കോൺഗ്രസ്​ പുറത്താക്കിയ പി.എസ്​. പ്രശാന്ത്​ സി.പി.എമ്മിൽ

തിരുവനന്തപുരം: കോൺ​ഗ്രസ്​ നേതൃത്വത്തിനെതിരെ പരസ്യ പ്രതികരണം നടത്തിയതിന്​ പാർട്ടിയിൽനിന്ന്​ പുറത്താക്കപ്പെട്ട കെ.പി.സി.സി മുൻ സെക്രട്ടറിയും നെടുമങ്ങാ​െട്ട യു.ഡി.എഫ്​ സ്​ഥാനാർഥിയുമായിരുന്ന പി.എസ്​. പ്രശാന്ത്​ സി.പി.എമ്മിൽ ചേർന്നു. പാർട്ടി ആസ്ഥാനമായ എ.കെ.ജി സെൻററിൽ നേരിട്ടെത്തിയാണ് സി.പി.എമ്മിൽ ചേരുന്ന തീരുമാനം പ്രശാന്ത് മാധ്യമങ്ങളെ അറിയിച്ചത്​. സി.പി.എം ആക്​ടിങ്​ സെക്രട്ടറി എ. വിജയരാഘവൻ ഷാൾ അണിയിച്ച്​ സ്വീകരിച്ചു.

Also Read:പ്രശ്​നങ്ങളുടെ മൂല കാരണം കെ.സി വേണുഗോപാൽ; 'കമ്മിറ്റ്​മെന്‍റ്​' ഉള്ളവരെ മാത്രമാണ്​ പട്ടികയിലുൾപ്പെടുത്തിയതെന്ന്​ പി.എസ്​ പ്രശാന്ത്​

എ. വിജയരാ​ഘവ​െൻറ വാർത്തസമ്മേളനത്തി​െൻറ അവസാനഘട്ടത്തിലാണ്​ പ്രശാന്തിനെ സി.പി.എമ്മിലേക്ക് വരവേൽക്കുന്നതായുള്ള പ്രഖ്യാപനമുണ്ടായത്. പിന്നാലെ ജില്ല സെക്രട്ടറി ആനാവൂ‍ർ നാ​ഗപ്പനൊപ്പം പി.എസ്. പ്രശാന്ത് കോൺഫറൻസ് ഹാളിലേ​െക്കത്തി. ജനാധിപത്യമില്ലാത്ത പ്രസ്​ഥാനമായി കോൺഗ്രസ്​ മാറിയെന്ന്​ പ്രശാന്ത്​ പ്രതികരിച്ചു. കോൺ​ഗ്രസി​െൻറ മതനിര​േപക്ഷതയിൽ ഉത്​​കണ്​ഠയുള്ളതിനാലാണ്​ താൻ രാഹുൽ ഗാന്ധിക്ക്​ കത്തയച്ചതെന്നും അതി​െൻറ പേരിലാണ്​ തന്നെ പുറത്താക്കിയതെന്നും പ്രശാന്ത്​ കൂട്ടിച്ചേർത്തു.

Also Read:കോൺഗ്രസിനെതിരെ ആരോപണം ഉന്നയിച്ച പി.എസ്​ പ്രശാന്തിന്​ സസ്​പെൻഷൻ

മനഃസമാധാന​േത്താടെ രാഷ്​ട്രീയ പ്രവർത്തനം നടത്താനാണ്​ താൻ സി.പി.എമ്മി​ൽ ചേർന്നത്​. ഒരു ഉപാധിയുമില്ലാതെയാണ്​ ഇവിടെ എത്തിയത്​. പാർട്ടി ഏൽപ്പിക്കുന്ന ഏത്​ ചുമതലയും സ്വീകരിക്കും. ജനങ്ങൾക്കൊപ്പം നിലനിൽക്കുന്ന പാർട്ടിയെന്ന നിലക്കാണ്​ സി.പി.എമ്മിലെത്തിയതെന്നും പ്രശാന്ത്​ കൂട്ടിച്ചേർത്തു.

Also Read:നെടുമങ്ങാട്​ യു.ഡി.എഫ്​ സ്ഥാനാർഥിയായിരുന്ന പി.എസ്​.പ്രശാന്തിനെ കോൺഗ്രസ്​ പുറത്താക്കി

തുടർന്ന്​ എ.കെ.ജി സെൻററിലുണ്ടായിരുന്ന ഡി.വൈ.എഫ്​.​െഎ സംസ്​ഥാന സെക്രട്ടറി എ.എ. റഹിം ഉൾപ്പെടെ നേതാക്കളുമായും പ്രശാന്ത്​ ഭാവി കാര്യങ്ങൾ ചർച്ച ചെയ്​തു.