കോഴിക്കോട്ട് മന്ത്രി ശിവൻകുട്ടിക്ക് നേരെ പ്രതിഷേധം; യുവമോർച്ച-എസ്.എഫ്.ഐ പ്രവർത്തകർ ഏറ്റുമുട്ടി

കോഴിക്കോട്: ഭാരതാംബ വിവാദത്തിൽ വിദ്യാഭ്യാസ മന്ത്രി വി. ശിവൻകുട്ടിക്ക് നേരെ യുവമോർച്ചയുടെ കരിങ്കൊടി പ്രതിഷേധം. കോഴിക്കോട് തളിയിലെ ജൂബിലി ഹാളിൽ പരിപാടിയിൽ പങ്കെടുക്കാനെത്തിയപ്പോഴാണ് യുവമോർച്ച പ്രവർത്തകർ കരിങ്കൊടി കാണിച്ചത്.

എന്നാൽ, അവിടെയുണ്ടായിരുന്ന എസ്.എഫ്.ഐ പ്രവർത്തകർ ഇത് ചോദ്യം ചെയ്യുകയും തുടർന്ന് ഇരുവിഭാഗവും തമ്മിൽ സംഘർഷമുണ്ടാവുകയുമായിരുന്നു. തുടർന്ന് പൊലീസെത്തി ഇരു വിഭാഗത്തെയും പിടിച്ചുമാറ്റുകയായിരുന്നു. എന്നാൽ പിന്നീടും യുവമോർച്ച പ്രവർത്തകർ പരിസരത്ത് കൂടി നിന്നത് പൊലീസ് വിരട്ടി ഓടിച്ചു.

കഴിഞ്ഞ വ്യാഴാഴ്ച രാ​ജ്​​ഭ​വ​നി​ലെ സ​ർ​ക്കാ​ർ പ​രി​പാ​ടി​യി​ൽ വീ​ണ്ടും ആ​ർ.​എ​സ്.​എ​സി​​​ന്‍റെ കാ​വി​ക്കൊ​ടി​യേ​ന്തി​യ ഭാ​ര​താം​ബ ചി​ത്രം ഇ​ടം​പി​ടി​ച്ചതിനെ തു​ട​ർ​ന്ന്,​ ശ​ക്ത​മാ​യ പ്ര​തി​ഷേ​ധ​മ​റി​യി​ച്ച്​ നിലപാട് വ്യക്തമാക്കി വി​ദ്യാ​ഭ്യാ​സ​മ​ന്ത്രി വി. ​ശി​വ​ൻ​കു​ട്ടി ച​ട​ങ്ങി​ൽ നി​ന്ന്​ ഇ​റ​ങ്ങി​പ്പോ​യിരുന്നു.

സ്കൗ​ട്ട്​ ആ​ൻ​ഡ്​ ഗൈ​ഡ്​​സി​ന്‍റെ രാ​ജ്യ​പു​ര​സ്കാ​ർ സ​ർ​ട്ടി​ഫി​ക്ക​റ്റ്​ ദാ​ന ച​ട​ങ്ങി​ലാ​ണ്​ പ്ര​തി​ഷേ​ധ​മു​ണ്ടാ​യ​ത്​. പ​രി​പാ​ടി​ക്കെ​ത്തി​യ കു​ട്ടി​ക​ളി​ൽ വ​ർ​ഗീ​യ​ത തി​രു​കി​ക്ക​യ​റ്റാ​ൻ ശ്ര​മി​ച്ചെ​ന്നും രാ​ജ്​​ഭ​വ​ൻ ഒ​രു രാ​ഷ്ട്രീ​യ പാ​ർ​ട്ടി​യു​ടെ​യും കു​ടും​ബ​സ്വ​ത്ത​ല്ലെ​ന്നും മ​ന്ത്രി ഗ​വ​ർ​ണ​ർ​ക്കെ​തി​രെ മാ​ധ്യ​മ​ങ്ങ​ൾ​ക്കു​മു​ന്നി​ൽ ക​ടു​ത്ത വി​മ​ർ​ശ​ന​വും ന​ട​ത്തി.

കോഴിക്കോട്ട് യുവമോർച്ച പ്രവർത്തകരെ എസ്.എഫ്.ഐക്കാർക്ക് മർദിക്കാനായി പൊലീസുകാർ ഇട്ടുകൊടുക്കുകയായിരുന്നുവെന്ന് ബി.ജെ.പി നേതാക്കൾ ആരോപിച്ചു. ചായ കുടിക്കാൻ പോയ പ്രവർത്തകരെയാണ് മർദിച്ചത് എന്ന് കോഴിക്കോട് ജില്ലാ അധ്യക്ഷൻ കെ.പി. പ്രകാശ് ബാബു പറഞ്ഞു.

എന്നാൽ, ‘എ.ബി.വി.പി വിദ്യാർഥികൾ ദേശീയ പതാക വലിച്ചു കീറി. തന്റെ കാറിന് മുൻപിൽ ചാടി വീണ പ്രവർത്തകരെ അയച്ചത് രാജ്ഭവൻ നിയന്ത്രിക്കുന്ന ആർ.എസ്.എസ് ആണെന്നും’ മന്ത്രി വി.ശിവൻ കുട്ടി പറഞ്ഞു.