ഭ​വി​നും അ​നീ​ഷ​യും പ​രി​ച​യ​പ്പെ​ട്ട​ത് അഞ്ചുവർഷം മുമ്പ് ഫേസ്ബുക്കിലൂടെ; കുഞ്ഞുങ്ങളുടെ അസ്ഥിയുമായി ഭവിൻ സ്റ്റേഷനിലെത്തിയത് അനീഷ അകലാൻ തുടങ്ങിയതോടെ​

ആ​മ്പ​ല്ലൂ​ര്‍: തൃശൂർ ആ​മ്പ​ല്ലൂ​രി​ലും നൂ​ലു​വെ​ള്ളി​യി​ലും ന​വ​ജാ​ത ശി​ശു​ക്ക​ളെ ര​ഹ​സ്യ​മാ​യി കു​ഴി​ച്ചി​ട്ടെ​ന്ന വെ​ളി​പ്പെ​ടു​ത്ത​ലി​നെ തു​ട​ർ​ന്ന് അ​റ​സ്റ്റി​ലായ കമിതാക്കളെ ഇന്ന് കോടതിയിൽ ഹാജരാക്കും. കുഴികൾ തുറന്നുള്ള പരിശോധനയും ഇന്ന് നടക്കും. കു​ട്ടി​ക​ളു​ടെ അ​മ്മ​യാ​യ മ​റ്റ​ത്തൂ​ര്‍ നൂ​ലു​വെ​ള്ളി സ്വ​ദേ​ശി മു​ല്ല​ക്ക​പ​റ​മ്പി​ല്‍ അ​നീ​ഷ​ (22), ആ​മ്പ​ല്ലൂ​ര്‍ സ്വ​ദേ​ശി​യും കു​ട്ടി​ക​ളു​ടെ പി​താ​വു​മാ​യ ചേ​ന​ക്കാ​ല വീ​ട്ടി​ല്‍ ഭ​വി​ന്‍ (25) എന്നിവരെയാണ് പൊ​ലീ​സ് അ​റ​സ്റ്റ് ചെ​യ്തത്. അനീഷ ആദ്യ കുഞ്ഞിനെ കുഴിച്ചിട്ട സ്വന്തം വീടിന്റെ പരിസരം, രണ്ടാമത്തെ കുഞ്ഞിനെ കുഴിച്ചിട്ട രണ്ടാം പ്രതി ഭവിന്റെ വീടിന്റെ പരിസരം എന്നിവിടങ്ങളിലാണ് ഇന്ന് പരിശോധന നടത്തുക.

അനീഷ തന്നിൽ നിന്ന് അകലുകയാണെന്ന തോന്നലാണ് ഭവിൻ പൊലീസ് സ്റ്റേഷനിലെത്തി വെളിപ്പെടുത്തൽ കാരണമായത്. ശ​നി​യാ​ഴ്ച രാ​ത്രി 12.30ഓ​ടെയാണ് മ​ദ്യ​ല​ഹ​രി​യി​ല്‍ കു​ട്ടി​ക​ളു​ടെ അ​സ്ഥി ബാ​ഗി​ലാ​ക്കി ഭ​വി​ന്‍ പു​തു​ക്കാ​ട് സ്റ്റേ​ഷ​നി​ലെ​ത്തി​യത്. ഭ​വി​ന്റെ വെ​ളി​പ്പെ​ടു​ത്ത​ലി​ന്റെ അ​ടി​സ്ഥാ​ന​ത്തി​ൽ ഇ​യാ​ളെ​യും കാ​മു​കി​യും കു​ട്ടി​ക​ളു​ടെ അ​മ്മ​യു​മാ​യ അ​നീ​ഷ​യെ​യും അ​റ​സ്റ്റ് ചെ​യ്യുകയായിരുന്നു.

ര​ണ്ടു പ്ര​സ​വ​ത്തി​ലാ​യു​ള്ള കു​ട്ടി​ക​ളെ ര​ണ്ടി​ട​ങ്ങ​ളി​ലാ​യി കു​ഴി​ച്ചു​മൂ​ടു​ക​യാ​യി​രു​ന്നു​വെ​ന്ന് വി​ശ​ദ​മാ​യ ചോ​ദ്യം ചെ​യ്യ​ലി​ല്‍ അ​നീ​ഷ സ​മ്മ​തി​ച്ച​താ​യി പൊ​ലീ​സ് പ​റ​ഞ്ഞു. പ്ര​തി​ക​ൾ​ക്കെ​തി​രെ കൊ​ല​പാ​ത​കം, ഗൂ​ഢാ​ലോ​ച​ന വ​കു​പ്പു​ക​ൾ ചു​മ​ത്തി. ര​ണ്ടു കൊ​ല​പാ​ത​ക​ളും ന​ട​ത്തി​യ​ത് അ​നീ​ഷ​യാ​ണെ​ന്ന് പൊ​ലീ​സ് പ​റ​ഞ്ഞു.

