പുൽപള്ളി സി.പി.എം ഓഫിസിന് നേരെ ആക്രമണം

പുൽപള്ളി: സി.പി.എം പുൽപള്ളി ഏരിയ കമ്മിറ്റി ഓഫീസിന് നേരെയാണ് ആക്രമണം. വ്യാഴാഴ്ച രാത്രിയാണ് ആക്രമണം നടന്നത്. അജ്ഞാതർ ഓഫീസിന്‍റെ ജനൽ ചില്ലുകൾ എറിഞ്ഞു തകർക്കുകയായിരുന്നു. പ്രദേശത്ത് പൊലീസെത്തി പ്രാഥമിക നടപടികൾ സ്വീകരിച്ചു വരുന്നു.

കഴിഞ്ഞ ദിവസം വിദ്യാർഥി യൂണിയൻ തെരഞ്ഞെടുപ്പുമായി ബന്ധപ്പെട്ട് ബി.ജെ.പി നേതൃത്വത്തിന്‍റെ അറിവോടെ  എസ്.എഫ്.ഐ-ഡി.വൈ.എഫ്.ഐ കൊടി തോരണങ്ങൾ നശിപ്പിക്കപ്പെട്ടിരുന്നതായി സി.പി.എം. ആരോപിച്ചു. ഓഫീസ് ആക്രമണത്തിന് പിന്നിലും ബി.ജെ.പിയാണെന്ന് സി.പി.എം നേതൃത്വം പറഞ്ഞു.