ശിവരഞ്​ജിത്തി​െൻറയും നസീമി​െൻറയും ബിരുദപേപ്പറുകൾ പരിശോധിക്കുന്നതിൽ ഒളിച്ചുകളി

തിരുവനന്തപുരം: യൂനിവേഴ്​സിറ്റി കോളജിലെ കുത്തുകേസ്​ പ്രതികളായ ശിവരഞ്ജി​ത്തി​​​െൻറയും നസീമി​​​െൻറയും പ്രണ വി​​​െൻറയും ബിരുദപരീക്ഷയുടെ ഉത്തരക്കടലാസുകൾ പരിശോധിക്കുന്നതിൽ കേരള സർവകലാശാല ഒളിച്ചുകളി തുടരുന്നു. ഇ​രുവര ുടെയും ബിരുദപരീക്ഷാമാർക്കിൽ അസ്വാഭാവികമായ വർധനയുണ്ടായത്​ പുറത്തുവന്നിരുന്നു. പൂജ്യം മാർക്ക്​ ലഭിച്ച വിഷയങ്ങളിൽ പോലും പിന്നീട്​ ഉയർന്ന മാർക്ക്​ നേടിയതായും തെളിഞ്ഞു.

കഴിഞ്ഞ എട്ടിന്​ ചേർന്ന സിൻഡിക്കേറ്റ്​ യോഗത്തിൽ ശിവരഞ്​ജിത്തി​​​െൻറ പി.ജി കോഴ്​സ്​ രജിസ്​ട്രേഷൻ റദ്ദാക്കുകയും പരീക്ഷകളിൽ നിന്ന്​ ആജീവനാന്തവിലക്ക്​ ഏർ​പ്പെടുത്തുകയും ചെയ്​തിരുന്നു. മൂന്ന്​ പേരുടെയും ബിരുദപരീക്ഷാപേപ്പറുകൾ പരി​േശാധിക്കാനും തീരുമാനിച്ചിരുന്നു. എന്നാൽ, ഇക്കാര്യത്തിൽ സർവകലാശാല ഇതുവരെ തുടർനടപടികളൊന്നും സ്വീകരിച്ചിട്ടില്ല. ഇവരുടെ മാർക്കുകളിലുള്ള വ്യതിയാനം പരിശോധിക്കുമെന്നാണ്​ ഇന്നലെ സർവകലാശാല ആസ്ഥാനത്ത്​ വിളിച്ച വാർത്തസമ്മേളനത്തിൽ വൈസ്​ചാൻസലറും സിൻഡിക്കേറ്റ്​ അംഗങ്ങളും പറഞ്ഞത്​. ബിരുദ ഉത്തരക്കടലാസുകൾ വീണ്ടും പരിശോധിക്കാൻ തീരുമാനിച്ചിട്ടില്ലെന്നും വി.സി പറഞ്ഞു.

ശിവരഞ്​ജിത്തി​​​െൻറ വീട്ടിൽനിന്ന്​ പൊലീസ്​ കണ്ടെടുത്ത ഉത്തരക്കടലാസുകളിലൊന്ന്​ ബിരുദപരീക്ഷയുടെ രജിസ്​ട്രേഷൻ നമ്പർ എഴുതിയതായിരുന്നു. ഇ​തോടെയാണ്​ ബിരുദപരീക്ഷയിലും തട്ടിപ്പ്​ നടന്നതായി സംശയം ഉയർന്നത്​. ഇവർ പി.എസ്​.സി പരീക്ഷയിൽ നടത്തിയ തട്ടിപ്പ്​ പുറത്തുവന്നതോടെ മുഖം രക്ഷിക്കാൻ ശക്തമായ നടപടികൾ പി.എസ്​.സി ആരംഭിച്ചപ്പോൾ കേരള സർവകലാശാല ഒളിച്ചുകളി തുടരുകയാണ്​.

ശിവരഞ്​ജിത്തി​​​െൻറയും നസീമി​​​െൻറയും ബിരുദപരീക്ഷയുടെ ഉത്തരക്കടലാസുകൾ പരിശോധിച്ചാൽ സർവകലാശാലപരീക്ഷയിൽ തട്ടിപ്പ്​ നടത്തിയെങ്കിൽ പുറത്തുവരും. അങ്ങനെയെങ്കിൽ ഇവരുടെ ബിരുദവും റദ്ദാക്കേണ്ടിവരും. മാധ്യമപ്രവർത്തകരിൽനിന്ന്​ നിരന്തരം ചോദ്യം ഉയർന്നതോടെ ഇവരുടെ ബിരുദപരീക്ഷ മാർക്കുകളിൽ വ്യതിയാനം ഉണ്ടെങ്കിൽ ഉത്തരക്കടലാസുകൾ പരിശോധിക്കുമെന്ന്​ വൈസ്​ ചാൻസലർ അറിയിച്ചു.