പൾസർ സുനിൽ 2010ലും ഒരു നടിയെ തട്ടിക്കൊണ്ടു പോയെന്ന് പൊലീസ്
text_fields
കൊച്ചി: പ്രമുഖ ചലച്ചിത്ര നടിയെ തട്ടിക്കൊണ്ടുപോയി ബ്ലാക്‌മെയില്‍ ചെയ്യാന്‍ ശ്രമിച്ച കേസിലെ മുഖ്യപ്രതി പള്‍സര്‍ സുനി മറ്റൊരു നടിയേയും സമാനമായ രീതിയില്‍ തട്ടിക്കൊണ്ടുപോയിരുന്നതായി പൊലീസ്. 2010ല്‍ കൊച്ചിയില്‍ വച്ചാണ് സംഭവം നടന്നത്. നടി പൊലീസില്‍ പരാതി നല്‍കാത്തതിനാല്‍ വിവരം പുറത്തറിഞ്ഞില്ല. തട്ടിെകാണ്ടുപോകൽ കേസിൽ അറസ്റ്റിലായവരെ ചോദ്യം ചെയ്തപ്പോഴാണ് വിവരം പുറത്തുവന്നത്.
2010 ൽ നടന്ന ഒരു പരിപാടിയിലേക്ക് വരാമെന്നേറ്റ നടിയെ കൂട്ടിക്കൊണ്ടുവരാൻ സംഘാടകർ കാർ ഏൽപ്പിച്ചത് പൾസർ സുനിലിനെയാണ്. ഇയാൾ നടിയെയും കൊണ്ട് ഒരു മണിക്കൂേറാളം നഗരത്തിൽ കറങ്ങിയെന്നും അതിനിടെ ഇയാളുടെ സുഹൃത്തുക്കളും വാഹനത്തിൽ കയറി നടിയെ ഉപദ്രവിക്കുകയും വിഡിയോകളും ഫോേട്ടാകളും പകർത്തുകയും ചെയ്തുവെന്നും പൊലീസ് പറയുന്നു.
ഒരു മണിക്കൂർ കഴിഞ്ഞാണ് നടിയെ പരിപാടി സ്ഥലത്തെത്തിക്കുന്നത്. എന്നാൽ, അപമാനം മൂലം നടി പൊലീസിൽ പരാതി നൽകാത്തതിനാൽ സംഭവം പുറത്തറിഞ്ഞില്ല.