Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightജിഷ വധക്കേസിൽ രഹസ്യ...

ജിഷ വധക്കേസിൽ രഹസ്യ വിചാരണ

text_fields
bookmark_border
ജിഷ വധക്കേസിൽ രഹസ്യ വിചാരണ
cancel

കൊച്ചി: ജിഷ വധക്കേസിൽ രഹസ്യ വിചാരണക്ക്​ ഉത്തരവ്​. എറണാകുളം പ്രിൻസിപ്പൽ സെഷൻസ്​കോടതിയുടെതാണ്​ ഉത്തരവ്​. വിചാരണ നടപടികൾ തുടങ്ങുന്നതിനു മുന്നോടിയായി കേസ്​ പരിഗണിച്ചപ്പോഴാണ്​ രഹസ്യ വിചാരണക്ക്​ തുരുമാനിച്ചത്​. രഹസ്യ വിചാരണക്കെതിരെ പ്രതിഭാഗം ഉന്നയിച്ച എതിർപ്പ്​ കോടതി അനുവദിച്ചില്ല.

ഏപ്രിൽ അഞ്ചുവരെയാണ്​ ഒന്നാംഘട്ട വിചാരണ. ഒന്നാം ഘട്ടത്തിൽ 21 സാക്ഷികളെയാണ്​ വിസ്​തരിക്കുക. കേസിലെ ഒന്നാംസാക്ഷിയായ പഞ്ചായത്തംഗത്തെ ഇന്ന്​ വിസ്​തരിക്കും. ജിഷയുടെ അമ്മയും രണ്ടാം സാക്ഷിയുമായ രാജേശ്വരിയുടെ വിസ്​താരം നാളെയാണ്​.

നിയമ വിദ്യാർഥിനിയായ ജിഷ 2016 ഏപ്രിൽ 28നാണ്​ പീഡനത്തിനിരയായി പെരുമ്പാവൂരിലെ വീട്ടിൽ കൊല്ല​െപ്പട്ട നിലയിൽ കാണപ്പെടുന്നത്​. കേസിൽ അന്യസംസ്​ഥാനക്കാരനായ അമീറുൽ ഇസ്​ലാമാണ്​ അറസ്​റ്റിലായത്​.

സംഭവദിവസം കൂലിപ്പണിക്ക് പോയ അമ്മ രാജേശ്വരി രാത്രി ഏട്ട് മണിയോടെ തിരികെ എത്തിയപ്പോഴായിരുന്നു ക്രൂരമായരീതിയില്‍ ജിഷയെ കൊല്ലപ്പെട്ട നിലയില്‍ വീടിനുള്ളില്‍ കണ്ടെത്തുന്നത്. ദീർഘനാളത്തെ അന്വേഷണത്തിന്​ ഒടുവിലാണ്​ കൊലപാതകിയെ പൊലീസ്​ പിടികൂടുന്നത്​.

വീട്ടില്‍ അതിക്രമിച്ചു കയറി മാനഭംഗപ്പെടുത്തുകയും കൊലപ്പെടുത്തുകയും ചെയ്തുവെന്നാണ് കേസ്. പട്ടികവര്‍ഗ പീഡന നിരോധന നിയമം അടക്കമുള്ളവ ചുമത്തിയിട്ടുള്ളതിനാലാണ് കേസി​​െൻറ വിചാരണ കുറുപ്പംപടി കോടതിയില്‍നിന്ന് എറണാകുളം സെഷന്‍സ് കോടതിയിലേക്ക് മാറ്റിയത്.

Show Full Article
TAGS:jisha murder case 
Next Story