You are here

പ്രിയങ്ക നാളെ വയനാട്ടിൽ

11:06 AM
19/04/2019
priyanka-gandhi

കൽപറ്റ: ആദ്യവരവിൽ വയനാട്​ നൽകിയ ഉജ്ജ്വല സ്വീകരണത്തി​​​​െൻറ ആവേശവുമായി പ്രിയങ്ക ഗാന്ധി വീണ്ടും വയനാടൻ മണ്ണിലെത്തുന്നു. ശനിയാഴ്​ച തെരഞ്ഞെടുപ്പ്​ പ്രചാരണത്തിന്​ പ്രിയങ്കയെത്തുന്നതോടെ കൊട്ടിക്കലാശത്തിനുമുമ്പ്​ വയനാട്ടിൽ ആവേശമുഹൂർത്തങ്ങൾ തീർക്കാനൊരുങ്ങുകയാണ്​ യു.ഡി.എഫ്​. 

നേരത്തേ മണ്ഡലത്തിലെ യു.ഡി.എഫ്​ സ്​ഥാനാർഥിയായ സഹോദരൻ രാഹുൽ ഗാന്ധിക്കൊപ്പം നാമനിർദേശപത്രിക സമർപ്പണവേളയിൽ പ്രിയങ്കയുമെത്തിയിരുന്നു. അന്ന്​ കൽപറ്റയെ ഇളക്കിമറിച്ച റോഡ്​ ഷോയിൽ രാഹുലിനൊപ്പം പതിനായിരങ്ങളുടെ ആവേശത്തിൽ കുതിർന്ന അഭിവാദ്യങ്ങൾ ഏറ്റുവാങ്ങിയ പ്രിയങ്ക ശനിയാഴ്​ച വയനാട്ടിൽ മൂന്നു പരിപാടികളിൽ സംബന്ധിക്കും. 

രാവിലെ 7:25ന്​ കണ്ണൂർ അന്താരാഷ്​ട്ര വിമാനത്താവളത്തിലെത്തുന്ന പ്രിയങ്ക 10:00 മണിക്ക്​ ഹെലിക്കോപ്​റ്റർ മാർഗം വയനാട്ടിലേക്ക്​ തിരിക്കും.

10.30ന് മാനന്തവാടി വള്ളിയൂർക്കാവിൽ പൊതുയോഗത്തിൽ പ്രസംഗിക്കും. വള്ളിയൂർക്കാവിലെ താൽക്കാലിക ഹെലിപാഡിലാണ്​ ഇറങ്ങുന്നത്​.

11.45ന്​ വള്ളിയൂർക്കാവിൽനിന്ന്​ പുറപ്പെട്ട്​ മുട്ടിൽ ഡബ്ല്യൂ.എം.ഒ കോളജ്​ ഗ്രൗണ്ടിലെ താൽക്കാലിക ഹെലിപാഡിൽ ഇറങ്ങും. താഴേ മുട്ടിലിൽനിന്ന്​ തൃക്കൈപ്പറ്റ വാഴക്കണ്ടി കോളനിവരെ റോഡുമാർഗമാണ്​ യാത്ര. പുൽവാമ ഭീകരാക്രമണത്തിൽ മരിച്ച സി.ആർ.പി.എഫ്​ ജവാൻ വസന്തകുമാറി​​​​െൻറ കുടുംബത്തെ വാഴക്കണ്ടി കോളനിയിലെ തറവാട്ടു വീട്ടിൽ സന്ദർശിക്കും. 

1.15ന്​ ഡബ്ല്യൂ.എം.ഒ കോളജ്​ ഗ്രൗണ്ടിൽനിന്ന്​ ഹെലികോപ്​ടറിൽ പുൽപള്ളിയിലേക്ക്​. പുൽപള്ളി പഴശ്ശിരാജ കോളജ്​ ഗ്രൗണ്ടിലാണ്​ ഹെലികോപ്​ടർ ഇറങ്ങുക​. 

1.30ന് പുൽപള്ളിയിൽ കർഷക സംഗമത്തിൽ സംബന്ധിച്ചശേഷം വയനാട്​ മണ്ഡലത്തിൽ ചുരത്തിന്​ താഴെയുള്ള നിയോജക മണ്ഡലങ്ങളിൽ പരിപാടികളിൽ സംബന്ധിക്കും.

ശേഷം 2:15ന്​ ഹെലികോപ്​റ്ററിൽ പുൽപള്ളിയിൽ നിന്ന്​ നിലമ്പൂരിലേക്ക്​ പോകും. മൂന്ന്​ മണിക്ക്​ നിലമ്പൂരിൽ​ ജനങ്ങളുമായി സംവദിക്കും.

3:45ന്​ അരിക്കോടേക്ക്​ പോകുന്ന പ്രിയങ്ക അവിടെ 4:05 മുതൽ 4:45 വരെ പൊതുപരിപാടിയിൽ പ​ങ്കെടുക്കും. ശേഷം അരീക്കോട്​ നിന്നും 5:05ന്​ താമസ സൗകര്യമൊരുക്കിയ വൈത്തിരിയിലേക്ക്​ പോകും. 21ാം തീയതി തിങ്കളാഴ്​ച പ്രിയങ്ക ഡൽഹിയിലേക്ക്​ തിരിക്കും.

Loading...
COMMENTS