കോപ്പി അടിച്ചെങ്കില്‍ അത് എൻെറ കഴിവ് -പി.എസ്.സി പരീക്ഷാ തട്ടിപ്പിലെ പ്രതി നസീം

തിരുവനന്തപുരം: ‘കോപ്പി അടിച്ചെങ്കില്‍ അത് തൻെറ കഴിവെന്ന്’ പി.എസ്‌.സി പരീക്ഷാ തട്ടിപ്പ് കേസിലെ പ്രതി നസീം. ഫേസ ്ബുക്കില്‍ പുതുതായി ചേര്‍ത്ത പ്രൊഫൈല്‍ ഫോട്ടോക്ക് താഴെയുള്ള കമൻറിലാണ് നസീം പരീക്ഷാ തട്ടിപ്പിലെ തൻെറ സാമര്‍ത്ഥ്യം പുറത്തുപറഞ്ഞത്.

‘തോല്‍ക്കാന്‍ മനസ്സില്ലെന്ന് ഞാന്‍ തീരുമാനിച്ച നിമിഷമായിരുന്നു. ഞാന്‍ ആദ്യമായി വിജയിച്ചത്’ എന്ന കുറിപ്പോടെ പോസ്റ്റ് ചെയ്ത ഫോട്ടോക്ക് താഴെ ‘കോപ്പിയടിക്കുന്നതിനാല്‍ എങ്ങിനെ തോല്‍ക്കുമെന്നുള്ള’ കമൻറിനുള്ള മറുപടിയായാണ് ‘കോപ്പി അടിച്ചെങ്കില്‍ അത് തൻെറ കഴിവെന്ന്’ നസീം എഴുതിയത്.

നേരത്തെ പൊലീസ് ചോദ്യം ചെയ്യലിലും പ്രതികള്‍ കോപ്പിയടിച്ച കാര്യം സമ്മതിച്ചിരുന്നു. യൂനിവേഴ്‌സിറ്റി കോളജ് വിദ്യാര്‍ത്ഥി അഖില്‍ ചന്ദ്രനെ കുത്തിയ കേസിലും പി.എസ്‌.സി പരീക്ഷാ തട്ടിപ്പ് കേസിലും പൊലീസ് കുറ്റപത്രം സമര്‍പ്പിക്കാതിരുന്നതോടെയാണ് നസീമും ശിവരഞ്ജിത്തും സ്വാഭാവിക ജാമ്യത്തില്‍ ജയില്‍ മോചിതരായത്.