Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightചട്ടലംഘനം: നടപടി...

ചട്ടലംഘനം: നടപടി ശക്തമാക്കി മുഖ്യതെരഞ്ഞെടുപ്പ്​ ഒാഫിസർ

text_fields
bookmark_border
ചട്ടലംഘനം: നടപടി ശക്തമാക്കി മുഖ്യതെരഞ്ഞെടുപ്പ്​ ഒാഫിസർ
cancel

തിരുവനന്തപുരം: പെരുമാറ്റച്ചട്ടലംഘന പരാതികളിൽ സ്ഥാനാര്‍ഥികള്‍ക്കും നേതാക്കള്‍ക്കുമെതിരെ നടപടി ശക്തി​പ്പെ ടുത്തി മുഖ്യ തെരഞ്ഞെടുപ്പ് ഓഫിസര്‍ ടികാറാം മീണ. ബി.ജെ.പി ദേശീയ അധ്യക്ഷന്‍ അമിത് ഷാ, കണ്ണൂരിലെ യു.ഡി.എഫ്​ സ്​ഥാനാ ർഥി കെ. സുധാകരൻ, ആറ്റിങ്ങലി​െല ബി.ജെ.പി സ്​ഥാനാർഥി ശോഭാ സുരേന്ദ്രൻ എന്നിവർക്കെതി​രായ പരാതികളിലാണ്​ തുടർനടപടി. അമിത് ​ഷായുടെ പ്രസംഗത്തിനെതിരെ മുസ്​ലിംലീഗ്​ നൽകിയ പരാതി കേന്ദ്ര തെരഞ്ഞെടുപ്പ്​ കമീഷന്​ അയച്ചു.

വയനാട ിനെ പാകിസ്​താനോട്​ ഉപമിച്ചതിനെതിരെയായിരുന്നു ലീഗി​​െൻറ പരാതി. രാഹുൽ ഗാന്ധിയുടെ വയനാട്​ റോഡ്​ ഷോയിൽ ലീഗ്​ പതാകകൾ കണ്ടതുമായി ബന്ധപ്പെട്ടായിരുന്നു അമിത്​ ഷായുടെ പരാമർശം. കണ്ണൂരിലെ ഇടത്​ സ്ഥാനാർഥി ശ്രീമതിക്കെതിരായ വി ഡിയോയുമായി ബന്ധപ്പെട്ട്​ നടപടി സ്വീകരിക്കാൻ കണ്ണൂർ കലക്​ടർക്ക്​ നിർദേശം നൽകി. വിഡിയോ സ്ത്രീത്വത്തെ അപമാനിക ്കുന്നതാണെന്ന നിഗമനത്തെ തുടർന്നാണിത്​. ‘ഒാളെ പഠിപ്പിച്ച്​ ടീച്ചറാക്കിയത്​ വെറുതെയായി’ എന്ന പരാമർശവും വിവാദ മായിരുന്നു. കെ. സുധാകരനാണ്​ വിഡിയോ പോസ്​റ്റ്​ ചെയ്​തത്​. ഇൗ വിഷയത്തിൽ വനിതാ കമീഷനും കേസെടുത്തു.

