സർക്കാർ തന്നെ ആസൂത്രിതമായി വേട്ടയാടുന്നു- ശ്രീധരൻപിള്ള

കോഴിക്കോട്: തന്നെ ആസൂത്രിതമായി വേട്ടയാടുകയാണെന്ന് ബി.ജെ.പി സംസ്ഥാന അധ്യക്ഷൻ പി.എസ് ശ്രീധരൻപിള്ള. വില്ലനായ രാഷ്ട്രീയക്കാരനായി അവതരിപ്പിച്ച് വ്യക്തിഹത്യ നടത്താനാണ് സർക്കാർ ശ്രമിക്കുന്നതെന്നും അദ്ദേഹം കോഴിക്കോട് ആരോപിച്ചു.

സി.പി.എം-കോൺഗ്രസ് ഒത്തുകളിയുടെ ഭാഗമായാണ് തനിക്കെതിരായ കേസ്. ഈ കേസ് നിലനിൽക്കില്ല. ശബരിമല സമരവുമായി മുന്നോട്ട് പോവും. സമരം കോടതി വിധിക്കെതിരെ അല്ല. നിരീശ്വരവാദികളായ സി.പി.എമ്മിന് എതിരാണെന്നും അദ്ദേഹം പറഞ്ഞു.