Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightപി.വി. അൻവർ പ്രതിയായ...

പി.വി. അൻവർ പ്രതിയായ ക്രഷർ തട്ടിപ്പ്​ കേസ്​: അന്വേഷണ മേല്‍നോട്ടം മഞ്ചേരി കോടതിക്ക്

text_fields
bookmark_border
പി.വി. അൻവർ പ്രതിയായ ക്രഷർ തട്ടിപ്പ്​ കേസ്​: അന്വേഷണ മേല്‍നോട്ടം മഞ്ചേരി കോടതിക്ക്
cancel

മഞ്ചേരി: കര്‍ണാടകയില്‍ ക്രഷര്‍ ബിസിനസില്‍ പങ്കാളിത്തം വാഗ്ദാനം ചെയ്ത് പി.വി. അൻവർ എം.എൽ.എ പ്രവാസി എന്‍ജിനിയറുടെ 50 ലക്ഷം രൂപ തട്ടിയെടുത്തെന്ന കേസിലെ ക്രൈംബ്രാഞ്ച് അന്വേഷണം മഞ്ചേരി ചീഫ് ജുഡീഷ്യല്‍ മജിസ്ട്രേറ്റ് കോടതിയുടെ മേല്‍നോട്ടത്തിലാക്കി.

ഹൈകോടതി ഉത്തരവ്​ പ്രകാരം അന്വേഷണം ആരംഭിച്ച് രണ്ടര വര്‍ഷം കഴിഞ്ഞിട്ടും പ്രതിയായ അന്‍വര്‍ എം.എല്‍.എയെ അറസ്​റ്റ്​ ചെയ്യുകയോ ക്രഷര്‍ സംബന്ധമായ രേഖകള്‍ കണ്ടെടുക്കുകയോ ചെയ്​തില്ലെന്നും വ്യാജ രേഖകള്‍ ചമച്ച് അന്വേഷണം അട്ടിമറിക്കുകയാണെന്നും ചൂണ്ടിക്കാട്ടി പരാതിക്കാരന്‍ മലപ്പുറം നടുത്തൊടി സ്വദേശി സലീം സമര്‍പ്പിച്ച ഹരജിയിലാണ് മജിസ്ട്രേറ്റ് എസ്. രശ്മിയുടെ ഉത്തരവ്.

കോടതി മേല്‍നോട്ടത്തില്‍ അന്വേഷണം നടത്തണമെന്ന്​ ഹരജിക്കാരൻ ആവശ്യപ്പെട്ടിരുന്നു. ഇതുവരെയുള്ള അന്വേഷണ റിപ്പോര്‍ട്ട് 26ന് സമര്‍പ്പിക്കാനും തുടര്‍ന്ന് എല്ലാ രണ്ടാഴ്ചയും അന്വേഷണ പുരോഗതി അറിയിക്കാനും അന്വേഷണ സംഘത്തോട് കോടതി നിര്‍ദേശിച്ചു.

ബല്‍ത്തങ്ങാടി തണ്ണീര്‍പന്തല്‍ പഞ്ചായത്തിലെ കെ.ഇ സ്​റ്റോണ്‍സ് ആൻഡ് ക്രഷര്‍ എന്ന സ്ഥാപനം വിലക്കുവാങ്ങിയെന്നും 50 ലക്ഷം നല്‍കിയാല്‍ 10 ശതമാനം ഓഹരിയും പ്രതിമാസം അരലക്ഷം വീതം ലാഭവിഹിതവും നല്‍കാമെന്ന്​ പറഞ്ഞ് സലീമില്‍നിന്ന്​ പി.വി. അൻവർ 50 ലക്ഷം തട്ടിയെടുത്തെന്നുമാണ് പരാതി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:PV AnwarNilambur MLAcrusher fraud case
News Summary - PV Anwar accused in crusher fraud case: Manjeri court oversees investigation
Next Story