നിയമന നിരോധന ഉത്തരവ്​ തൊട്ടുമുമ്പുള്ള ഒഴിവുക​ൾക്ക്​ ബാധകമല്ല -ഹൈകോടതി

കൊച്ചി: നേര​േത്ത റി​പ്പോർട്ട്​ ചെയ്യപ്പെട്ട ഒഴിവുകളിലെ​ നിയമന നടപടികൾ നിയമന നിരോധന ഉത്തരവി​​െൻറ പേരിൽ തട യാനാവില്ലെന്ന്​ ഹൈകോടതി. ഉത്തരവ്​ നിലവിൽ വന്നശേഷമുള്ള ഒഴിവുകൾക്കുമാത്രമാണ്​ നിയമന നിരോധനം ബാധകമാകൂവെന്ന് ​ ജസ്​റ്റിസ്​ വി. ചിദംബരേഷ്​, ജസ്​റ്റിസ്​ അശോക്​ മേനോൻ എന്നിവരടങ്ങിയ ഡിവിഷൻ ബെഞ്ച്​ വ്യക്തമാക്കി.

വൊക്ക േഷനൽ ഹയർ സെക്കൻഡറി വിദ്യാഭ്യാസ വകുപ്പിൽ ലബോറട്ടറി ടെക്​നിക്കൽ അസിസ്​റ്റൻറ്​-കൃഷി (നഴ്​സറി, മാനേജ്​മ​െൻറ്​, ഓറിയ​േൻറഷൻ ഗാർഡനിങ്​​) നിയമനം നിർത്തിവെച്ച നടപടിയിൽ ഇടപെടാൻ വിസമ്മതിച്ച കേരള അഡ്​മിനിസ​്​​േ​ട്രറ്റിവ്​ ട്രൈബ്യൂണൽ തീരുമാനം റദ്ദാക്കിയാണ്​ ഡിവിഷൻ ബെഞ്ച്​ ഉത്തരവ്​.

പി.എസ്​.സി തയാറാക്കിയ പട്ടികയിലെ 14ഉം 15ഉം റാങ്കുകാർ ജോലിയിൽ​ പ്രവേശിക്കാത്ത സാഹചര്യത്തിൽ ഈ ഒഴിവിലേക്ക്​ അടുത്ത റാങ്കുകാരെ നിയമിക്കാത്തത്​ ചോദ്യം ചെയ്​തായിരുന്നു കെ.എ.ടിയിലെ ഹരജി. 16ാം റാങ്കുകാരന്​ അർഹതയുണ്ടായിട്ടും നിയമനം നടത്ത​ാതെ വി.എച്ച്​.എസ്​.സികളിൽ നാഷനൽ സ്​കിൽ ക്വാളിഫിക്കേഷൻ ഫ്രെയിം വർക്ക്​ നടപ്പാക്കുന്നതുവരെ നിയമന നിരോധനം പ്രഖ്യാപിക്കുകയായിരുന്നു.

എന്നാൽ, ഈ നിരോധനം നിയമന നടപടികൾ ആരംഭിച്ച ഒഴിവുകൾക്ക്​​ ബാധകമല്ലെന്നും ഭാവിയിലെ ഒഴിവുകളിൽ നടപ്പാക്കാനേ കഴിയൂവെന്നുമുള്ള ഹരജിക്കാര​ുടെ വാദം ഡിവിഷൻ ബെഞ്ച്​ ശരി​െവച്ചു. റാങ്ക്​ പട്ടികയിലുള്ളവർ ജോലിയിൽ പ്രവേശിക്കാതിരിക്കെ ആ ഒഴിവുകൾ പുതുതായി കണക്കാക്കാനാവില്ല. അതിനാൽ, നിയമനത്തിന്​ യോഗ്യതയുള്ള 16ാം റാങ്കുകാരനെ നിയമിക്കണമെന്നും കോടതി നിർദേശിച്ചു.