കിട്ടിയ സീറ്റ് പ്രതിപക്ഷത്തിനൊപ്പം, ഇന്ന് നിയമസഭയിൽ കേറുന്നില്ല -പി.വി. അൻവർ

തിരുവനന്തപുരം: നിയമസഭയിൽ തനിക്ക് മാറ്റി അനുവദിച്ച സീറ്റ് പ്രതിപക്ഷത്തിനൊപ്പമായതിനാൽ ഇന്ന് നിയമസഭയിൽ പങ്കെടുക്കുന്നില്ലെന്ന് പി.വി. അൻവർ എം.എൽ.എ. സ്വതന്ത്ര ബ്ലോക്ക് അനുവദിക്കണമെന്ന് ആവശ്യപ്പെട്ടിട്ടുണ്ടെന്നും അൻവർ പറഞ്ഞു.

അൻവർ പറയുന്നത്: എനിക്ക് മാറ്റിത്തന്ന സീറ്റ് പ്രതിപക്ഷത്തിന്‍റെ കൂടെയാണ്. പ്രതിപക്ഷത്തിന്‍റെ കൂടെ ഇരിക്കാൻ ഉദ്ദേശിക്കുന്നില്ല. എനിക്ക് സ്വതന്ത്ര ബ്ലോക്ക് അനുവദിക്കണമെന്ന് ആവശ്യപ്പെട്ട് കത്ത് നൽകിയിട്ടുണ്ട്. ആ കത്തിന്‍റെ മറുപടി കിട്ടിയ ശേഷമേ തീരുമാനിക്കൂ. അതിനാൽ ഇന്ന് നിയമസഭ സമ്മേളനത്തിൽ പങ്കെടുക്കുന്നില്ല. ഇന്ന് ഒരു ദിവസം മറുപടിക്കായി കാത്തിരിക്കും -അൻവർ പറഞ്ഞു.

പാലക്കാട്, ചേലക്കര തെരഞ്ഞെടുപ്പ് വരാനിരിക്കുന്നു. അതിലെല്ലാം കൃത്യമായ ധാരണയായിട്ടുണ്ട് . പാലക്കാട് സി.പി.എം ബി.ജെ.പിക്ക് വോട്ട് മറിക്കുന്നു. ചേലക്കരയിൽ ബി.ജെ.പിയുടെ വോട്ട് സി.പി.എമ്മിന്നൽകും. ഒന്നര മാസത്തിനകം കേരള നിയമസഭയിൽ ബി.ജെ.പിയുടെ എം.എൽ.എ വരാൻ പോകുന്നുവെന്നും അൻവർ പറഞ്ഞു.