ആറ്റി ങ്ങലില്‍ എൻ.ഡി.എ സ്ഥാനാർഥി ശോഭാ സുരേന്ദ്രന്‍ മുഖ്യ​െതരഞ്ഞെടുപ്പ് ഓഫിസര്‍ക്കെതിരെ പ്രസംഗിച്ച സംഭവത്തില്‍ പൊലീസ് മേധാവിയോടും കലക്ടറോടും റിപ്പോര്‍ട്ട് തേടി. ശോഭാ സുരേന്ദ്ര​​െൻറ പ്രസംഗത്തി‍​െൻറ വിഡിയോ 16ന് ബി.ജെ.പി തിരുവനന്തപുരം ജില്ലാ കമ്മിറ്റിയുടെ ഫേസ്ബുക്ക്​ പേജില്‍ പോസ്​റ്റ്​ ചെയ്​തിരുന്നു. ഇതേക്കുറിച്ച് അന്വേഷിച്ച് റിപ്പോര്‍ട്ട് നല്‍കണം എന്നാണ് മുഖ്യ തെരഞ്ഞെടുപ്പ് ഓഫിസര്‍ ആവശ്യപ്പെട്ടിരിക്കുന്നത്. മുഖ്യതെരഞ്ഞെടുപ്പ്​ ഒാഫിസർ സർക്കാറി​​െൻറ ചട്ടുകമായി പ്രവർത്തിക്കുന്നെന്നും ശബരിമലയെക്കുറിച്ച്​ മിണ്ടരുതെന്നാണ്​ പറയുന്നതെന്നും പറഞ്ഞാൽ തൂക്കിക്കൊല്ലുമോ എന്നുമായിരുന്നു ശോഭ സുരേന്ദ്ര​​െൻറ പരാമർശം.അതേസമയം, മുഖ്യ തെരഞ്ഞെടുപ്പ് ഉദ്യോഗസ്ഥന്‍ അധികാരപരിധി ലംഘിച്ച് സൂപ്പര്‍ ഗവണ്‍മ​െൻറ്​ ചമയുകയാണെന്ന് ബി.ജെ.പി ആരോപിച്ചു.


ശ്രീധരൻ പിള്ളയുടേത്​ ചട്ടലംഘനമെന്ന്​ തെര.​ കമീഷൻ ഹൈകോടതിയിൽ
കൊച്ചി: മുസ്​ലിം സമുദായത്തെക്കുറിച്ച ബി.ജെ.പി സംസ്ഥാന പ്രസിഡൻറ്​ പി.എസ്.​ ശ്രീധരൻ പിള്ളയുടെ പരാമർശം പ്രഥമദൃഷ്​ട്യാ തെരഞ്ഞെടുപ്പ്​ ചട്ടലംഘനമെന്ന്​ തെരഞ്ഞെടുപ്പ്​ കമീഷൻ ഹൈകോടതിയിൽ. ഇക്കാര്യം വ്യക്തമാക്കി മുഖ്യതെരഞ്ഞെടുപ്പ്​ ഓഫിസർ കേന്ദ്ര തെരഞ്ഞെടുപ്പ്​ കമീഷന്​ കത്തയച്ചിട്ടുണ്ടെന്നും പിള്ളക്കെതിരെ നടപടിക്ക്​ ശിപാർശ ചെയ്​തിട്ടു​ണ്ടെന്നും കമീഷ​​ൻ അഭിഭാഷകൻ അറിയിച്ചു. വര്‍ഗീയപരാമര്‍ശത്തിൽ നടപടി ആവശ്യപ്പെട്ട് ആറ്റിങ്ങലിലെ എൽ.ഡി.എഫ് സ്ഥാനാര്‍ഥിയുടെ മുഖ്യ തെര​െഞ്ഞടുപ്പ്​ ഏജൻറ്​ വി. ശിവന്‍കുട്ടി നല്‍കിയ ഹരജിയിലാണ്​ വിശദീകരണം. വിശദീകരണത്തെത്തുടർന്ന്​ ഹരജി കോടതി തീർപ്പാക്കി.

