കഴിഞ്ഞ സാമ്പത്തിക വർഷം സംസ്ഥാനത്തെ പൊതുമേഖല സ്ഥാപനങ്ങൾ വരുത്തിയത് 5700 കോടിയുടെ നഷ്ടം

തിരുവനന്തപുരം: സംസ്ഥാനത്തെ പൊതുമേഖല സ്ഥാപനങ്ങൾ കഴിഞ്ഞ സാമ്പത്തിക വർഷം 5700 കോടിയുടെ നഷ്ടം വരുത്തി. 59 സ്ഥാപനങ്ങളാണ്​ ഈ പട്ടികയിലുള്ളത്​. ലാഭം നേടിയ സ്ഥാപനങ്ങൾ 58ൽ നിന്ന്​ 57 ആയി കുറഞ്ഞു. ഇവയുടെ ലാഭം 889 കോടി മാത്രമാണ്​. 67 സ്ഥാപനങ്ങൾ പ്രവർത്തന ലാഭം കൈവരിച്ചു.

ഇത്​ 2028 കോടി വരും. മുൻവർഷം 66 സ്ഥാപനങ്ങൾ 1643 കോടി പ്രവർത്തന ലാഭം നേടിയിരുന്നു. നഷ്​ടമുണ്ടാക്കുന്ന സ്ഥാപനങ്ങളിൽ മുന്നിൽ കെ.എസ്​.ആർ.ടി.സിയും ജല ​അതോറിറ്റിയുമാണ്​. കെ.എസ്​.ഇ.ബിയും നഷ്ടകണക്കിലായി. കെ.എസ്​.എഫ്​.ഇയാണ്​ ലാഭത്തിൽ മുന്നിലെന്നും ബ്യൂറോ ഓഫ്​ പബ്ലിക്​ എന്‍റർപ്രൈസസിന്‍റെ അവലോകന റിപ്പോർട്ട് പറയുന്നു.

കൂടുതൽ നഷ്ടം വരുത്തിയ 10​ സ്ഥാപനങ്ങൾ

1. കെ.എസ്​.ആർ.ടി.സി -1521.82

2. ജല അതോറിറ്റി-1312.34

3. സാമൂഹ്യ സുരക്ഷ പെൻഷൻ ലിമി.-1043.46

4. കെ.എസ്​.ഇ.ബി.-1023.62

5. സപ്ലൈകോ -190

6. കാഷ്യൂ കോർപറേഷൻ- 75.52

7. ടെക്​സ്​റ്റൈൽ കോർപറേഷൻ - 67.09

8. കെ.ടി.ഡി.എഫ്​.സി - 59.13

9. ട്രാവൻകൂർ ടൈറ്റാനിയം - 51.27

10. കേരള ഫീഡ്​സ്​ - 42

ലാഭത്തിൽ പ്രവർത്തിക്കുന്ന ആദ്യ 10​ സ്ഥാപനങ്ങൾ

1. കെ.എസ്​.എഫ്​.ഇ - 350.88

2. കെ.എം.എം.എൽ - 85.​04

3. ട്രാവൻകൂർ കൊച്ചിൻ കെമിക്കൽസ്​-67.91

4. കെ.എസ്.ഐ.ഡി.സി - 64.73

5. ഫിനാൻഷ്യൽ കോർപറേഷൻ -50.19

6. പിന്നാക്ക വിഭാഗ കോർപറേഷൻ - 46.98

7. ഫാർമസ്യൂട്ടിക്കൽ കോർപറേഷൻ -42.47

8. ബിവറേജസ്​ കോർപറേഷൻ - 35.93

9. കേരള മെഡിക്കൽ കോർപറേഷൻ - 21.86

10. സ്​റ്റേറ്റ്​ ഇലക്​ട്രോണിക്സ്​ ഡെവ. ലിമി. - 16.81

ലാഭത്തിൽ നിന്ന് നഷ്ടത്തിലേക്ക്

കെ.എസ്​.ഇ.ബി, റോഡ്​സ്​ ആൻഡ്​ ബ്രിഡ്ജസ്​ കോർപറേഷൻ, ട്രാവൻകൂർ ടൈറ്റാനിയം, മലബാർ സിമൻറ്​സ്​, ഇൻഫ്രാസ്​ട്രചർ ആൻഡ്​ ടെക്​നോളജി എജുക്കേഷൻ ലിമിറ്റഡ്​, കേരള ഫീഡ്​സ്​, റിഹാബിലിറ്റേഷൻ പ്ലാന്‍റേഷൻ, കൺസ്​ട്രക്​ഷൻ കോർപറേഷൻ, ആഗ്രോ മെഷിനറി, മുന്നാക്കസമുദായ ക്ഷേമ കോർപറേഷൻ.

നഷ്ടത്തിൽ നിന്ന് ലാഭത്തിലേക്ക്

ട്രാൻസ്​ഫോമേഴ്​സ്​ ആൻഡ്​ ഇലക്​ട്രിക്കൽസ്​, കെ.ടി.ഡി.സി, ഷിപ്പിങ്​ ആൻഡ്​​ ഇൻലാൻഡ്​​ നാവിഗേഷൻ കോർപറേഷൻ, കെ.എസ്​.ഐ.ഡി.സി, കയർ മെഷിനറി കമ്പനി, റോഡ്​ ഇൻഫ്രാസ്​ട്രക്​ചർ കമ്പനി, പൗൾട്രി കോർപറേഷൻ, മലബാർ ഇന്‍റർനാഷനൽ പോർട്​സ്​​, കെ.എസ്​.ആർ.ടി.സി സ്വിഫ്​സ്റ്റ്​, കാഷ്യൂ ബോർഡ്​, നോർക്ക റൂട്ട്​സ്, ലൈഫ്​ സയൻസ്​ പാർക്ക്​.

സർക്കാറിന് നൽകിയത്

പൊതുമേഖല സ്ഥാപനങ്ങൾ 16863 കോടി സംസ്ഥാന ഖജനാവിലേക്കും 970 കോടി കേന്ദ്ര സർക്കാറിലേക്കും വിവിധ നികുതികളടക്കം ഇനങ്ങളിൽ നൽകി. 20.92 കോടി ഗാരൻറി കമീഷൻ നൽകി. സബ്​സിഡി, ഗ്രാന്‍റ്​ അടക്കം സർക്കാർ പൊതുമേഖലക്ക്​ നൽകിയ തുക1444.75 കോടിയാണ്​. കേന്ദ്രം നൽകിയത്​ 1936.20 കോടിയും. പല സ്ഥാപനങ്ങളും ഓഡിറ്റ്​ കൃത്യമായി നൽകുന്നില്ല. എട്ടു​ വർഷം വരെ വൈകിയതും കണ്ടെത്തി.