പൾസർ സുനിയുടെ സഹതടവുകാര​െൻറ  മൊഴി രേഖപ്പെടുത്തി

കൊച്ചി: നടിയെ ആക്രമിച്ച കേസുമായി ബന്ധപ്പെട്ട്​ പൾസർ സുനിയുടെ സഹതടവുകാരൻ ജിൻസ​​​െൻറ രഹസ്യമൊഴി രേഖപ്പെടുത്തി. ആലുവ മജിസ്​ട്രേറ്റിന്​ കോടതിയിലാണ്​​ മൊഴി രേഖപ്പെടുത്തിയത്​. വൈകീട്ട്​ മൂന്ന്​ മണിക്ക്​ ആരംഭിച്ച മൊഴിയെടുക്കൽ അഞ്ച്​ മണിക്കാണ്​ അവസാനിച്ചത്​.

ജിൻസൺ പെരുമ്പാവുർ പൊലീസിന്​ നൽകിയ മൊഴിയുടെ അടിസ്ഥാനത്തിലാണ്​ പൾസർ സുനി ജയിലിൽ​ മൊബൈൽ ഉപയോഗിച്ച കാര്യം പൊലീസ്​ കണ്ടെത്തിയത്​. ജയിലിൽ വന്ന ദിവസങ്ങൾക്കുള്ളിൽ പൾസർ സുനിക്ക്​ മൊബൈൽ ലഭിച്ചുവെന്നാണ്​ സൂചന. നിരവധി പ്രമുഖരെ സുനി ഇതിലൂടെ ബന്ധപ്പെട്ടതായും റിപ്പോർട്ടുകളുണ്ട്​.