ഇല്ലാത്ത കാര്യങ്ങൾ പറഞ്ഞ് ജനത്തെ വഞ്ചിക്കാനാവില്ല എന്നതിന് തെളിവാണ് ഈ വിജയമെന്ന് കെ.കെ ശൈലജ

കണ്ണൂർ: നിയമസഭാ തെരഞ്ഞെടുപ്പിലെ വന്‍ വിജയം അഭിമാനകരമാണെന്ന് മന്ത്രി കെ. കെ ശൈലജ. ഇല്ലാത്ത കാര്യങ്ങള്‍ പറഞ്ഞ് ജനങ്ങളെ എല്ലായ്‌പ്പോഴും വഞ്ചിക്കാന്‍ കഴിയില്ലെന്നതിന്റെ തെളിവാണ് ഈ വിജയം. കരുത്തോടെയാണ് പിണറായി വിജയന്‍ കേരളത്തെ നയിച്ചതെന്നും കെ.കെ ശൈലജ പറഞ്ഞു.

നൂറിനടുത്ത് സീറ്റ് ലഭിക്കുമെന്ന് മുഖ്യമന്ത്രി തന്നെ പറഞ്ഞിരുന്നു. ജനങ്ങൾ എല്‍.ഡി.എഫിനൊപ്പമുണ്ടെന്നതിന്റെ സൂചനയാണിത്. എൽ.ഡി.എഫിന്‍റെ പ്രവര്‍ത്തനങ്ങള്‍ ജനങ്ങളുടെ മുന്നിലുണ്ട്. അത് ഏത് പ്രതിസന്ധി ഘട്ടങ്ങളിലും കൂടെ നിന്നു. കരുത്തോടൊണ് പിണറായി നയിച്ചത്.