​'ദ കിങ്ങി'ലെ മമ്മൂട്ടിയുടെ ഡയലോഗ് ഓർമിപ്പിച്ച്​ പ്രിയങ്കയുടെ പ്രസംഗം;​ സമൂഹമാധ്യമങ്ങളിൽ വൈറൽ-VIDEO

ഷാജി കൈലാസിന്‍റെ സംവിധാനത്തിൽ മമ്മൂട്ടി നായകനായെത്തിയ ദ കിങ്ങിലെ ഡയലോഗുകളെല്ലാം മലയാളിക്ക്​ കാണാ പാഠമാണ്​. ഇന്ന്​ മലയാളികൾ ഒരിക്കൽ കൂടി കിങ്ങിലെ ഡയലോഗ്​ ഓർത്തു. പ്രിയങ്ക ഗാന്ധിയുടെ പ്രസംഗമാണ്​ മമ്മൂട്ടിയുടെ ഡയലോഗ്​ വീണ്ടും ഓർമിക്കുന്നതിന്​ ഇടയാക്കിയത്​.

കേരളത്തിന്​ എന്താണ്​ വേണ്ടതെന്നും മറ്റാരെക്കാളും നിങ്ങൾക്ക്​ അറിയാം. ഹോണസ്റ്റി ഉണ്ടാവണം. ക്വാളിറ്റി ആന്‍റ്​ പ്രോസ്​പിരിറ്റി ഉണ്ടാവണം. സെൻസിറ്റിവിറ്റി ഉണ്ടാവണം- ഇങ്ങനെ മലയാളവും ഇംഗ്ലീഷും കലർത്തി പ്രസംഗവുമായി വേദിയിൽ പ്രിയങ്ക കത്തികയറിയപ്പോൾ നിറഞ്ഞ കൈയടിക്കൊപ്പം സദസിലുണ്ടായിരുന്നവർ ഒാർത്തത്​ ദ കിങ്ങിലെ മമ്മൂട്ടിയുടെ ഡയലോഗ്​ തന്നെയാവും.

പ്രസംഗത്തിന്​ ശേഷം ദ കിങ്ങിലെ തേവള്ളി പറമ്പിൽ ജോസഫ്​ അലക്​സിന്‍റെ പശ്​ചാത്തല സംഗീതവും ചേർത്ത്​ പ്രിയങ്കയുടെ പ്രസംഗം വ്യാപകമായി സമൂഹമാധ്യമങ്ങളിലൂടെ കോൺഗ്രസ്​ സൈബർ ഗ്രൂപ്പുകൾ പ്രചരിപ്പിക്കുകയും ചെയ്​തു​.