Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമോദി അനുകൂല...

മോദി അനുകൂല പ്രസ്​താവന: അബ്​ദുല്ലക്കുട്ടിയോട്​ വിശദീകരണം തേടും -മുല്ലപ്പള്ളി

text_fields
bookmark_border
mullappally-and-abdullakkutty
cancel

തിരുവനന്തപുരം: മോദി അനുകൂല പ്രസ്​താവനയിൽ എ.പി അബ്​ദുല്ലക്കുട്ടിയോട്​ വിശദീകരണം തേടാൻ കെ.പി.സി.സി ​തീരുമാനിച്ചതായി അധ്യക്ഷൻ മുല്ലപ്പള്ളി രാമചന്ദ്രൻ​. ഇക്കാര്യത്തിൽ കണ്ണൂർ ഡി.സി.സി രേഖാമൂലം പരാതി നൽകിയിട്ടു​ണ്ടെന്നും​ അദ്ദേഹം വ്യക്തമാക്കി. ആലപ്പുഴയിൽ യു.ഡി.എഫ്​ സ്ഥാനാർഥി ഷാനിമോൾ ഉസ്​മാൻ പരാജയപ്പെട്ടത്​ പരിശോധിക്കാൻ പ്രത്യേക സമിതിയെ ചുമതലപ്പെടുത്തും. സമിതി അംഗങ്ങളെ കെ.പി.സി.സി ​അധ്യക്ഷൻ തീരുമാനിക്കും. കെ.പി.സി.സി നേതൃയോഗത്തിലാണ്​ ഇത്​ സംബന്ധിച്ച്​ തീരുമാനം കൈക്കൊണ്ടത്​.

പ്രളയ സെസ്​ ചുമത്താനുള്ള സർക്കാർ തീരുമാനം അംഗീകരിക്കാനാവില്ല. ജനങ്ങളോട്​ കാണിക്കുന്ന ക്രൂരതയാണിത്​. സംസ്ഥാന സർക്കാറിൻെറ പിടിപ്പുകേട്​ കൊണ്ടുണ്ടായ മനുഷ്യ നിർമിത പ്രളയമായിരുന്നു കേരളത്തിലുണ്ടായത്​. അമിക്കസ്​ക്യ​ൂറിയും ശാസ്​ത്രജ്ഞരും ഇതുത​െന്നയാണ്​ ചൂണ്ടിക്കാട്ടിയത്​. ദുരന്തത്തിന്​ പരിഹാരം കാണുകയോ ഇതുമായി ബന്ധപ്പെട്ട്​ എവിടെ നിന്നെല്ലാം പണം പിരിച്ചുവെന്ന്​ കണക്കുകൾ വെക്കുകയോ ചെയ്യാതെ പ്രളയ സെസ്​ ചുമത്താനെടുത്ത തീരുമാനം അംഗീകരിക്കാനാവില്ലെന്നും​ മുല്ലപ്പള്ളി പറഞ്ഞു.

ശബരിമല വിഷയത്തിൽ കോൺഗ്രസിൻെറ നിലപാട്​ ജനങ്ങൾ പൂർണമായും അംഗീകരിച്ചുവെന്നതിൻെറ​ തെളിവായാണ്​ ജനവിധിയെ പാർട്ടി നോക്കിക്കാണുന്നത്​​. ബി.ജെ.പിയും ആർ.എസ്​.എസും തങ്ങ​ളെ വഞ്ചിച്ചുവെന്ന ബോധ്യം ഭൂരിപക്ഷ സമുദായത്തിൽപെട്ടവർക്ക്​ അൽപം വൈകിയിട്ടാണെങ്കിലും വന്നിട്ടുണ്ട്​. ശബരിമല വിധിയിൽ പുനഃപരിശോധനാ ഹരജി നൽകണമെന്ന്​ ആദ്യമായി ആവശ്യപ്പെട്ടത്​ കോൺഗ്രസ്​ ആയിരുന്നു. ശബരിമല വിധിയുണ്ടായപ്പോൾ രണ്ട്​ തവണ പാർലമ​​െൻറ്​ സമ്മേളിച്ചിട്ടുപോലും ഇതുസംബന്ധിച്ച്​ ഒരു നിയമനിർമാണം നടത്തുന്ന കാര്യത്തിൽ ബി.ജെ.പി ദയനീയമായി പരാജയപ്പെട്ടുവെന്നും മുല്ലപ്പള്ളി വ്യക്തമാക്കി.

ഈ തെരഞ്ഞെടുപ്പിൽ ഫലം നിർണയിക്കുന്ന കാര്യത്തിൽ കൊലപാതക രാഷ്​ട്രീയം പ്രധാന പങ്ക്​ വഹിച്ചിട്ടുണ്ട്​. രണ്ട്​ കൊലപാതക കേസുകളിൽ പ്രതിക്കൂട്ടിൽ നിൽക്കുന്ന ഓരാളെ തന്നെ വടകരയിൽ മത്സരിപ്പിക്കാൻ സി.പി.എം തീരുമാനിച്ചത്​ ജനങ്ങളോട​ുള്ള വെല്ലുവിളിയായാണ്​ കോൺഗ്രസ്​ വിലയിരുത്തുന്നത്​. മുഖ്യമന്ത്രിയുടെ ധിക്കാരവും ധാർഷ്​ട്യവും ജനങ്ങളുടെ പ്രതിഷേധം ഏറ്റുവാങ്ങിയിട്ടുണ്ട്​. സംസ്​ഥാന ഭരണകൂടത്തിനെതിരായ വിധിയെഴുത്ത്​ കൂടിയായിരുന്നു തെരഞ്ഞെടുപ്പ്​ ഫലം. മുഖ്യമന്ത്രിക്ക്​ ജനപിന്തുണ നഷ്​ടപ്പെട്ടിരിക്കുന്നുവെന്നും പിണറായി വിജയൻ മുഖ്യമന്ത്രിപദം​ രാജി വെച്ചൊഴിയണമെന്നും കെ.പി.സി.സി പ്രസിഡൻറ്​ ആവശ്യപ്പെട്ടു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kpcckerala newsmullappallyap abdullakkuttymalayalam newspro modi statement
News Summary - pro modi statement; kpcc seeks explanation from AP Abdullakkutty -kerala news
Next Story