കൊച്ചി വിമാനത്താവളത്തിൽ നഷ്​ടപ്പെട്ട പഴ്​സ് കിട്ടിയത്​ ലഖ്​നോവിൽ നിന്ന്

നെടുമ്പാശ്ശേരി: വിമാനത്താവള കവാടത്തിനുസമീപം കളഞ്ഞുപോയ പണം അടങ്ങിയ പഴ്സ് സി.ഐ.എസ്.എഫ് അധികൃതര്‍ ഇടപെട്ട് ലഖ് ​നോ വിമാനത്താവളത്തില്‍ ഇറങ്ങിയ യാത്രക്കാരനില്‍നിന്ന് കണ്ടെടുത്തു. തിങ്കളാഴ്ച വൈകീട്ട്​ വിമാനത്താവളത്തിലെ കാര്‍ പാര്‍ക്കിങ് ഏജന്‍സിയായ ഒമേഗ എൻറര്‍പ്രൈസസിലെ മാനേജർ കെ.എസ്. സജിത്തി​​​െൻറ പണവും ലൈസന്‍സും തിരിച്ചറിയല്‍ കാര്‍ഡടക്കം വിലപ്പെട്ട രേഖകളുമടങ്ങിയ പഴ്സാണ് റോഡില്‍ കളഞ്ഞുപോയത്.

വൈകീട്ട്​ ആറിന് ചായകുടി കഴിഞ്ഞ് വിമാനത്താവളത്തിലേക്ക്​ മടങ്ങുമ്പോഴായിരുന്നു സംഭവം. പഴ്സ് നഷ്​ടപ്പെട്ടതോടെ വിമാനത്താവളത്തില​​ും വഴികളിലും തിരഞ്ഞെങ്കിലും ക​െണ്ടത്താനായില്ല. അരമണിക്കൂറിനുശേഷം സജിത്ത്​ വിമാനത്താവള കമ്പനിയുടെ സുരക്ഷചുമതലയുള്ള സി.ഐ.എസ്.എഫി​​​െൻറ കണ്‍ട്രോള്‍ റൂമില്‍ വിവരമറിയിച്ചു. നിരീക്ഷണകാമറ ഉപയോഗിച്ച് പഴ്സ് കളഞ്ഞുകിട്ടിയ ആളെ കണ്ടത്താനായിരുന്നു ഉദ്യോഗസ്ഥരുടെ ശ്രമം. വിമാനത്താവളത്തിലേക്ക​്​ കാല്‍നടയായി വന്നയാൾ റോഡില്‍നിന്ന് പഴ്സ് എടുക്കുന്നത് പരിശോധനയിൽ കണ്ടു. സി.ഐ.എസ്.എഫ് ഇയാളുടെ സഞ്ചാരം നിരീക്ഷിച്ചു. അതിനിടെ, 7.20നുള്ള ലഖ്​നോ വിമാനത്തില്‍ ഇയാള്‍ പുറപ്പെട്ടതായും തെളിഞ്ഞു.

സി.ഐ.എസ്.എഫ് ഉദ്യോഗസ്ഥര്‍ ലഖ്​നോ വിമാനത്താവളത്തിലെ സി.ഐ.എസ്.എഫ് അധികൃതരുമായി ബന്ധപ്പെട്ടു. വിമാനത്താവളത്തില്‍ ഇറങ്ങി പുറത്തിറങ്ങുന്നതി​നുമുമ്പ്​ ദേഹപരിശോധന നടത്തുന്നതിനിടെ ഇയാളിൽനിന്ന്​ പഴ്സ് കണ്ടെടുത്തു. പരാതി ഇല്ലാതിരുന്നതിനാല്‍ യാത്രക്കാരനെ താക്കീത് നല്‍കി വിട്ടു. ബുധനാഴ്ച ലഖ്​നോയിൽനിന്ന്​ വിമാനത്തിൽ എത്തിച്ച പഴ്​സ്​ സജിത്തി​െന സി.ഐ.എസ്.എഫ് ഒാഫിസിൽ വിളിച്ചുവരുത്തി കൈമാറി.