കേന്ദ്രത്തി​െൻറ ചാര നിരീക്ഷണം: മൗലികാവകാശത്തി​െനതിര്​ -മുഖ്യമന്ത്രി

തിരുവനന്തപുരം: പൗരന്മാരെ ചാരക്കണ്ണുകളോടെ നിരീക്ഷിക്കാനുള്ള കേ​ന്ദ്ര നീക്കത്തിനെതിരെ വ്യാപക പ്രതിഷേധം. പൗ ര‍​​​​െൻറ കമ്പ്യൂട്ടറിലെയും മൊബൈല്‍ ഫോണിലെയും വിവരങ്ങള്‍ നിരീക്ഷിക്കാനും പിടിച്ചെടുക്കാനും പത്ത്​ സുരക്ഷ, രഹസ്യാന്വേഷണ ഏജന്‍സികള്‍ക്ക് അധികാരം നല്‍കി കേന്ദ്ര ആഭ്യന്തര മന്ത്രാലയം പുറപ്പെടുവിച്ച ഉത്തരവ് പൗരസ്വാതന്ത ്ര്യത്തിനും സ്വകാര്യതക്കുള്ള മൗലികാവകാശത്തിനും എതിരാണെന്ന് മുഖ്യമന്ത്രി പിണറായി വിജയന്‍ പറഞ്ഞു.

ഉത്തരവി‍​​​െൻറ പരിധിയില്‍നിന്ന് മാധ്യമങ്ങളോ ജനപ്രതിനിധികളോ ജുഡീഷ്യറിയോ പോലും ഒഴിവാകില്ല. അപ്രഖ്യാപിത അടിയന്തരാവസ്ഥയിലേക്കാണ് കേന്ദ്രസര്‍ക്കാര്‍ രാജ്യത്തെ കൊണ്ടുപോകുന്നതെന്ന അപകടസൂചനയാണ് ഇത്​ നല്‍കുന്നത്. ആര്‍.എസ്.എസിനോടും ബി.ജെ.പിയോടും വിയോജിക്കുന്നവരുടെ പൗരാവകാശങ്ങള്‍ ഹനിക്കാനും മാധ്യമസ്വാതന്ത്ര്യത്തിന് കൂച്ചുവിലങ്ങിടാനും ഉദ്ദേശിച്ച് കൊണ്ടുവന്ന ഉത്തരവ് പിന്‍വലിപ്പിക്കാന്‍ ജനാധിപത്യ വിശ്വാസികള്‍ രംഗത്തുവരണമെന്ന് അദ്ദേഹം പറഞ്ഞു.

സ്വകാര്യതയിലേക്കുള്ള കടന്നുകയറ്റം -രമേശ് ചെന്നിത്തല
കേന്ദ്ര ആഭ്യന്തര മന്ത്രാലയത്തി​​​​െൻറ തീരുമാനം പൗര​​​​െൻറ സ്വകാര്യതയിലേക്കുള്ള കടന്നുകയറ്റമാണെന്ന് പ്രതിപക്ഷനേതാവ് രമേശ് ചെന്നിത്തല. സ്വകാര്യത മൗലികാവകാശമാണെന്ന് സുപ്രീംകോടതി വ്യക്തമാക്കിയത് അടുത്തകാലത്താണ്. അതിനെ ഹനിക്കുന്നതാണ് ഉത്തരവ്. ബി.ജെ.പിയുടെ ഏകാധിപത്യ സ്വഭാവമാണ് ഇവിടെ വീണ്ടും തെളിയുന്നത്. ഈ കരിനിയമത്തിനെതിരെ ജനാധിപത്യ വിശ്വാസികള്‍ രംഗത്തിറങ്ങണമെന്ന്​ അദ്ദേഹം ആവശ്യപ്പെട്ടു.