വണ്ടിപ്പെരിയാർ പീഡനക്കൊല: പൊലീസ് ​സ്റ്റേഷനിലേക്ക് വായ് മൂടിക്കെട്ടി മാർച്ച്

കു​മ​ളി: വ​ണ്ടി​പ്പെ​രി​യാ​ർ ചു​ര​ക്കു​ളം എ​സ്റ്റേ​റ്റ് ല​യ​ത്തി​ൽ ആ​റു​വ​യ​സ്സു​കാ​രി​യെ ലൈം​ഗി​ക​മാ​യി പീ​ഡി​പ്പി​ച്ച്​ കൊ​ന്ന കേ​സി​ൽ പ്ര​തി​യെ വെ​റു​തെ​വി​ട്ട വി​ധി​ക്ക്​ പി​ന്നാ​ലെ കു​ട്ടി​യു​ടെ മാ​താ​പി​താ​ക്ക​ളും നാ​ട്ടു​കാ​രു​മ​ട​ക്കം സ​മ​ര​വു​മാ​യി രം​ഗ​ത്ത്.

കോ​ട​തി വി​ധി​യി​ൽ പ്ര​തി​ഷേ​ധി​ച്ച് ശ​നി​യാ​ഴ്ച വ​ണ്ടി​പ്പെ​രി​യാ​ർ പൊ​ലീ​സ്​ സ്റ്റേ​ഷ​നി​ലേ​ക്ക് ബാ​ലി​ക​യു​ടെ മാ​താ​പി​താ​ക്ക​ളും എ​സ്​​റ്റേ​റ്റ്​ ​തൊ​ഴി​ലാ​ളി​ക​ളും നാ​ട്ടു​കാ​രും വാ​യ് മൂ​ടി​ക്കെ​ട്ടി മാ​ർ​ച്ച്​ ന​ട​ത്തി.

മാ​താ​പി​താ​ക്ക​ൾ​ക്കൊ​പ്പം തോ​ട്ടം തൊ​ഴി​ലാ​ളി​ക​ളാ​യ സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ നാ​ട്ടു​കാ​രു​ടെ വ​ലി​യ സം​ഘ​മാ​ണ് വ​ണ്ടി​പ്പെ​രി​യാ​ർ സ്റ്റേ​ഷ​ൻ ഉ​പ​രോ​ധി​ച്ച​ത്. കോ​ട​തി വി​ധി റ​ദ്ദാ​ക്കു​ക, പ്ര​തി​യെ അ​റ​സ്റ്റ് ചെ​യ്യു​ക, മ​രി​ച്ച ബാ​ലി​ക​യു​ടെ കു​ടും​ബ​ത്തി​ന് നീ​തി ഉ​റ​പ്പാ​ക്കു​ക തു​ട​ങ്ങി​യ പ്ല​ക്കാ​ർ​ഡു​ക​ളു​മേ​ന്തി​യാ​യി​രു​ന്നു പ്ര​തി​ഷേ​ധം. ഇ​തി​നി​ടെ, പ്ര​തി​യു​ടെ വീ​ട്ടി​ലേ​ക്ക് മാ​ർ​ച്ച് ന​ട​ത്താ​നു​ള്ള നാ​ട്ടു​കാ​രു​ടെ നീ​ക്കം പൊ​ലീ​സ് ഇ​ട​പെ​ട്ട് ത​ട​ഞ്ഞു.

അ​ന്വേ​ഷ​ണ​സം​ഘം ന​ൽ​കി​യ തെ​ളി​വു​ക​ളും മൊ​ഴി​ക​ളും കോ​ട​തി വേ​ണ്ട​വി​ധം പ​രി​ശോ​ധി​ച്ചി​ല്ലെ​ന്ന്​ ബാ​ലി​ക​യു​ടെ പി​താ​വ്​ മാർച്ചിന് ശേഷം പ​റ​ഞ്ഞു.

കോ​ട​തി വി​ധി​യി​ലു​ള്ള നീ​തി​നി​ഷേ​ധം മ​റ​യ്ക്കാ​നാ​ണ് അ​ന്വേ​ഷ​ണ​സം​ഘ​ത്തെ ബ​ലി​യാ​ടാ​ക്കു​ന്ന​തെ​ന്നും കു​ട്ടി മ​രി​ച്ച​ശേ​ഷം ഏ​റെ വൈ​കാ​തെ വ​ണ്ടി​പ്പെ​രി​യാ​ർ പൊ​ലീ​സ്​ ന​ട​പ​ടി​ക​ൾ സ്വീ​ക​രി​ച്ചി​രു​ന്ന​താ​യും പി​താ​വ് പ​റ​ഞ്ഞു. കേ​സി​ൽ ബാ​ഹ്യ​ശ​ക്തി​ക​ളു​ടെ ഇ​ട​പെ​ട​ൽ സം​ശ​യി​ക്കു​ന്ന​താ​യി സി.​പി.​ഐ ആ​രോ​പി​ച്ചു.

പീഡനക്കൊല: അടുത്തയാഴ്ച ആദ്യം അപ്പീൽ

ഇ​ടു​ക്കി: വ​ണ്ടി​പ്പെ​രി​യാ​റി​ൽ ആ​റു​വ​യ​സ്സു​കാ​രി​യെ പീ​ഡി​പ്പി​ച്ചു​കൊ​ന്ന കേ​സി​ലെ പ്ര​തി​യെ വെ​റു​തെ​വി​ട്ട വി​ധി​ക്കെ​തി​രെ അ​ടു​ത്ത ആ​ഴ്ച ആ​ദ്യം പൊ​ലീ​സ് അ​പ്പീ​ൽ ന​ൽ​കും. വി​ധി റ​ദ്ദ് ചെ​യ്യ​ണ​മെ​ന്ന ആ​വ​ശ്യ​വും ഉ​ന്ന​യി​ക്കും. കേ​സ് ഫ​യ​ലു​ക​ൾ സ്‌​പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ, ഡ​യ​റ​ക്ട​ർ ജ​ന​റ​ൽ ഓ​ഫ് പ്രോ​സി​ക്യൂ​ഷ​ന് കൈ​മാ​റി. ഡി.​ജി.​പി​യു​ടെ ഓ​ഫി​സി​ൽ​നി​ന്നു​ള്ള നി​യ​മ​വി​ദ​ഗ്​​ധ​ർ പ​രി​ശോ​ധി​ച്ച് അ​പ്പീ​ൽ ത​യാ​റാ​ക്കും. വി​ധി​ന്യാ​യ​ത്തി​ൽ അ​പ്പീ​ലി​നു​ള്ള സാ​ധ്യ​ത​ക​ൾ ക​ണ്ടെ​ത്തു​ന്ന​തി​നാ​ണ് നി​യ​മ​വി​ദ​ഗ്ധ​ർ പ​രി​ശോ​ധി​ക്കു​ന്ന​ത്.