തോറ്റിട്ടും ജയിച്ച് ‘അമ്പുക്ക’; ത​ന്നെ അവഗണിച്ച് നി​ല​മ്പൂ​രി​ൽ ജ​യി​ക്കാ​നാ​വി​ല്ലെ​ന്ന് ബോ​ധ്യ​പ്പെ​ടു​ത്തി അൻവർ

മ​ല​പ്പു​റം: ഉ​പ​തെ​ര​ഞ്ഞെ​ടു​പ്പി​ൽ വി​ജ​യ​ത്തോ​ളം മ​ധു​ര​മു​ള്ള തോ​ൽ​വി​യു​മാ​യി തൃ​ണ​മൂ​ൽ കോ​ൺ​ഗ്ര​സ് പി​ന്തു​ണ​ച്ച സ്വ​ത​ന്ത്ര സ്ഥാ​നാ​ർ​ഥി പി.​വി. അ​ൻ​വ​ർ. ഇ​രു മു​ന്ന​ണി​ക​ളോ​ടും​ നേ​ർ​ക്കു​നേ​ർ പോ​രാ​ടി 19,760 വോ​ട്ട് (11.23 ശ​ത​മാ​നം) നേ​ടി​യ അ​ൻ​വ​ർ ത​ന്റെ രാ​ഷ്ട്രീ​യ പ്ര​സ​ക്തി ആ​വ​ർ​ത്തി​ച്ചു​റ​പ്പി​ച്ചു. സം​സ്ഥാ​ന സ​ർ​ക്കാ​റി​നെ​തി​രെ അ​ദ്ദേ​ഹം ഉ​യ​ർ​ത്തി​യ രാ​ഷ്ട്രീ​യ വി​ഷ​യ​ങ്ങ​ൾ നി​ല​മ്പൂ​രു​കാ​ർ ഏ​റ്റെ​ടു​ത്ത​തി​ന്റെ കൂ​ടി തെ​ളി​വാ​ണ് അ​ൻ​വ​റി​ന് ല​ഭി​ച്ച മി​ക​ച്ച വോ​ട്ടും യു.​ഡി.​എ​ഫി​ന്റെ മി​ക​ച്ച വി​ജ​യ​വും.

ഇ​രു​മു​ന്ന​ണി​ക​ളു​ടെ​യും വോ​ട്ട് ചോ​ർ​ത്തി​യ അ​ൻ​വ​ർ, ത​ന്നെ മാ​റ്റി​നി​ർ​ത്തി നി​ല​മ്പൂ​രി​ൽ ജ​യി​ക്കാ​നാ​വി​ല്ലെ​ന്ന് സി.​പി.​എ​മ്മി​നെ​യും അ​വ​ഗ​ണി​ച്ച് അ​ധി​ക​കാ​ലം മു​ന്നോ​ട്ടു​പോ​കാ​നാ​കി​ല്ലെ​ന്ന് യു.​ഡി.​എ​ഫി​നെ​യും ബോ​ധ്യ​പ്പെ​ടു​ത്തി. ക​ഴി​ഞ്ഞ ര​ണ്ടുത​വ​ണ​യും അ​ൻ​വ​ർ വി​ജ​യി​ച്ച​ത് സി.​പി.​എം വോ​ട്ടു​ക​ൾ കൊ​ണ്ടാ​യി​രു​ന്നു എ​ന്നാ​ണ് ഇ​ട​തു​കേ​ന്ദ്ര​ങ്ങ​ൾ വാ​ദി​ച്ചി​രു​ന്ന​ത്. ഇ​ത്ത​വ​ണ വോ​ട്ടെ​ടു​പ്പ് ക​ഴി​ഞ്ഞ് ത​യാ​റാ​ക്കി​യ ബൂ​ത്തു​ത​ല ക​ണ​ക്കി​ൽ പാ​ർ​ട്ടി അ​ൻ​വ​റി​ന് ക​ണ്ട​താ​ക​ട്ടെ 5000 വോ​ട്ടു​ക​ളും. എ​ന്നാ​ൽ, നി​ല​മ്പൂ​രി​ൽ ത​നി​ക്ക് സ്വ​ന്ത​മാ​യി വോ​ട്ടു​ക​ളു​ണ്ടെ​ന്ന അ​ൻ​വ​റി​ന്റെ അ​വ​കാ​ശ​വാ​ദ​ത്തെ സാ​ധൂ​ക​രി​ക്കു​ന്ന​താ​ണ് തെ​ര​ഞ്ഞെ​ടു​പ്പ് ഫ​ലം.

