Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപി.എസ്​.സി റാങ്ക്...

പി.എസ്​.സി റാങ്ക് ​ലിസ്​റ്റുകളുടെ കാലാവധി നീട്ടിെല്ലന്ന്​ മുഖ്യമന്ത്രി

text_fields
bookmark_border
pinarayi vijayan
cancel

തിരുവനന്തപുരം: കാലാവധി പൂർത്തിയാകുന്ന പി.എസ്​.സി റാങ്ക്​ ലിസ്​റ്റുകൾ നീട്ടിെല്ലന്ന്​ മുഖ്യമന്ത്രി പിണറായി വിജയൻ. ഒഴിവുകള്‍ റിപ്പോര്‍ട്ട് ചെയ്യാതിരിക്കുകയും റാങ്ക് ലിസ്​റ്റ്​ കാലാവധി നീട്ടിനല്‍കുകയും ചെയ്യുന്നത് സര്‍ക്കാർ നയമല്ല. റാങ്ക് ലിസ്​റ്റുകളില്‍നിന്ന്​ മുഴുവന്‍ ഒഴിവുകളിലും നിയമനം നടത്താന്‍ നടപടി സ്വീകരിച്ചിട്ടുള്ളതിനാല്‍ കാലാവധി നീട്ടേണ്ട സാഹചര്യം നിലവിലില്ലെന്ന്​ വി.ഡി. സതീശ​െൻറ സബ്​മിഷന്​ മുഖ്യമന്ത്രി മറുപടി നൽകി.

റാങ്ക് ലിസ്​റ്റ്​ കാലാവധിക്കുള്ളില്‍ ലഭ്യമാകുന്ന മുഴുവന്‍ ഒഴിവുകളിലും നിയമനം നടത്തുകയാണ്​ സര്‍ക്കാർ നയം. കോവിഡ് വ്യാപനത്തെതുടര്‍ന്ന് യഥാസമയം പരീക്ഷ നടത്താന്‍ പി.എസ്.സിക്ക് കഴിയാത്ത സാഹചര്യമുണ്ടായെങ്കിലും ഒഴിവുകള്‍ റിപ്പോര്‍ട്ട് ചെയ്യുന്നതിനെയും നിയമന ശിപാര്‍ശ നല്‍കുന്നതിനെയും അത് ബാധിക്കുന്നില്ല. 2021 ഫെബ്രുവരി അഞ്ചിനും ആഗസ്​റ്റ്​ മൂന്നിനുമിടയിൽ കാലാവധി പൂര്‍ത്തിയാക്കുന്ന വിവിധ റാങ്ക് ലിസ്​റ്റുകളുടെ കാലാവധി ആഗസ്​റ്റ്​ നാലുവരെ നീട്ടിയിട്ടുണ്ട്​. അതുവരെയുള്ള മുഴുവന്‍ ഒഴിവും പി.എസ്.സിക്ക് റിപ്പോര്‍ട്ട് ചെയ്യുന്നുണ്ടെന്ന് ഉറപ്പാക്കണമെന്നും ഇതിനായി സെക്രട്ടറിമാരുടെ യോഗം വിളിച്ച് ചുമതലപ്പെടുത്തണമെന്നും മന്ത്രിമാര്‍ക്ക് നിർദേശം നല്‍കിയിട്ടുണ്ട്. ഒഴിവുകള്‍ റിപ്പോര്‍ട്ടു ചെയ്യുന്നതില്‍ വീഴ്ചവരുത്തുന്ന വകുപ്പ്​ മേധാവികള്‍ക്കും നിയമനാധികാരികള്‍ക്കുമെതിരെ കര്‍ശന നടപടി സ്വീകരിക്കും.

സീനിയോറിറ്റി തര്‍ക്കം നിലനില്‍ക്കുന്ന കേസുകളില്‍ റെഗുലര്‍ ​പ്രമോഷന്‍ സ്​റ്റേ ചെയ്ത്​ കോടതി/ട്രൈബ്യൂണലില്‍നിന്ന്​ ഇടക്കാല ഉത്തരവ്​ നല്‍കിയിട്ടുള്ള കേസുകളില്‍ താല്‍ക്കാലിക ​പ്രമോഷന്‍ നടത്തി ഒഴിവുകള്‍ പി.എസ്.സിക്ക് റിപ്പോര്‍ട്ട് ചെയ്യാന്‍ നിർദേശിച്ചിട്ടുണ്ട്​. ഒരു തസ്തികയില്‍ പ്രമോഷന്‍ ഒഴിവുകള്‍ നിലനില്‍ക്കുകയും പ്രമോഷന്​ യോഗ്യരായവരുടെ അഭാവം നിലനില്‍ക്കുകയും ചെയ്യുന്ന സാഹചര്യത്തില്‍ ആ തസ്തികകള്‍ റാങ്ക് ലിസ്​റ്റ്​ നിലവിലുള്ള കേഡറിലേക്ക്​ താല്‍ക്കാലികമായി തരംതാഴ്ത്തി, അപ്രകാരമുണ്ടാകുന്ന ഒഴിവുകള്‍ റിപ്പോര്‍ട്ട് ചെയ്യുന്നതിനും നിർദേശം നല്‍കിയിട്ടുണ്ട്. നിയമനങ്ങള്‍ പരമാവധി പി.എസ്.സി മുഖേന നടത്തണമെന്നതാണ് സര്‍ക്കാർ നയം. കോവിഡ് വ്യാപനം കാരണം മാറ്റി​െവച്ച പി.എസ്.സി പരീക്ഷകളും ഇൻറര്‍വ്യൂകളും വ്യാപന തീവ്രത കുറഞ്ഞാലുടൻ പുനരാരംഭിക്കു​െമന്നും മുഖ്യമന്ത്രി അറിയിച്ചു.

Show Full Article
TAGS:PSC rank list PSC 
News Summary - PSC rank lists need not be extended -chief minister
Next Story