2020ല്‍ ​ഫേ​സ്ബു​ക്കി​ലൂ​ടെ​യാ​ണ് ഭ​വി​നും അ​നീ​ഷ​യും പ​രി​ച​യ​പ്പെ​ട്ട​ത്. തു​ട​ര്‍ന്ന് പ്ര​ണ​യ​ത്തി​ലാ​വു​ക​യും വി​വാ​ഹം ക​ഴി​ക്കാ​ന്‍ തീ​രു​മാ​നി​ച്ച​താ​യും പ​റ​യു​ന്നു. 2021 ന​വം​ബ​റി​ലാ​ണ് ആ​ദ്യ​ത്തെ കു​ട്ടി​യെ കൊ​ല​പ്പെ​ടു​ത്തി കു​ഴി​ച്ചി​ട്ട​ത്. എ​ട്ട് മാ​സ​ത്തി​ന് ശേ​ഷം കു​ഴി തോ​ണ്ടി അ​സ്ഥി പു​റ​ത്തെ​ടു​ത്ത് ഭ​വി​ന് കൈ​മാ​റി. 2024 ആ​ഗ​സ്റ്റി​ലാ​ണ് ര​ണ്ടാ​മ​ത്തെ കു​ട്ടി​യെ കൊ​ല​പ്പെ​ടു​ത്തി​യ​ത്. തു​ണി​യി​ൽ പൊ​തി​ഞ്ഞ മൃ​ത​ദേ​ഹം തൊ​ട്ട​ടു​ത്ത ദി​വ​സം സ്കൂ​ട്ട​റി​ലെ​ത്തി​ച്ച് ഭ​വി​ന് കൈ​മാ​റു​ക​യാ​യി​രു​ന്നു. ഭ​വി​ന്റെ വീ​ടി​ന് പി​റ​കി​ലെ തോ​ട്ടി​ലാ​ണ് ഈ ​കു​ഞ്ഞി​ന്റെ മൃ​ത​ദേ​ഹം കു​ഴി​ച്ചി​ട്ട​ത്. നാ​ല് മാ​സ​ങ്ങ​ൾ​ക്ക് ശേ​ഷ​മാ​ണ് അ​സ്ഥി​ക​ൾ പു​റ​ത്തെ​ടു​ത്ത് സൂ​ക്ഷി​ച്ച​ത്. കു​ട്ടി​ക​ളു​ടെ മ​ര​ണാ​ന​ന്ത​ര ച​ട​ങ്ങു​ക​ൾ ചെ​യ്യാ​നാ​ണ് അ​സ്ഥി​ക​ൾ സൂ​ക്ഷി​ക്കു​ന്ന​തെ​ന്നാ​ണ് ഭ​വി​ൻ അ​നീ​ഷ​യെ ധ​രി​പ്പി​ച്ചി​രു​ന്ന​ത്.

ചാ​ല​ക്കു​ടി ഡി​വൈ.​എ​സ്.​പി ബി​ജു​കു​മാ​ര്‍, പു​തു​ക്കാ​ട് എ​സ്.​എ​ച്ച്.​ഒ എ​ന്‍. മ​ഹേ​ന്ദ്ര​സിം​ഹ​ന്‍ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക സം​ഘ​മാ​ണ് കേ​സ​ന്വേ​ഷി​ക്കു​ന്ന​ത്. ഫോ​റ​ന്‍സി​ക് പ​രി​ശോ​ധ​ന​ക​ളും മ​റ്റു ശാ​സ്ത്രീ​യ പ​രി​ശോ​ധ​ന​ക​ളും കേ​സി​ല്‍ തു​ട​രും. പ്ര​തി​ക​ളു​ടെ ബ​ന്ധു​ക്ക​ളെ​യും സു​ഹൃ​ത്തു​ക്ക​ളെ​യും ചോ​ദ്യം ചെ​യ്യു​മെ​ന്ന് ജി​ല്ല പൊ​ലീ​സ് മേ​ധാ​വി ബി. ​കൃ​ഷ്ണ​കു​മാ​ര്‍ പ​റ​ഞ്ഞു.