സാമ്പത്തിക പ്രതിസന്ധിമൂലം നാട്ടിൽ നിൽക്കാൻ കഴിയാത്ത സാഹചര്യം; ആഫ്രിക്കയിൽ സ്വർണ ഖനനത്തിലാണെന്ന്​ പി.വി. അൻവർ

മലപ്പുറം: ആഫ്രിക്കയിലെ സിയറ ലി​​യോണിൽ സ്വർണഖനനത്തിലാണ്​ താനെന്നും സാമ്പത്തിക പ്രതിസന്ധിമൂലം പാർട്ടി (സി.പി.എം) അനുമതിയോടെ പോയതാണെന്നും പി.വി. അൻവർ എം.എൽ.എ. പാർട്ടി മൂന്നുമാസം അവധി​ അനുവദിച്ചിട്ടുണ്ട്​. യു.ഡി.എഫ്​ തന്നെ നിരന്തരം വേട്ടയാടുകയാണെന്നും സിയറ ലി​​യോണിൽനിന്ന് അദ്ദേഹം മീഡിയവൺ ചാനലിന്​ അനുവദിച്ച പ്രത്യേക വിഡിയോ അഭിമുഖത്തിൽ പറഞ്ഞു.

സാമ്പത്തിക പ്രതിസന്ധിമൂലം നാട്ടിൽ നിൽക്കാൻ കഴിയാത്ത സാഹചര്യമാണ്​​. നാട്ടിൽ അത്യാവശ്യം കച്ചവടവുമായി ജീവിച്ച്​ പോയിരുന്ന ഒരാളായിരുന്നു. നിരന്തരം കള്ളവാർത്തകൾ നൽകി മാധ്യമങ്ങൾ അത്​ പൂട്ടിച്ചുവെന്നും അൻവർ കുറ്റപ്പെടുത്തി.

മാധ്യമങ്ങളാണ്​ തന്നെ നാടുകടത്തി​യത്. എം.എൽ.എ ആയാൽ ആർക്കും കുതിരകയറാമെന്ന്​ ധാരണയുള്ള പത്രക്കാരുമുണ്ട്. ജൂൺ 16നോ മറ്റോ ആണ്​ ഇവിടെയെത്തിയത്​​. ഞായറാഴ്ച പോലും പ്രവർത്തിക്കുന്ന എം.എൽ.എ ഓഫിസാണ്​ ത​േൻറത്​. ഒരു മാസത്തിനു ശേഷമേ മടങ്ങിവരുകയുള്ളൂ. പകരം സംവിധാനം ഏർപ്പെടുത്തിയിട്ടുണ്ട്​.

കല്യാണങ്ങൾക്ക്​ പോകലും വയറുകാണലും നിശ്ചയത്തിന്​ പോയി ബിരിയാണി കഴിക്കലും അല്ല എം.എൽ.എയുടെ പണി. വോട്ട്​ നേടാൻ വേണ്ടി ഒരു കല്യാണത്തിനും പോയിട്ടില്ല. പോവുകയുമില്ല. ത‍​െൻറ തൊട്ടടുത്ത എം.എൽ.എയുടെ പേര്​ കല്യാണരാമൻ എന്നാണ്​. നിയമസഭ സമ്മേളനത്തിൽ പ​ങ്കെടുത്തില്ലെങ്കിലും മണ്ഡലവുമായി ബന്ധപ്പെട്ട നിരവധി ചോദ്യങ്ങൾ സഭയിൽ ഉന്നയിച്ചിട്ടുണ്ടെന്നും അൻവർ കൂട്ടിച്ചേർത്തു.