ദാസ്യപ്പണി: പൊലീസ് ആസ്ഥാനത്ത് കണക്കെടുപ്പ് തകൃതി

തിരുവനന്തപുരം: ഉന്നത പൊലീസ് ഉദ്യോഗസ്ഥരുടെ വീട്ടിലും ക്യാമ്പ് ഓഫിസിലും അനധികൃതമായി ജോലി ചെയ്യുന്ന പൊലീസ‌ുകാരുടെയും ക്യാമ്പ‌് ഫോളോവർമാരുടെയും കണക്കെടുപ്പ‌് പൊലീസ് ആസ്ഥാനത്ത് തുടങ്ങി. എസ്​.പി മുതൽ മുകളിലുള്ള ഓഫിസർമാർക്കൊപ്പമുള്ള പൊലീസുകാരുടെയും ജഡ്ജ‌ിമാർ, മറ്റ‌് ജുഡീഷ്യൽ ഉദ്യോഗസ്ഥർ, രാഷ്​ട്രീയ നേതാക്കൾ, ലീഗൽ അഡ്വൈസർ തുടങ്ങിയവർക്കൊപ്പമുള്ള ഉദ്യോഗസ്ഥരുടെയും കണക്കാണ് ബറ്റാലിയൻ എ.ഡി.ജി.പി ആനന്ദകൃഷ്ണൻ ശേഖരിക്കുന്നത്​. 

തിങ്കളാഴ്ച നിയമസഭയിൽ പ്രതിപക്ഷം വിഷയം ആയുധമാക്കുമെന്നതിനാൽ തകൃതിയിലുള്ള കണക്കെടുപ്പാണ് നടക്കുന്നത്. തിങ്കളാഴ്ച രാവിലെ വിവരം ഡി.ജി.പി ലോക്നാഥ് ​െബഹ്റ മുഖ്യമന്ത്രിക്ക്​ കൈമാറും. കണക്കെടുപ്പ് തുടങ്ങിയതോടെ പല ഐ.പി.എസുകാരും അനധികൃതമായി ഒപ്പം നിർത്തിയ ക്യാമ്പ‌് ഫോളോവർമാരെയും പൊലീസുകാരെയും മടക്കിത്തുടങ്ങി.

എന്നാൽ, കണക്കെടുപ്പ് പ്രഹസനമാണെന്നാണ് ക്യാമ്പ് ഫോളോവേഴ്സ് അസോസിയേഷ‍​​​​െൻറ നിലപാട്. രേഖയില്ലാതെയാണ് പല ഐ.പി.എസുകാരുടെ വീടുകളിലും ക്യാമ്പ് ഫോളോവേഴ്സ് പണിയെടുക്കുന്നത്. രേഖയിലുള്ള വിവരം മാത്രമാണ് എസ്.പിമാർ എ.ഡി.ജി.പിക്ക് കൈമാറുന്നത്. ഇത് മറികടക്കാൻ ക്യാമ്പ് ഫോളോവേഴ്സ് അസോസിയേഷനും അംഗങ്ങളിൽനിന്ന് നേരിട്ട് വിവരം ശേഖരിക്കുന്നുണ്ട്.ബറ്റാലിയൻ എ.ഡി.ജി.പിയായിരുന്ന സുദേഷ‌് കുമാറി​​​​െൻറ മകൾ പൊലീസ‌് ഡ്രൈവറെ മർദിച്ചതിനെതുടർന്നാണ‌് കണക്കെടുപ്പിന്​ മുഖ്യമന്ത്രി പിണറായി വിജയൻ ഡി.ജി.പി ലോക്നാഥ് ​െബഹ്റക്ക് നിർദേശം നൽകിയത്.

വീട്ടിൽ ടൈൽസ്​ പണി; ഡെപ്യൂട്ടി കമാൻഡൻറിനെതിരെയും പരാതി 
തിരുവനന്തപുരം: ക്യാമ്പ്  ഫോളോവർമാരായി നിയോഗിക്കപ്പെട്ടവരെ കൊണ്ട് വീട്ടുജോലി ചെയ്യിച്ചെന്നാരോപിച്ച് ആംഡ് പൊലീസ് ബറ്റാലിയൻ ഡെപ്യൂട്ടി കമാൻഡൻറ് പി.വി. രാജുവിനെതിരെയും ഡി.ജി.പിക്ക് പരാതി. ക്യാമ്പ് ഫോളോവർമാരിലെ ദിവസക്കൂലിക്കാരായ രണ്ട് പൊലീസുകാരാണ് പരാതി നൽകിയത്. രാജുവി​​​​െൻറ കുടപ്പനക്കുന്നിലെ വീട്ടിൽ ടൈൽസ് പാകാൻ നാലുപേരെ നിയോഗിച്ചെന്നാണ് ആരോപണം. പണി ചെയ്യുന്നതി​​​​െൻറ ദൃശ്യങ്ങളും പരാതിക്കൊപ്പമുണ്ട്. രണ്ട് ദിവസം മുമ്പാണ് സംഭവം. ഉച്ചക്ക് മൂന്നു വരെ ജോലി ചെയ്തെന്നും ദാസ്യപ്പണി വിവാദം പുറത്തുവന്നതോടെ തങ്ങളെ പറഞ്ഞുവിടുകയായിരുന്നെന്നും പരാതിയിൽ പറയുന്നു. എന്നാൽ, ജീവനക്കാരെ വീട്ടിൽ ജോലിക്ക് ഉപയോഗിച്ചിട്ടില്ലെന്നാണ് രാജുവി​​​​െൻറ വിശദീകരണം.

മാനദണ്ഡങ്ങൾ തനിക്കും ബാധകമെന്ന്​ ഡി.ജി.പി 
തി​രു​വ​ന​ന്ത​പു​രം: ക്യാ​മ്പ് ഫോ​ളോ​വ​ർ​മാ​രെ ഉ​പ​യോ​ഗി​ക്കു​ന്ന​തി​നെ സം​ബ​ന്ധി​ച്ച മാ​ന​ദ​ണ്ഡം ത​നി​ക്കും ബാ​ധ​ക​മാ​ണെ​ന്ന് ഡി.​ജി.​പി ലോ​ക്നാ​ഥ് ​െബ​ഹ്റ. മാ​ന​ദ​ണ്ഡം ആ​ര് ലം​ഘി​ച്ചാ​ലും പ​രി​ശോ​ധി​ക്കും. അ​ന​ധി​കൃ​ത​മാ​യി ഡ്യൂ​ട്ടി ചെ​യ്യു​ന്ന​വ​രു​ടെ വി​വ​രം പ​രി​ശോ​ധി​ച്ച് വ​രു​ന്ന​തേ​യു​ള്ളൂ​വെ​ന്നും അ​ദ്ദേ​ഹം പ​റ​ഞ്ഞു.