തെരഞ്ഞെടുപ്പ് കമീഷനില്‍ പരാതി നല്‍കിയിട്ടും നടപടിയുണ്ടായില്ലെന്നായിരുന്നു ഹരജിക്കാര​​െൻറ വാദം. നിയമപരമായ ഉത്തരവാദിത്തത്തി​​െൻറ ലംഘനമാണിത്​. സുപ്രീംകോടതിയുടെ താക്കീത് ലഭിച്ചപ്പോള്‍ മാത്രമാണ് കഴിഞ്ഞദിവസം തെരഞ്ഞെടുപ്പ് കമീഷന്‍ സമാന കുറ്റം ചെയ്തവര്‍ക്കെതിരെ നടപടിയെടുത്തത്. ഈ സാഹചര്യത്തിൽ മാതൃക പെരുമാറ്റച്ചട്ടം ലംഘിച്ചതിന് ശ്രീധരന്‍ പിള്ളക്കെതിരെ നടപടിയെടുക്കാന്‍ മുഖ്യ തെരഞ്ഞെടുപ്പ്​ കമീഷണര്‍ക്കും ചീഫ് ഇലക്ടറല്‍ ഓഫിസര്‍ക്കും നിര്‍ദേശം നല്‍കണമെന്നായിരുന്നു ഹരജിയിലെ ആവശ്യം.

ജനപ്രാതിനിധ്യ നിയമത്തിലെ 123(3എ), 125 വകുപ്പുകള്‍ ശ്രീധരന്‍ പിള്ള ലംഘിച്ചതായാണ്​ തെരഞ്ഞെടുപ്പ്​ കമീഷ​​െൻറ പ്രഥമദൃഷ്​ട്യായുള്ള കണ്ടെത്തൽ. ശ്രീധരൻ പിള്ള പ്രസംഗിച്ച യോഗത്തിന്​ അനുമതിയുണ്ടായിരുന്നുമില്ല. ഇക്കാര്യങ്ങൾ വ്യക്തമാക്കിയാണ്​ മുഖ്യ തെരഞ്ഞെടുപ്പ്​ ഓഫിസർ ടിക്കാറാം മീണ ഡെപ്യൂട്ടി തെരഞ്ഞെടുപ്പ്​ കമീഷണര്‍ സുദീപ് ജയിനിന് കത്തയച്ചത്​. ഉചിത നടപടിക്കും ശിപാർശ ചെയ്​തിട്ടുണ്ട്​. കത്തി​​െൻറ പകർപ്പും കമീഷന്‍ കോടതിയിൽ ഹാജരാക്കി.

അതേസമയം, ശ്രീധരൻ പിള്ളക്കെതിരെ കേസെടുക്കണമെന്നാവ​ശ്യപ്പെട്ട്​ വി. ശിവന്‍കുട്ടി നൽകിയ മറ്റൊരു ഹരജിയിൽ ഹൈകോടതി പൊലീസിനോട്​ വിശദീകരണം തേടി.​ കേസെടുക്കാൻ പൊലീസിന് നിർദേശം നൽകണമെന്നും അന്വേഷണം പ്രത്യേക സംഘത്തിനോ ക്രൈംബ്രാഞ്ചിനോ കൈമാറണമെന്നുമാണ്​ ഹരജിയിലെ ആവശ്യം.


ശ്രീധരന്‍ പിള്ളയെ വിലക്കണമെന്ന് ചെന്നിത്തല
തിരുവനന്തപുരം: മതസ്പർധ വളര്‍ത്തുന്ന രീതിയില്‍ വിദ്വേഷപരാമര്‍ശം നടത്തിയ ബി.ജെ.പി സംസ്ഥാന അധ്യക്ഷന്‍ ശ്രീധരന്‍ പിള്ളയെ പ്രചാരണപരിപാടികളില്‍ നിന്ന് വിലക്കണമെന്ന് പ്രതിപക്ഷനേതാവ് രമേശ് ചെന്നിത്തല സംസ്ഥാന തെരഞ്ഞെടുപ്പ് കമീഷനോട് ആവശ്യപ്പെട്ടു. അദ്ദേഹത്തിനെതിരെ ​െഎ.പി.സി 153ാം വകുപ്പനുസരിച്ച്​ കേസെടുക്കണമെന്നും ചെന്നിത്തല ആവശ്യപ്പെട്ടു.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:P S Sreedharan PillaiSreedharan Pillaimalayalam news onlinekerala political newskerala election newsLok Sabha Electon 2019
News Summary - PS Sreedharan Pillai BJP -Kerala News
Next Story