സീ​നി​യോ​റി​റ്റി അം​ഗീ​ക​രി​ച്ച് സ്ഥാ​ന​ക്ക​യ​റ്റത്തിന്​ ന​ട​പ​ടി

തൃ​ശൂ​ർ: സീ​നി​യോ​റി​റ്റി ന​ഷ്​​ട​പ്പെ​ടു​ത്തി ജോ​ലി ചെ​യ്​​തവരു​ടെ സീ​നി​യോ​റി​റ്റി അം​ഗീ​ക​രി​ച്ച് സ്ഥാ​ന​ക്ക​യ​റ്റം ന​ൽ​കാ​ൻ ന​ട​പ​ടി. ഹൈ​കോ​ട​തി നി​ർ​ദേ​ശ​ത്തി‍െൻറ അ​ടി​സ്ഥാ​ന​ത്തി​ലാ​ണി​ത്. ഇക്കാര്യം ചൂ​ണ്ടി​ക്കാ​ട്ടി ജ​യി​ൽ​വ​കു​പ്പ് ജീ​വ​ന​ക്കാ​രാ​ണ് കോ​ട​തി​യെ സ​മീ​പി​ച്ച​ത്. നി​ർ​ദേ​ശം ജ​യി​ൽ വ​കു​പ്പി​ൽ മാ​ത്ര​മാ​ണെ​ങ്കി​ലും ക്ര​മേ​ണ എ​ല്ലാ വ​കു​പ്പു​ക​ൾ​ക്കും ബാ​ധ​ക​മാ​കു​മെ​ന്ന് ഉ​ദ്യോ​ഗ​സ്ഥ​ർ പ​റ​യു​ന്നു.

അ​ത​ത് ജി​ല്ല​ക​ൾ​ക്ക് പു​റ​ത്ത് ജോ​ലി ല​ഭി​ച്ച ജീ​വ​ന​ക്കാ​ർ​ക്ക്​ സ്വ​ന്തം ജി​ല്ല​യി​ലേ​ക്ക് സ്ഥ​ലം​മാ​റ്റം വേ​ണ​മെ​ങ്കി​ൽ അ​ഞ്ച് വ​ർ​ഷ​ സ​ർ​വി​സ് വേ​ണ്ട​ന്ന് അം​ഗീ​ക​രി​ക്ക​ണം. എ​ന്നാ​ൽ, അ​പ്ര​കാ​രം സ്വ​ന്തം ജി​ല്ല​യി​ലേ​ക്ക് പോ​യ​വ​രു​ടെ സീ​നി​യോ​റി​റ്റി തി​രി​കെ ന​ൽ​കി അ​വ​ർ​ക്ക് സ്ഥാ​ന​ക്ക​യ​റ്റം ന​ൽ​കാ​നാ​ണ് ന​ട​പ​ടി. ട്രൈ​ബ്യൂ​ണ​ലി​ലെ​ത്തി​യ പ​രാ​തി​യാ​ണ് ഹൈ​കോ​ട​തി​ക്ക് മു​ന്നി​ലെ​ത്തി​യ​ത്.

ജ​യി​ൽ വ​കു​പ്പി​ൽ മൂവാ​യി​ര​ത്തി​ന് താ​ഴെ ജീ​വ​ന​ക്കാ​രാണുള്ള​ത്. ഇ​തി​ൽ 30 ശ​ത​മാ​നവും സീ​നി​യോ​റി​റ്റി ന​ഷ്​​ട​പ്പെ​ട്ടവ​രാ​ണ്. അ​വ​ർ​ക്ക് ഇ​ത് ഗു​ണ​ക​ര​മാ​കും. എ​ന്നാ​ൽ, സ്ഥ​ലം മാ​റ്റം ഒ​ഴി​വാ​ക്കി സാ​ധാ​ര​ണ ന​ട​പ​ടി​ക​ളി​ലൂ​ടെ സ്ഥാ​ന​ക്ക​യ​റ്റം ല​ഭി​ച്ച​വ​ർ​ക്കൊ​പ്പ​മാ​ണ് സ്ഥ​ലം മാ​റ്റ​ത്തി​ലൂ​ടെ സീ​നി​യോ​റി​റ്റി ന​ഷ്​​ട​പ്പെ​ടു​ത്തി​യ​വ​രും എ​ത്തു​ക. സ​ർ​വി​സ് കാ​ലാ​വ​ധി​ക​ളും സ്ഥാ​ന​ങ്ങ​ളും സം​ബ​ന്ധി​ച്ച് പ​രി​ശോ​ധ​ന ന​ട​ത്താ​ൻ വ​കു​പ്പി​ന് നി​ർ​ദേ​ശം ന​ൽ​കി​.

നി​യ​മ​ന വി​വാ​ദ പ​ശ്ചാ​ത്ത​ല​ത്തി​ൽ ഒ​ഴി​വു​ക​ൾ സം​ബ​ന്ധി​ച്ച പ​രി​ശോ​ധ​ന​ക​ളി​ലേ​ക്ക് ക​ട​ന്ന​പ്പോ​ഴാ​ണ് 2019ലെ​ നി​ർ​ദേ​ശ​ം ഇ​പ്പോ​ൾ പ​രി​ശോ​ധിക്കു​ന്ന​ത്. പു​തു​താ​യി ജോ​ലി​യി​ൽ പ്ര​വേ​ശി​ക്കു​ന്ന​വ​ർ​ക്ക് ഇ​നി സ്ഥാ​ന​ക്ക​യ​റ്റ​ങ്ങ​ൾ​ക്ക് കാ​ല​താ​മ​സം നേ​രി​ടി​ല്ലെ​ന്നാണ്​ ഉ​ദ്യോ​ഗ​സ്ഥ​രുടെ പക്ഷം.