പെ​രു​മ്പാ​വൂരിൽ ഷെഡുകളിൽ സൂക്ഷിച്ച നിരോധിത പുകയില ഉൽപന്നങ്ങൾ പിടികൂടി

ന​ഗ​ര​സ​ഭ​യു​ടെ നേ​തൃ​ത്വ​ത്തി​ല്‍ പൊ​ലീ​സും എ​ക്‌​സൈ​സും ചേ​ർ​ന്നാ​ണ്​ പ​രി​ശോ​ധ​ന ന​ട​ത്തി​യ​ത്

പെ​രു​മ്പാ​വൂ​ര്‍: അ​ന​ധി​കൃ​ത ഷെ​ഡു​ക​ളി​ല്‍ സൂ​ക്ഷി​ച്ച നി​രോ​ധി​ത പു​ക​യി​ല ഉ​ൽ​പ​ന്ന​ങ്ങ​ള്‍ പി​ടി​കൂ​ടി. പി.​പി റോ​ഡ്, പ്രൈ​വ​റ്റ് ബ​സ്​ സ്​​റ്റാ​ൻ​ഡ്​ റോ​ഡ് എ​ന്നി​വി​ട​ങ്ങ​ളി​ല്‍ മു​നി​സി​പ്പ​ല്‍ ചെ​യ​ര്‍മാ​ന്‍ ടി.​എം. സ​ക്കീ​ര്‍ ഹു​സൈ​െൻറ മേ​ല്‍നോ​ട്ട​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ്​ ര​ണ്ട് ലോ​ഡ്​ സാ​ധ​ന​ങ്ങ​ൾ ക​ണ്ടെ​ടു​ത്ത​ത്.

ന​ഗ​ര​സ​ഭ​യു​ടെ നേ​തൃ​ത്വ​ത്തി​ല്‍ പൊ​ലീ​സും എ​ക്‌​സൈ​സും ചേ​ർ​ന്നാ​ണ്​ ഷെ​ഡു​ക​ളു​ടെ താ​ഴ് പൊ​ളി​ച്ച് ഹാ​ന്‍സ്, പാ​ന്‍പ​രാ​ഗ് ഉ​ള്‍പ്പെ​ടെ പി​ടി​കൂ​ടി​യ​ത്.

പെ​രു​മ്പാ​വൂ​ര്‍ ടൗ​ണി​ല്‍ പു​ക​യി​ല ഉ​ൽ​പ​ന്ന​ങ്ങ​ള്‍ സൂ​ക്ഷി​ക്കു​ന്ന താ​ല്‍ക്കാ​ലി​ക ഷെ​ഡു​ക​ളും മു​റി​ക​ളും നി​ര​വ​ധി​യാ​ണ്. അ​ട​ച്ചു​പൂ​ട്ടി​യി​ട്ടി​രി​ക്കു​ന്ന ഇ​വ​യി​ല്‍ പു​ല​ര്‍ച്ച തി​ര​ക്കൊ​ഴി​ഞ്ഞ സ​മ​യ​ങ്ങ​ളി​ലാ​ണ് സാ​ധ​ന​ങ്ങ​ള്‍ കൊ​ണ്ടു​വ​ന്ന് ഇ​റ​ക്കു​ന്ന​ത്. ഷെ​ഡു​ക​ളു​ടെ ഉ​ട​മ​സ്ഥാ​വ​കാ​ശം സം​ബ​ന്ധി​ച്ച വി​വ​ര​ങ്ങ​ള്‍പോ​ലും അ​ധി​കൃ​ത​രു​ടെ പ​ക്ക​ലി​ല്ല. വ​ര്‍ഷ​ങ്ങ​ളാ​യി ഇ​ത്​ തു​ട​രു​ന്നു​ണ്ടെ​ങ്കി​ലും രാ​ഷ്​​ട്രീ​യ ഇ​ട​പെ​ട​ലി​ല്‍ ന​ട​പ​ടി​യെ​ടു​ക്കാ​റി​ല്ലെ​ന്ന്​ ആ​ക്ഷേ​പ​മു​ണ്ട്.

ന​ഗ​ര​സ​ഭ ഹെ​ല്‍ത്ത് സൂ​പ്പ​ര്‍വൈ​സ​ര്‍ സ​ഞ്ജ​യ് കു​മാ​ര്‍, ഹെ​ല്‍ത്ത് ഇ​ന്‍സ്‌​പെ​ക്ട​ര്‍മാ​രാ​യ കെ.​എ. തോ​മ​സ്, അ​നൂ​പ് കു​മാ​ര്‍, പൊ​ലീ​സ് ഇ​ന്‍സ്‌​പെ​ക്ട​ര്‍ രാ​ഹു​ല്‍ ര​വീ​ന്ദ്ര​ന്‍, എ​സ്.​ഐ ജോ​ഷി പോ​ള്‍, എ​ക്‌​സൈ​സ് പ്രി​വ​ൻ​റി​വ് ഓ​ഫി​സ​ര്‍ ജോ​യി വ​ര്‍ഗീ​സ്, ഗ്രേ​ഡ് പ്രി​വ​ൻ​റി​വ് ഓ​ഫി​സ​ര്‍ ജോ​ണ്‍സ​ണ്‍ തു​ട​ങ്ങി​യ​വ​ര്‍ പ​രി​ശോ​ധ​ന​യി​ല്‍ പ​ങ്കെ​ടു​ത്തു.