ഐ.എൻ.എല്ലുമായി യോജിച്ച്​ പോകാനാവില്ല; സെക്കുലർ കോൺഫറൻസ്​ പുനരുജ്ജീവിപ്പിക്കും -പി.ടി.എ റഹീം

കോഴിക്കാട്​: ഗ്രൂപ് പോരും തമ്മിലടിയും തുടരുന്ന ഐ.എൻ.എല്ലുമായി യോജിച്ച്​ പോകാനാവാത്തതിനാൽ സെക്കുലർ കോൺഫറൻസ്​ പുനരുജ്ജീവിപ്പിക്കാൻ തീരുമാനിച്ചെന്ന്​ ഒരു വിഭാഗം നേതാക്കൾ. 2019 മാർച്ച്​ 30ന്​ നടന്ന എൻ.എസ്​.സി-ഐ.എൻ.എൽ ലയനത്തിൽനിന്ന്​ പിന്മാറുകയാണെന്നും മുസ്​ലിം ലീഗ്​ നടപടികൾക്കിരയായ ഹരിത പ്രവർത്തകരടക്കം സമാന ആശയക്കാരെ കൂട്ടി രാഷ്​ട്രീയ മുന്നേറ്റമുണ്ടാക്കുകയാണ്​ ലക്ഷ്യ​െമന്നും നേതാക്കൾ വാർത്തസമ്മേളനത്തിൽ പറഞ്ഞു.

പി.ടി.എ. റഹീം എം.എൽ.എ, മന്ത്രി വി. അബ്​ദുറഹിമാൻ എന്നിവരുടെ അനുഭാവം തങ്ങളോടാണെങ്കിലും അവർക്കെല്ലാം വിവിധ കാരണങ്ങളാൽ പാർട്ടിക്കൊപ്പം ചേരാനാവില്ല. ഐ.എൻ.എല്ലിൽ നിലവിലുള്ള ഐക്യ പ്രഖ്യാപനം ഓട്ടയടക്കൽ മാത്രമാണെന്നും കുറ്റപ്പെടുത്തി. എൻ.എസ്​.സി മുൻ സംസ്ഥാന ജനറൽ സെക്രട്ടറി എം.എ. ജലീൽ, സംസ്ഥാന സെക്ര​േട്ടറി​യറ്റംഗങ്ങളായ ഇ.സി. മുഹമ്മദ്​, സിറാജ്​ പെരിനാട്​, നിയാസ്​ കരിമുകിൾ എന്നിവർ​ വാർത്തസമ്മേളനത്തിൽ പ​​ങ്കെടുത്തു​.