Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'ഒാടുന്ന നായയ്ക്ക് ഒരു ...

'ഒാടുന്ന നായയ്ക്ക് ഒരു മുഴം മുമ്പേ'; അനിൽ കുമാറിന്‍റെ രാജിയിൽ പി.ടി. തോമസ്

text_fields
bookmark_border
ഒാടുന്ന നായയ്ക്ക് ഒരു മുഴം മുമ്പേ; അനിൽ കുമാറിന്‍റെ രാജിയിൽ പി.ടി. തോമസ്
cancel

കൊച്ചി: കെ.പി. അനിൽ കുമാർ കോൺഗ്രസ് വിട്ടതിനെ ഒാടുന്ന നായയ്ക്ക് ഒരു മുഴം മുമ്പേ എന്ന് വിശേഷിപ്പിച്ച് കെ.പി.സി.സി. വർക്കിങ് പ്രസിഡന്‍റ് പി.ടി. തോമസ് എം.എൽ.എ. കഷ്ടകാലത്ത് പാർട്ടിക്കൊപ്പം നിൽക്കുന്നവരെയാണ് ആവശ്യമെന്നും പി.ടി. തോമസ് ചൂണ്ടിക്കാട്ടി.

കോൺഗ്രസ് പാർട്ടിയെ പല രീതിയിലാണ് കെ.പി. അനിൽ കുമാർ വിമർശിച്ചത്. താൻ ഇന്നലെ വരെ താക്കോൽ സ്ഥാനത്തിരുന്ന പാർട്ടിയെ കുറിച്ചാണ് ഇത്തരത്തിൽ പറഞ്ഞത്. അനിൽ കുമാറിന്‍റെ പരാമർശങ്ങൾ ചേക്കേറാൻ പോകുന്ന പാർട്ടിയിൽ ഒരു ബ്ലാക് മാർക്ക് ആയി കിടക്കുമെന്ന് പി.ടി. തോമസ് വ്യക്തമാക്കി.

പാർട്ടിക്ക് വിജയമുണ്ടാകുമ്പോൾ കൂടെ നിൽകുകയും പരാജയം സംഭവിക്കുമ്പോൾ കുറ്റം പറഞ്ഞ് വിട്ടുപോവുകയും ചെയ്യുന്നത് ഉത്തമ കോൺഗ്രസിന് ചേർന്നതല്ലെന്ന് യൂത്ത് കോൺഗ്രസ് സംസ്ഥാന അധ്യക്ഷൻ ഷാഫി പറമ്പിലും പ്രതികരിച്ചു. അർഹമായ പദവികളെല്ലാം നേടിയിട്ടും അനിൽ കുമാർ സി.പി.എമ്മിൽ ചേർന്നത് തീർത്തും വ്യക്തിതാൽപര്യം കൊണ്ടാണ്. പ്രതിസന്ധി ഘട്ടത്തിൽ പാർട്ടിക്കൊപ്പം നിൽക്കുന്നവരാണ് യഥാർഥ കോൺഗ്രസുകാരെന്നും ഷാഫി മാധ്യമങ്ങളോട് പറഞ്ഞു.

Show Full Article
TAGS:KP Anil Kumar PT Thomas Shafi Parambil 
News Summary - PT Thomas and Shafi Parambil React to KP Anil Kumar Resignation
Next Story