്ചിരിക്കുകയാണ്​ ക്വാഡനും മാതാവും. ആസ്​ട്രേലിയൻ മാധ്യമമായ എസ്​.ബി.എസ്​ മലയാളം വഴിയാണ്​ ക്വാഡനും മാതാവ്​ നന്ദി അറിയിച്ചിരിക്കുന്നത്​. ക്വാഡന്​ ഗിന്നസ്​ പക്രുവുമായി വീഡിയോ ​കാൾ വഴി സംസാരിക്കണമെന്നും ആഗ്രഹം അറിയിച്ചിട്ടുണ്ട്​. ഒരു നടനാകണമെന്നാണ്​ ക്വാഡൻെറ ആഗ്രഹം. അതുകൊണ്ട്​ തന്നെ പക്രുവിൻെറ ജീവിതം ക്വാഡന്​ വലിയ പ്രചോദനമാണെന്നും മാതാവ്​ യാരാക്ക പറഞ്ഞു. ക്വാഡനും പക്രുവും വീഡിയോ കാൾ വഴി ഉടൻ കാണുമെന്ന്​ പ്രതൃാശിക്കാം.

Show Full Article
TAGS:guinness pakru Quaden Bayles 
News Summary - Quaden Bayles give thanks to Guinness pakru
Next Story