Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightപൾസർ സുനിയുടെ...

പൾസർ സുനിയുടെ അഭിഭാഷകനെ ചോദ്യം​ ചെയ്യാമെന്ന്​ ഹൈകോടതി

text_fields
bookmark_border
പൾസർ സുനിയുടെ അഭിഭാഷകനെ ചോദ്യം​ ചെയ്യാമെന്ന്​ ഹൈകോടതി
cancel

കൊച്ചി: നടിയെ തട്ടിക്കൊണ്ടുപോയി ആക്രമിച്ച കേസിൽ മുഖ്യപ്രതി പൾസർ സുനിയുടെ അഭിഭാഷകനെ ചോദ്യം ചെയ്യാമെന്നു ഹൈകോടതി. സുനി രണ്ടാമതു വക്കാലത്ത്​ നൽകിയ അഭിഭാഷകൻ പ്രതീഷ് ചാക്കോയെ ചോദ്യം ചെയ്യണമെന്ന പൊലീസ് ആവശ്യം കോടതി അംഗീകരിക്കുകയായിരുന്നു. പ്രതീഷ് ചാക്കോ രണ്ടുദിവസത്തിനുള്ളിൽ പൊലീസിനു മുന്നിൽ ഹാജരാകണമെന്നും കോടതി നിർദേശിച്ചു.
സുനിയുടെ മൊബൈലും സിം കാർഡും മെമ്മറി കാർഡും കാർഡ്​ റീഡറുമെല്ലാം അഭിഭാഷക​​െൻറ ഓഫിസിൽ നിന്ന്​ ലഭിച്ചിരുന്നു. നടിയെ ആക്രമിക്കുമ്പോൾ സുനി ധരിച്ചിരുന്നുവെന്ന്​ കരുതുന്ന വസ്ത്രങ്ങളും ഇവിടെനിന്നു ലഭിച്ചതായി പൊലീസ് അറിയിച്ചിരുന്നു. ഇതേത്തുടർന്നാണ് അഭിഭാഷകനെ ചോദ്യം ചെയ്യാൻ അനുവദിക്കണമെന്ന് പൊലീസ് ആവശ്യപ്പെട്ടത്.

പ്രതീഷ് ചാക്കോ മൊഴിനൽകാൻ ഹാജരകണമെന്നാവശ്യപ്പെട്ട്​ പൊലീസ്​ നോട്ടീസ്​ നൽകിയിരുന്നു. എന്നാൽ അതിനെതിരെ കോടതിയെ സമീപിച്ച പ്രതീഷ് ചാക്കോ, അഭിഭാഷകനും കക്ഷികളുമായുള്ള ഇടപാടുകൾ ചോദ്യം ചെയ്യാൻ   പൊലീസിനെ അനുവദിക്കരുതെന്ന് ആവശ്യപ്പെട്ടു. അഭിഭാഷകൻ എന്ന നിലയിൽ ത​​െൻറ ജോലിയാണ്​ ചെയ്​തതെന്നും അത്​ തടസപ്പെടുത്തുന്നതിൽ നിന്ന്​ സംരക്ഷണം വേണമെന്നും പ്രതീഷ്​ കോടതിയിൽ വാദിച്ചു. പ്രതീഷി​​െൻറ വാദം തള്ളിയ കോടതി ചില കാര്യങ്ങളില്‍ വ്യക്തത വരുത്താന്‍ സംഭവങ്ങളില്‍ സാക്ഷിയെന്ന നിലയില്‍ മൊഴിയെടുക്കാനാണ് പൊലീസ് നോട്ടീസ് നല്‍കിയതെന്നും ഇത് തടയാന്‍ കഴിയില്ലെന്നും വ്യക്തമാക്കി. കേസി​​െൻറ ഇൗ ഘട്ടത്തിൽ കോടതി ഇടപെടൽ ഒഴിവാക്കി അന്വേഷണവും സഹകരിക്കുകയാണ്​ അഭിഭാഷകൻ ചെയ്യേണ്ടതെന്നും കോടതി അറിയിച്ചു.

നേരത്തെ സുനിയുടെ മുൻ അഭിഭാഷകൻ ഇ.സി. പൗലോസിനെ കേസിൽ സാക്ഷിയാക്കിയിരുന്നു. പ്രതികൾ പൗലോസി​​െൻറ കൈവശം മൊബൈൽ ഫോണും പഴ്സും കൈമാറിയിരുന്നു. ഇതു പിന്നീട് കോടതിയിൽ പൗലോസ് തന്നെ ഹാജരാക്കുകയായിരുന്നു.

പള്‍സര്‍ സുനിയുടെയും വിജീഷി​െൻറയും ജാമ്യം നിഷേധിച്ചു
ആ​​ലു​​വ: ച​​ല​​ച്ചി​​ത്ര ന​​ടി​​യെ ആ​​ക്ര​​മി​​ച്ച സം​​ഭ​​വ​​ത്തി​​ല്‍ മു​​ഖ്യ​​പ്ര​​തി​​ക​​ളാ​​യ പ​​ള്‍സ​​ര്‍ സു​​നി​​യു​െ​​ട​​യും വി​​ജീ​​ഷി​​െൻറ​​യും ജാ​​മ്യാ​​പേ​​ക്ഷ ആ​​ലു​​വ ഫ​​സ്​​​റ്റ്​ ക്ലാ​​സ് ജ്യു​​ഡീ​​ഷ്യ​​ല്‍ മ​​ജി​​സ്‌​​ട്രേ​​റ്റ് കോ​​ട​​തി നി​​ഷേ​​ധി​​ച്ചു. ജാ​​മ്യാ​​പേ​​ക്ഷ തി​​ങ്ക​​ളാ​​ഴ്​​​ച കോ​​ട​​തി പ​​രി​​ഗ​​ണി​െ​​ച്ച​​ങ്കി​​ലും ​െപാ​​ലീ​​സ് റി​​പ്പോ​​ര്‍ട്ട്​ കി​​ട്ടാ​​ത്ത​​തി​​നെ തു​​ട​​ര്‍ന്ന് ചൊ​​വ്വാ​​ഴ്ച​​ത്തേ​​ക്ക്​​ മാ​​റ്റു​​ക​​യാ​​യി​​രു​​ന്നു. പ്ര​​തി​​ക​​ള്‍ക്ക് ജാ​​മ്യ​​ത്തി​​ന്​ ഇ​​നി മേ​​ല്‍കോ​​ട​​തി​​യെ സ​​മീ​​പി​​ക്കേ​​ണ്ടി​​വ​​രും.  ഇ​​രു​​വ​​രും കാ​​ക്ക​​നാ​​ട് ജി​​ല്ല ജ​​യി​​ലി​​ലാ​​ണ്. മ​​റ്റ്​ പ്ര​​തി​​ക​​ൾ ആ​​ലു​​വ സ​​ബ്​ ജ​​യി​​ലി​​ലു​​മാ​​ണ്.പ്ര​​തി​​ക​​ളെ ഒ​​ളി​​വി​​ല്‍ ക​​ഴി​​യാ​​ന്‍ സ​​ഹാ​​യി​​ച്ച ചാ​​ര്‍ളി തോ​​മ​​സി​​ന് മാ​​ത്ര​​മാ​​ണ് കോ​​ട​​തി ഉ​​പാ​​ധി​​ക​​ളോ​​ടെ ജാ​​മ്യം അ​​നു​​വ​​ദി​​ച്ചി​​ട്ടു​​ള്ള​​ത്.

Show Full Article
TAGS:pulsar suni abduction case 
Next Story