2021ൽ ​ഇ​ട​തു പി​ന്തു​ണ​യി​ൽ നി​ല​മ്പൂ​രി​ൽ 81,227 വോ​ട്ടാ​ണ് അ​ൻ​വ​റി​ന് ല​ഭി​ച്ച​ത്. ഇ​ത്ത​വ​ണ സ്വ​രാ​ജി​ന് കി​ട്ടി​യ വോ​ട്ട് ഇ​തി​ൽ​നി​ന്ന് കു​റ​ച്ചാ​ൽ ല​ഭി​ക്കു​ന്ന​ത് 14,567. ഇ​ത്ത​വ​ണ അ​ൻ​വ​റി​ന് സ്വ​ന്തം നി​ല​ക്ക് ല​ഭി​ച്ച വോ​ട്ട് 19,760. ഇ​രു​മു​ന്ന​ണി​ക​ളും ത​ങ്ങ​ളു​ടെ സം​വി​ധാ​ന​ങ്ങ​ൾ എ​ല്ലാം ഉ​പ​യോ​ഗി​ച്ച് കൊ​ണ്ടു​പി​ടി​ച്ച പ്ര​ചാ​ര​ണം ന​ട​ത്തി​യി​ട്ടും അ​ൻ​വ​റി​ന്റെ വോ​ട്ടു​ക​ളി​ൽ ഇ​ള​ക്കം ത​ട്ടി​ക്കാ​നാ​യി​ല്ല.

2011ൽ ​ഏ​റ​നാ​ട് നി​യോ​ജ​ക മ​ണ്ഡ​ല​ത്തി​ലാ​ണ് അ​ൻ​വ​ർ ക​ന്നി​യ​ങ്ക​ത്തി​നി​റ​ങ്ങു​ന്ന​ത്. സ്വ​ത​ന്ത്ര​നാ​യ അ​ൻ​വ​ർ അ​ന്ന് ഏ​വ​രെ​യും ഞെ​ട്ടി​ച്ച് 41.5 ശ​ത​മാ​നം വോ​ട്ടു​മാ​യി ര​ണ്ടാം സ്ഥാ​ന​ത്തെ​ത്തി. 2014ൽ ​വ​യ​നാ​ട് ലോ​ക്സ​ഭ മ​ണ്ഡ​ല​ത്തി​ൽ സ്വ​ത​ന്ത്ര​വേ​ഷ​ത്തി​ൽ 37,123 വോ​ട്ടു​പി​ടി​ച്ച അ​ൻ​വ​ർ നി​ല​മ്പൂ​ർ മ​ണ്ഡ​ല​ത്തി​ൽ​നി​ന്ന് മാ​ത്രം 7000ത്തോ​ളം വോ​ട്ട് സ്വ​ന്ത​മാ​ക്കി​യി​രു​ന്നു. വോ​ട്ട് പെ​ട്ടി​യി​ലാ​ക്കാ​നു​ള്ള അ​ൻ​വ​റി​ന്റെ മി​ടു​ക്ക് മു​ത​ലാ​ക്കാ​നാ​ണ് 2016ലും 2021​ലും സി.​പി.​ഐ​യു​ടെ എ​തി​ർ​പ്പ് മ​റി​ക​ട​ന്നും സി.​പി.​എം അ​ൻ​വ​റി​നെ നി​ല​മ്പൂ​രി​ൽ പ​രീ​ക്ഷി​ച്ച​ത്.

പ​തി​റ്റാ​ണ്ടു​ക​ളാ​യി യു.​ഡി.​എ​ഫ് കു​ത്ത​ക​യാ​ക്കി​വെ​ച്ച മ​ണ്ഡ​ലം അ​ന്ന് അ​ൻ​വ​ർ എ​ൽ.​ഡി.​എ​ഫി​ന് ഏ​ൽ​പി​ച്ചു​കൊ​ടു​ത്തു. പൊ​ലീ​സി​ലെ സം​ഘി​വ​ത്ക​ര​ണ​വും മ​ല​പ്പു​റ​ത്തെ ക്രി​മി​ന​ൽ കേ​ന്ദ്ര​മാ​ക്കാ​നു​ള്ള ആ​സൂ​ത്രി​ത ശ്ര​മ​വും ആ​ഭ്യ​ന്ത​ര​വ​കു​പ്പി​ന്റെ സം​ഘ്പ​രി​വാ​ർ പ്രോ​ത്സാ​ഹ​ന നി​ല​പാ​ടു​മെ​ല്ലാം ഉ​യ​ർ​ത്തി​യാ​ണ് അ​ൻ​വ​ർ എ​ൽ.​ഡി.​എ​ഫു​മാ​യു​ള്ള സ​ഹ​ക​ര​ണം അ​വ​സാ​നി​പ്പി​ച്ച​തും എം.​എ​ൽ.​എ​സ്ഥാ​നം രാ​ജി​വെ​ച്ച​തും.